Pre-A Level 是否可取?

WUINE

小兒中三，平庸，英文超屎，剛考完英國學校第10班入學試，有一間學校擔心佢英語水平短期內難以改善到可以應付英國GCSE課程, 建議佢放棄讀第10、11班，offer佢讀pre-A Level課程一年，第二年由第12第班（A Level）讀起, 即係完全唔讀GCSE。請教大家對這途徑的意見？例如這方面的認受性？會否影響將來入讀當地大學的機會？感謝！

longlokma

除咗考慮英文，學習程度及能力都要考慮。 先撇除英文水平， 如果你孩子中三學習程度一般 ，你有冇信心佢真係可以跳過gcse課程直接學習a level內容呢？
你會唔會考慮畀佢喺香港起碼讀埋中四 ，打好啲基礎先至再去英國讀pre a level呢？

beastiebistro

回覆 WUINE 的帖子

我個人認為你小朋友個case有咁樣考慮，

1. 考GCSE，就直接要考英文科，不過就有多兩年準備。學多年英文，但係考得唔好有可能對升Y12／揀某啲科／報大學有啲啲影響。
2. 唔考GCSE，就避咗要考英文科（假設你小朋友A level揀數理科目），不過得一年時間適應就直接讀A level。咁就要諗下到時嘅英文能力足唔足夠應付呢啲科嘅教學同解題（連問題都搞唔明嘅話，點開始解答呢？），同埋寄宿適應問題（因為各樣溝通都係英文），唔適應都唔會讀得開心。

yuyueng

因為擔心英語水平而skip 左GCSE正常中四中五課程其實仲危險，因為讀大學都要有一定英文程度至可以（要考IELTS），唔係話唔讀英文就可以逃避。
呢一兩年香港學校都無咩上堂咁，直接跳去讀A Level 可以預計名校高材生都掹水，跳左太多基礎知識啦。
照讀Y10, 其實中學生有心讀唔係難，唔好修太多科目，呢兩年打好英文基礎，趁暑假報D英文精讀班，每星期做幾篇閱讀理解能力，背下生字、彥語果D，掌握返文法，聽同講去到英國可以進步得快，呢2年過左再睇返成績而揀Sixth Form 讀邊間，距離入大學仲有兩年改善英文，安心好多既。

SIYip

我覺得照獨year 10，等佢適應吓英國學習，英國環境，最重要係體會吓咩科目佢鍾意讀。pre-a level 通常係國際學生讀，反而減少咗同當地學生交流，對學英文更不利。

WUINE

回覆 longlokma 的帖子

因為阿仔12月出世，依家15歲，agent 分析過越遲過去，難度越大

WUINE

多謝大家嘅寶貴意見！


如果呢個途徑會影響到佢同當地學生交流，學唔好英文，就違背咗佢去留學嘅目的，咁我寧願博一舖，照讀year 10

cfs

WUINE 發表於 21-3-21 17:28
多謝大家嘅寶貴意見！

照讀Year 10,用兩年時間追好英文，否則上大學會有困難，佢自己都要大膽去講，有心追可以追到，學校又有EAL比海外生，放假回港可以操返基本野。學校支援一定要足夠，寄宿生留意國藉人數，最好香港人比例少。

elysemama

WUINE 發表於 21-3-21 17:26
回覆 longlokma 的帖子

因為阿仔12月出世，依家15歲，agent 分析過越遲過去，難度越大 ...

現在已15歲，今年9月過去，還可以讀Y10?  已超齡！

212512

讀pre A-level 是否只讀3-4科？但讀year 10就要讀10科？咁讀pre A level 可能相對冇咁大壓力，可以集中火力讀幾科！一邊學好英文，一邊用3年時間去預備A-level ? 會唔會有把握D? Agent 介紹在邊間school 讀pre A level ? 我知道有同學在Bootham School 讀pre A level, 全校只有4位讀！學校可以好集中地預備他們上A-level！而同學感到無咁大壓力，而且在pre A level 去適應boarding 生活。

WUINE

回覆 elysemama 的帖子

2005年12月底出世, 學校酌情處理

WUINE

回覆 212512 的帖子

Year 10最少讀8科, Pre-A Level最少讀7科(包括5科同Year 10-11 一樣既學科)係Wycliffe既offer, 佢哋嘅想法都係咁樣，希望可以集中精力，應付A-Level.
我擔心係呢個途徑唔知會唔會係申請入U時被大打折扣.

