小一考直私經驗分享

蘇飛飛

請問已經有了offer的家長可分享下如何準備嗎？例如要報考面試班嗎？有什麼證書，家長如何幫忙準備，考核中英數及其他內容？

還有portfolio 及影片如何自己製作？用什麼軟件及技巧？

k2 ，頭痛中

萬分感謝

xubin2008

回覆 蘇飛飛 的帖子

其實你首先考慮下自己小朋友嘅個性啱那一間小學，然後報多幾間，其實学術表現一般都可以，重點係唔係小朋友可以活躍表現自己，放鬆D，至於小朋友嘅履歷主要表現你地家庭關係溫暖父母可以比到小朋友關注就可以啦，技術上嘅嘢其實次要至於證書有也可以就算冇只要面試表現好都可以，一句講晒搵到夾你小朋友嘅學校，考上唔係問題。

Jean1769

我小朋友考到不少offer，包括男女神、D系、CKY、TSL，無上面試班

學術應該稍高但不離地，加減都是二十內
ORT stage 9以上、非常喜愛閱讀，所以中文認字應比其他考生好唔少（因為中文一般較弱）

望落乖巧活潑、老師喜愛類型，有問有答流暢交流，詞彙是比較豐富，喜愛發問（因我常鼓勵他問問題再一起上網找答案）

profolio及剪片都是自己來，不是很花巧但內容有心思，表現出佢是一個點的小孩。只有一兩張cert。

玩完考小遊戲，發現並非咁複雜，最緊要語文聽說讀好，不怕醜，肯交流。

Ericci

回覆 蘇飛飛 的帖子

我諗多報幾間吸收面試經驗比去面試班好，同埋所有學校都要考中英數，中英生字要熟，如果單靠學校所教應該唔夠，最好每晚同小朋友講下故事書比佢增加閱讀興趣

b3410

Jean1769 發表於 21-3-14 11:07
我小朋友考到不少offer，包括男女神、D系、CKY、TSL，無上面試班

學術應該稍高但不離地，加減都是二十內

Wow
最後揀邊間？

請問是不是名幼？

hkcsty

英華前校長話升小一不是k2才開始準備，是出世開始已經要準備，就是家庭教育。
中英數常，中英如不愛閱讀基本上收reject/waiting居多，因為讀書認字已給比下去。數學10以內加減不能錯，兩位加減是bonus, 生活常識解難能力溝通技巧就基本上睇家庭
本身，改不了多少。

QKmommy

Jean1769 發表於 21-3-14 11:07
我小朋友考到不少offer，包括男女神、D系、CKY、TSL，無上面試班

學術應該稍高但不離地，加減都是二十內

你考小咁順利，主要係因為你有一個性格適合面試嘅孩子，加上家長嘅悉心栽培，自然事半功倍，不是人人如你般順利的

我有兩個小朋友，大的考小時考到兩三間一線的，小的就好順利地間間都收，兩個小朋友我都係咁教，幼稚園亦一樣，所以我覺得主要嘅分別就係細嗰個性格就係老師鍾意嗰款，又唔緊張怯場，呢種小朋友去 interview 係好著數的，好可惜，性格係生出嚟，亦唔係教出來

我亦唔認為呢批識 interview 嘅小朋友，個個上到小學都會名列前茅，始終性格內歛又叻嘅小朋友都係有好多的，到最後都係睇佢自己造化

hellolulululu

我都好好奇想問一下
因為大家都知道考小時中英數的要求
呢個家長努力是可以準備到的

到底大家最終沒有心儀offer，是因為中英數沒準備好？定係小朋友性格影響了面試？

因為我好努力在幫小朋友準備考小，但好想知，有幾多學術上準備好的小朋友，最終都係無心儀offer?

