教育之路何去何從

妞妞寶媽

tongyuen001 發表於 21-3-13 23:24
仲要唔一定收返細嘅, 播道第三個不用學費可以考慮下減輕經濟負擔。唔知其他學校係咪都係讀幾個第三個免學 ...

研究學校真的第一步！本身來香港定居主要是為了孩子教育，不能稀裡糊塗的讀。

妞妞寶媽

areyouangry 發表於 21-3-13 22:35
睇完覺得都係新派活動教學一條龍直資學校比較符合你要求（如：培僑，王錦輝，聖瑪加利，港同⋯⋯），但要考 ...

請問一般在哪些渠道可以了解各種學校的教學理念？是否需要買一本書系統全面了解？因為網上信息多爾雜，零碎。

areyouangry

妞妞寶媽 發表於 21-3-13 23:34
請問一般在哪些渠道可以了解各種學校的教學理念？是否需要買一本書系統全面了解？因為網上信息多爾雜，零 ...

沒有懶人包呀⋯⋯都是要靠自己從多方面渠道去了解，再將零散雜碎的信息進行歸納、分析總結⋯⋯這裏便是一個很好的渠道！
媽媽不要心急，放鬆心態才能理清思路。

Vanadium

首先應沒有哪一種教育才絕對叫好，任何教育模式都有佢好處同唔好處，就算傳統模式都有佢優勢，否則西方教育家都不會反思為何亞洲學生在各國際測考中都有好成績，而香港現中上層成功既一班，又大多黎自傳統中小學，真係難以否定傳統係咪一定唔好。莫講打工高收入，好多富豪都仍讓子女留在傳統學校中讀書，所以傳統與否應只係一個個人選擇，傳統教育仍有市場。

其次應無學校絕對係傳統還是啟發性，只係傾向邊邊多啲。再講子女性格特質較適合邊一種教育都好重要。

部份人以大學教育既經歷去判斷中小學應如何，其實係有啲危險，大學甚至研究院既模式，就算點成功，套入去中小學都可能係毒藥，始終係人生不同階段，就如叫個BB以探索模式去學習家居電器有咩危險，可能BB連長也長不大就意外死了。

若樓主相信較活動、啟發既教學模式對自己子女較有好處，又不想太花錢，可留意有非DSE課程之一條龍直資，如真道、王錦輝等，如果純考DSE，應好難跳出填鴨和操練既結果，本身DSE就係一個頗填鴨既課程。

但若無選擇，其實唔太覺得傳統課程一定差，只要平時家庭教育及活動，彌補學校之不足就可以了。

糯米米糍

要搵到真正適合小朋友嘅學校無捷徑，選校亦要取捨，無一間學校係完美。土生土長家長，我哋一樣花幾年時間做資料搜集，自己就由小朋友N班開始，K1時就陸續聽升小講座，小一簡介會等等，前前後後聽咗廿幾間，將每間學校特色做筆記。網上嘅資料固然零碎，要靠自己整合，有心了解嘅學校我會細睇學校網頁，多少都會包含有用資訊。

b3410

妞妞寶媽 發表於 21-3-13 23:34
請問一般在哪些渠道可以了解各種學校的教學理念？是否需要買一本書系統全面了解？因為網上信息多爾雜，零 ...

EK已經算是最全面，不過要有些耐心慢慢找需要的資料。善用search 功能。
第一步，了解個間學校中英文名，簡稱。其實大家日日講的學校，多人關注，通常都有自己的特色和過人之處。大概整理出一個清單，google一下地址交通學費，看看適不適合自己。

第二步，有了清單之後，就每一間仔細做功課。看看是不是自己想要的。還可以去每一間學校附近走走，看看，環境，出來的學生，是不是你喜歡的。順便帶小朋友一起，也問一問他們自己的喜好。也可以在學校門口影相，幫自己recall 學校大致如何，也可以將來放入申請表簡歷中

最後，明確了目標，就是最辛苦的部分，努力裝備小朋友，考入去。

Soundervolt

PTL_L 發表於 21-3-13 15:39
我哋要教自己小朋友懂得「搵食」而唔係習慣被「餵食」。

正確

b3410

續，既然你的大女兒已經在讀小學，轉學的話就要考插班，現在差不多是個間學校開始可以報名睇時候，可以去試試。
官津校我也不是很熟悉，不過直資來講，培僑，福建，王錦輝都可以考慮。私校，如果大女學術很強，也有不少特長，可以考慮去考女拔小，課程設計十分出色，一定符合你的需要。不過學費貴一些，當然相對國際學校，還是很相宜。