同埋唔知會唔會出現上面有位師兄講嘅情況，呢啲course只有國際學生讀，水鬥水，少機會與當地學生交流接觸，難以學好英文

wloi

大學一定會要求 IETLS成績，多數都要6至6.5....
真人真事，認識個小朋友有oxford CO...成績 meet 到，不過IETLS考3次都唔夠分(得 6.5, 點都考唔到 7)，最後去了另一間 IELTS要求低少少的大學讀。

TTEE1819

WUINE 發表於 21-3-21 22:07
回覆 212512 的帖子

Year 10最少讀8科, Pre-A Level最少讀7科(包括5科同Year 10-11 一樣既學科)係Wycliffe ...

報UCAS時，係用predicted grade來報，如果你孩子讀完Pre-Alevel後，在Year 12讀得好好，在Year 13 十月用靚grade去報就得，英國百幾間大學，實有學校收，只要你meet requirement, conditional offer唔難取。

問題最大係：你開場白已講得好清楚，你孩子「平庸，英文超屎」，如我，一定選讀Year 10, 孩子用多一年時間，我付多一年費用，無其他損失。有時間比孩子適應，又有時間學耐d英文。

giver

wloi 發表於 21-3-21 22:44
大學一定會要求 IETLS成績，多數都要6至6.5....
真人真事，認識個小朋友有oxford CO...成績 meet 到，不過I ...

好可惜啊！請問係近兩年發生？ 應該有問過學院酌情處理，但不成功吧？ 有冇申請 defer 一年？  
應該與學院、選修科目有關係嗎？

giver

WUINE 發表於 21-3-21 01:31
小兒中三，平庸，英文超屎，剛考完英國學校第10班入學試，有一間學校擔心佢英語水平短期內難以改善到可以應 ...

有朋友仔 IELTS 未夠分，就轉咗去澳洲讀 diploma 再駁入澳洲大學 year 2   
唔知英國有冇類似嘅安排？ 只知英國有 foundation year

WUINE

回覆 giver 的帖子

也了解過Foundation, 似香港既副學士, 暫時不打算

elysemama

WUINE 發表於 21-3-21 21:37
回覆 elysemama 的帖子

2005年12月底出世, 學校酌情處理

既然搵到學校收佢讀Y10，我會選擇由Y10讀起，起碼真係接觸多一年全英環境學習，浸多一年英文; 英語能力對長遠學習（A level 而至大學）好重要！

WUINE

回覆 TTEE1819 的帖子

同意比多一年時間學好D英文係好, 風險係佢依家讀中中, 除左英文科, 其他科都係中文教, 過到UK就全英, 萬一佢短期內適應吾到GCSE既全英課程同考試, 連A-Level都入吾到閘,
但又吾甘心試都未試過就放棄GCSE

giver

WUINE 發表於 21-3-22 12:47
回覆 TTEE1819 的帖子

同意比多一年時間學好D英文係好, 風險係佢依家讀中中, 除左英文科, 其他科都係中文 ...

其實一般大學丶一般科目，對 IELTS 及 GCSE分數要求不高。肯讀 Y10 就唔使擔心，因為語境十分十分重要，呢點大家都認同啦，加上英國中學的補底班，進步可期！
咁重點就係：日常要冇乜機會用中文。
不過另一個難題來了：孩子需要時間適應、培養溝通能力。否則，較難融入當地文化。所以，家長需與孩子保持密切聯繫，開解 support, 尤其是在第一年 ⋯ ⋯  之後就輪到佢唔得閒睬你啦！