小朋友4.5歲同佢講野, 唔回應人, 請問怎改善?

WINNIETHEMEOW

小朋友4.5歲同佢講野， 佢永遠好似聽唔到咁， 只會不停口講自己想講既野， 唔鍾意睬人，請問點改善好?   例如我想TＲＡＩＮ佢Ｄ常識， 我地好似平時傾計咁，同佢講如果你在街唔見咗爸爸媽媽， 你會點做？ 佢會答我： 我今日課室有個小朋友比老師罵， 佢上堂走咗去開課室門。 我就會好鬼嬲， 點解成日同佢講野， 佢好似９唔搭８咁。 但佢應該不是專注力不足，因為上堂ＺＯＯＭ又可以坐定定１個鐘，請問你地小朋友會否有這情況，點改善好?



同埋佢只可以由佢把口出發講野就有紋有路， 但由別人講野出發， 佢就唔識答和零反應。  佢只鍾意自己在家不停講野和亂哼歌（唔會記歌詞) 但出街就完全不出聲。 例如: 佢見到樓下保安姨姨, SAY HI後, 人地再繼續同佢講你糸咪出街吃午餐呀, 佢已經無反應或已走開. 又或者呆一陣,答糸午餐(其實佢唔糸午餐, 只是去了彈琴). 例子2:離開餐廳時, 人地話你條辮好長好靚, 佢完全唔會望人. 就行咗去. 我教過好多次, 可以講多謝. 其實我自己都有以身作則講唔該早晨, 唔知點解佢完全唔理人.  仲好似聽唔到咁行開, 我問佢聽唔聽到人地同佢講緊野, 佢又答聽到. 咁糸咪唔正常? 定糸語言發展有問題?

我覺得佢唔識回應別人有影響到佢社交. 所以想知點改善. 謝謝!

ANChan59

你試過問她為何這樣回答。為何會冇反應？

可能她的答案跟你所想完全唔同，係有她的理由。

兒子面試小學時，有一條題目問過年你最喜歡吃什麼東西？他的答案是月餅！我們嚇一跳，問他點解，他的答案是這麼多節日食品，他最喜歡吃的是月餅。老師沒有 follow up question，所以死硬。

我們要分析老師個問題跟他的答案落差在什麼地方，如何再包裝個答案，又答到老師個問題，又表達到他的想法。

我在EK的日誌分享過，我在人前少一點補充他的答案，他會越來越熟綀，答案越來越完整，你可以參考一下。

b3410

WINNIETHEMEOW 發表於 21-3-19 11:23
小朋友4.5歲同佢講野， 佢永遠好似聽唔到咁， 只會不停口講自己想講既野， 唔鍾意睬人，請問點改善好?   例 ...

4.5歲而已, 應該還是以自己為中心的生長階段，唔肯應人，可能係覺得你哋好煩。
我小朋友細個就係咁，出出入入樓下保安姨姨由細睇到佢大，每次同佢打招呼，佢都係扮聽唔到。我哋好尷尬，姨姨就會自己打圓場“佢真係好怕醜”。除咗保安姨姨，學校老師也一樣，主動同佢打招呼，佢就係唔出聲。不過，如果大家都唔睬佢，佢自己又會行過去同人打招呼，一起玩。

等佢越來越大，問題逐漸自行解決，雖然都唔係好鐘意主動打招呼，不過基本禮貌可以做到。社交方面也沒有問題，雖然有時比較cool, 不過，去不同地方/環境都可以好快識到朋友。問佢點解唔肯打招呼？原來記得好清楚，話： 你哋一直話我怕醜囉，咁我就繼續怕醜唔使睬你哋。

唔使擔心，就係作為家長，有時比較尷尬😓
我儘量唔迫佢打招呼，因為呢種性格，越迫越衰，而且加強小朋友對打招呼的反感。

對待呢類“硬頸”小朋友，要俾多d空間。

notcool

不幸的是，沒有實際上課,不然可以問老師
那麼，他可以和其他孩子交流嗎？
如果您遵循他的話題，他會回應嗎？
他可以聽從指示嗎？

annie40

回覆 b3410 的帖子

真是好媽媽,十分欣賞！
如果情況允許,家長也可加打力度向左鄰右舍打招呼,甚至問好,孩子看多了,會更習慣這種相互友好的紛圍.

模仿不模仿,做與不做,也是孩子的選擇,急不來.但按經驗和觀察,真心換真心,九成以上孩子會開始真心待人,習慣有禮貌.

這些真心實意的態度,會為孩子帶來很多貴人。

knowledgelover

回覆 WINNIETHEMEOW 的帖子

估你可以試下, 每次佢講野時好專心聽咁等佢講完, 然後正式回應, 最好可以問埋佢對你的回應有什麼看法.大約50至100次之後, 可能有改變.
而且, 對於佢唔答你/你們的說話或問題, 不要發晒脾氣咁, 只說你會擔心或傷心之類.
大約50至100次之後, 可能有改變.
小心, 口說的語言是一部分, 身體語言可能暴露真相.

~以上言論沒有半點批評或指責成分, 如有雷同實屬巧合.~

WINNIETHEMEOW

我問佢仲乜唔答人, 佢就答我唔記得答人. 我話答人糸唔需要記住, 聽到人講野, 就答LAW.
她不是怕羞, 她喜歡搭小巴叫下車, 但佢在學校識唔到朋友, 佢話無人鍾意佢. 佢張枱個幾個小朋友唔SO佢. 佢巳經主動問其中1個小朋友可否做朋友, 佢話唔可以, 答我個囡因為佢已經有個朋友.  另外佢同另1個佢講野, 就只回佢一句"BU" . 我個囡糸好靜, 說話一句起兩句止的, 成日比人恰果個. 例如比隔離同學不停踏佢對鞋, 佢都有話唔好.  但就糸不停比人恰.  我其實留意到佢有時糸唔知答人乜野, 所以唔出聲. 唔知點幫佢.

annie40

回覆 WINNIETHEMEOW 的帖子

4.5歲小朋友不習慣社交，很容易被其他小朋友誤會為古古怪怪，非我族類，按這個年齡的孩子行為，亦不需‘恰同學’來抬高形象。因此我們不須太早認為孩子在學校被同學欺凌。因為疫情，孩子們缺乏正常社交生活，也是非當不容易。

簡單積極的做法可以是：
1）為孩子制定強生健體方案，重視營養均衡，每天去公園走走或假期行山
2）多帶孩子去新地方，多見各形各樣的陌生人
3）給女孩子按不同場合需要，合適打扮一番。（也是媽媽的樂趣）
4）媽媽厚著面皮主動去聯絡一些友善的同學家長，交流育兒經驗和困境。父母友善，其子女99%會是善良族群的，然後大家多安排play date，或是其他戶外活動。（註：social 的家長不等于友善的家長，必須要分清楚）
5）凡事不會一蹴而成，多帶孩子跟其他孩子玩，自己趁機也多觀察其他孩子行為，以及參考其他家長的教養，變化便會慢慢出現。

請相信自己和女兒，多玩有益啊！

曾經也有個4·5歲女孩的處境和性格，跟妳女兒十分相似。今天她媽媽是我最要好的朋友，而女孩也成了我的乾女兒，正在念法律，今年畢業啦！

ABC-DAD

某人的心底話--最討厭路人甲乙丙問我『點解咁答，點解咁做』，我有必要同你交待嗎？
其實只你有足夠好的內容，好奇心係會驅動小朋友同你互動。
又或者佢感覺你關心的誠意。

KCB988

試下搵兒童心理學家