國際學校或者IB學校的話，其實也有不少選擇。例如很多中產家庭喜歡去考的蔡繼友，比較好的平衡了中文和IB。

另外YMCA港青那間學校，也不算貴，也是IB課程。還有宣道國際，也是多本地家庭，注重中文，又喜歡國際學校教法的一個選擇。


國際學校也不是貴的不可以考慮。

不過，選校是第一步，之後為了目標而努力，才是最重要的。你本人也屬於高學歷，全職媽媽，考學校有著數

mooie

發現而家好多家長一聽到官/津校，即刻耍手零頭，話呢啲傳統學校教學模式死板，多功課多抄寫多默書測驗........，個個都話想搵間Happy School，返學好似玩咁樣，冇乜功課，唔洗成日默書測驗，但係學生成績又好，又入到好中學好大學，世界上有呢啲學校嗎？我自己覺得，從來想成功，都係要靠自己努力，傳統學校填鴨式教學又好，新派活動教學又好，都係要睇學生本身自己，每個人都有自己學習方式，冇話邊一種教學方法係絕對地好或唔好的，只可以講係適合同唔適合，但任何學校任何教學方法，都要學生自己努力，先會有好成績。

妞妞寶媽

糯米米糍 發表於 21-3-14 00:54
要搵到真正適合小朋友嘅學校無捷徑，選校亦要取捨，無一間學校係完美。土生土長家長，我哋一樣花幾年時間做 ...

我一直以為學校都應該差不多，所以都沒去了解。真是佩服你們，如此用心，我也要學習學習！

妞妞寶媽

b3410 發表於 21-3-14 10:17
續，既然你的大女兒已經在讀小學，轉學的話就要考插班，現在差不多是個間學校開始可以報名睇時候，可以去試 ...

謝謝建議，我好好考慮一下。

bugmum

也可以考慮找些功課輕鬆但升中成績還好的學校，自己外出參加興趣班。坊間大把培養創意思維，邏輯思維的興趣班，做得比中小學校更專業，又不受返學時數限制。

妞妞寶媽

mooie 發表於 21-3-14 10:32
發現而家好多家長一聽到官/津校，即刻耍手零頭，話呢啲傳統學校教學模式死板，多功課多抄寫多默書測驗..... ...

這確實是一個矛盾之處啊！傳統和活動教學相結合就比較平衡啦。

bugmum

返學時數咁有限，活動教學係好花時間的。而家半日學咪最好，下午可以去培養興趣和其他技能

妞妞寶媽

b3410 發表於 21-3-14 09:00
EK已經算是最全面，不過要有些耐心慢慢找需要的資料。善用search 功能。
第一步，了解個間學校中英文名，簡 ...

謝謝，這幾天都在看EK呢。裝備第一步就得找一個名幼，真是開始瑟瑟發抖啦。

b3410

mooie 發表於 21-3-14 10:32
發現而家好多家長一聽到官/津校，即刻耍手零頭，話呢啲傳統學校教學模式死板，多功課多抄寫多默書測驗..... ...

我個人唔buy happy school, 玩的太開心，之後點？不過學習也要講究效率，我唔怕辛苦，也喜歡學習，不過唔想無謂浪費時間。不過我對官津校的確不多了解，感覺應該一間間唔同，不過，出名的好的幾間，自行入唔到，抽獎講運氣，只能叩門/插班。

PTL_L

b3410 發表於 21-3-14 11:38
我個人唔buy happy school, 玩的太開心，之後點？不過學習也要講究效率，我唔怕辛苦，也喜歡學習，不過唔想 ...

感覺又引申另一問題，究竟是裝備好入學校還是靠學校裝備？

b3410

PTL_L 發表於 21-3-14 11:48
感覺又引申另一問題，究竟是裝備好入學校還是靠學校裝備？

不矛盾。裝備好，其實裝備過程中，小朋友和家長的得著都唔少。考到，學校符合自己程度，教學方法，如虎添翼，一直保持好。

PTL_L

b3410 發表於 21-3-14 11:57
不矛盾。裝備好，其實裝備過程中，小朋友和家長的得著都唔少。考到，學校符合自己程度，教學方法，如虎添翼 ...

但現今家長都大安旨意，將教育責任給予學校，認同揀到適合學校就如虎添翼，不過好多時只見到別人的好，並冇留意到別人既付出。講下講下，都唔知自己講咩

lambeanmama

認同網友嘅分享，我覺得有三點很重要：
1. 學校不是二元分化咁簡單。多默測考不代表無創意；Happy School也不等於只玩而沒有學術根基。愉快學習絕對不是「玩得好開心」咁簡單的。考小個陣，千萬別在見家長個時講「希望小朋友輕鬆成長」；因為那代表你對活動教學/學校認知不足。學嘅野從來無少過慢過傳統學校；不過學習的方式/評估的方法不一樣罷了。
2. 多認識學校，不要只靠網絡評論分享。最理想是認識不同學校的家長；了解他們的學習模式和生活，第一身真人分享最好。
3. 天下沒有免費午餐；讀DSE, 讀IB, 讀ALevel; 不努力也不會成功。清楚了解自己想行的教育路，努力陪伴小朋友堅持下去便是了。