Kenji0105

試想下面試時，如果小朋友唔開口答問題，即使中文識背出師表、英文識讀Harry potter、數學識分數都無用的。而且考小面試時，大多數唔止問學術，好多時有處境題、解難題，去到sec in或third in時，小朋友被問的問題，已反映了家庭教育。
剛經歷完考小，總結是基本學術已足夠，反而最重要是即問即答（仲要詳細答）有自信才是高難度

糯米米糍

hellolulululu 發表於 21-3-14 18:45
我都好好奇想問一下
因為大家都知道考小時中英數的要求
呢個家長努力是可以準備到的

我小朋友今年考小，都可以分享下。總括就如好多有經驗家長分享，如小朋友敢於表達，溝通表達能力強，性格主動，對考小最重要。我小朋友學術可以，中文睇緊簡單橋梁書，英文睇緊ORT 10以上同chapter book，數學可以handle三位數進借位加減，簡單乘除數，但我小朋友有speech delay，表達能力較弱，所以好多間都2nd in止步或waiting (不過其實已比預期好，好多間無諗過可以入到2nd in) 。最後兩私一直offer，都係非熱門學校。
考咗十幾間，無論zoom in或面見後小朋友分享返，其實學術好少考到好深，反而考小朋友反應，對答，聆聽指令，學習態度更多。

不過我哋本身最心儀嘅係一間冷門直資，都感恩有offer，算係考小圓滿結束。


見到今年k2又開始報名了，來年家長加油

Mytrueapple

大家覺得幼稚園係邊間重唔重要

adako728

回覆 Mytrueapple 的帖子

個人意見和感受，完全唔重要，今年大把普通私幼小朋友好多offer。幼稚園再叻都係得三粒鐘，家長如何栽培更加重要

Lilianyu500

糯米米糍 發表於 21-3-14 20:08
我小朋友今年考小，都可以分享下。總括就如好多有經驗家長分享，如小朋友敢於表達，溝通表達能力強，性格主 ...

我個仔之前都有speech delay，cognition delay, 大小肌肉delay. 佢曾經讀過I 位，現在讀E位。我要非常努力的去教佢中文英文生字，再加埋言語治療，職業治療，物理治療師的幫助。最後都有熱門心儀的offer. 不過老實講，我覺得佢對老師的對答，真係比其他小朋友差D，但係如果問學術野就全部都識哂。
總之，做家長盡曬力教佢，結果係點我覺得都唔重要，最緊要係佢學到幾多野。

糯米米糍

Lilianyu500 發表於 21-3-14 22:34
我個仔之前都有speech delay，cognition delay, 大小肌肉delay. 佢曾經讀過I 位，現在讀E位。我要非常努力 ...

最重要小朋友本身有進步，我小朋友就無做任何治療，只靠自己努力幫佢，所以能考到心儀學校又見到佢嘅進步，想到佢能夠喺適合嘅學校讀書已好心足

kenyuenkc

QKmommy 發表於 21-3-14 17:58
你考小咁順利，主要係因為你有一個性格適合面試嘅孩子，加上家長嘅悉心栽培，自然事半功倍，不是人人如你 ...

十隻手指有長短，其實唔一定要互相比較

最緊要係搵到適合小朋友既學校

Lilianyu500

糯米米糍 發表於 21-3-14 22:38
最重要小朋友本身有進步，我小朋友就無做任何治療，只靠自己努力幫佢，所以能考到心儀學校又見到佢嘅進步， ...

其實係，見到佢有進步，又考到心儀的小學，真係百般滋味在心頭。想起當初又怕老師知道又驚俾同學歧視，到現在做一個正常嘅小孩子，點辛苦都係值得嘅。
同埋，我想講，家長嘅教導喺比任何野都重要，因為家長對小朋友的時間係最長。

pyaleung88

其實細B入神校或一線直私係咪難好多？

Lilianyu500

pyaleung88 發表於 21-3-14 22:51
其實細B入神校或一線直私係咪難好多？

我覺得未必。

gabejang

QKmommy 發表於 21-3-14 17:58
你考小咁順利，主要係因為你有一個性格適合面試嘅孩子，加上家長嘅悉心栽培，自然事半功倍，不是人人如你 ...

你好持平，冇錯有d小朋友只係唔適合大部分直私面試模式，惟有喺學術上努力多些少去令學校覺得佢有潛質。我女係細b又細粒，k2-3時講野點到即止，唔算突出，所以有幾間INTERVIEW撞期我只會揀間大機會揀到佢呢種嘅學校去in

VinJacHay

回覆 QKmommy 的帖子

十分認同,
小朋友天生性格唔怕人, INTERVIEW 已經成功左一半,

家庭教育正正常常就又成功多D,

最後睇學校合唔合眼緣,

水到渠成,

我諗好多人唔成功或覺得好困難, 小朋友性格好大變數,

今年成年都係拍片, 幫左好多唔善出面的小朋友。