2022 DSE 備戰家長分享區

洋蔥頭媽咪

幪面超人 發表於 21-7-22 14:34
其實JUPAS 和 E APPS有咩分別?兩者學科會有重覆嗎?

不同院校課程，不會重覆。

洋蔥頭媽咪

幪面超人 發表於 21-7-22 14:34
其實JUPAS 和 E APPS有咩分別?兩者學科會有重覆嗎?

聯招

https://www.scribd.com/document/483928566/%E8%81%AF%E6%8B%9B%E8%AA%B2%E7%A8%8B%E4%B8%80%E8%A6%BD#from_embed


E App

https://www.eapp.gov.hk/eapp/faces/profile/eapp/course.jspx

洋蔥頭媽咪

幪面超人 發表於 21-7-22 14:49
E App都有學士學位, 例如 :會計及金融學理學士
這個與Jupas報讀的會計學士讀完出黎會否比下去?
無咁受認同? ...

E App 只係一個報讀課程嘅系統，方便同學報名。
如果你擔心任何課程認受性，應自行向香港學術及職業資歷評審局查核。

洋蔥頭媽咪

DearSunny 發表於 21-7-22 16:34
E App 有 degree 報，咁Jupas 有冇 Asso/HD報？

兩邊都有

洋蔥頭媽咪

DearSunny 發表於 21-7-22 16:36
真係頭都大，入學條件同計分方法又五花八門，報名平台又五花八門
...

其實 Jupas 係大學聯招，而 E App 係專上院校，係有分別。
E App 通常係當買個保險。

洋蔥頭媽咪

DearSunny 發表於 21-7-22 16:46
我就唔係買個保險喇，因為我個目前睇來冇把握拎到中英33

如果冇信心直升大學，又想繼續進修，除 Jupas 及 E App 外，亦可以報定 VTC 嘅課程。

洋蔥頭媽咪

濼濼媽 發表於 21-7-23 12:20
回覆 洋蔥頭媽咪 的帖子

thank you洋蔥頭媽媽,現在明白了少少,真係琅在這學多d資訊

唔好客氣，我將自己知道嘅同大家分享下，希望幫倒你。

我大仔早幾屆 DSE ，當年係夠分直入大學，可惜放榜時佢炒咗中文，錯失入大學機會，所以唯有揀第二條路行。
放榜前一早已同佢頃過，佢自己亦有幾手準備，達標點做、失手又點做，放榜時須然失手，但已經有其他院校 CO 收咗，所以都冇咁徬徨。

洋蔥頭媽咪

濼濼媽 發表於 21-7-26 10:21
回覆 洋蔥頭媽咪 的帖子

現在大仔是否可以博回上大學啦?希望你細仔順利入大學 ...

謝謝關心，希望大家仔仔女女來年都能入讀心儀學系。

大仔讀咗 2年 HD 成功入番8大，明年大學畢業啦 !
细仔成績比哥哥好，而且一向都好穩定，呢個仔完全唔驶我擔心，但我都有提佢要小心中文。

發現男生真係要小心 DSE 中文，因3+率只得 4x%，好彩大學現行彈性收生，如果成績有星就算炒 core 都有望能被取錄，但大前提係成績要夠高分同有星。

洋蔥頭媽咪

濼濼媽 發表於 21-7-26 10:24
回覆 洋蔥頭媽咪 的帖子

我仔英文作文個part好唔掂,都唔知點攪天皇補習社我仔有5 like去,話看vi ...

英文需要長期浸，必須要睇得多才夠詞彙去寫作，天皇通常只教技考，如果弱可能要一對一針對性去教比較有效。
Pm 你.

洋蔥頭媽咪

okey-dokey 發表於 21-7-26 21:18
謝謝分享。
請問閣下兒子是否完成兩年HD 課程，以優異GPA成績報Non-jupus而入返大學讀學位課程？如果DSE中 ...

我仔是完成 HD 後再以  non Jupas 入返8大，通常 GPA 有3.5以上好啲，會較大機會入得返大學。我仔HD兩年成績 GPA  由 3.4 - 3.9不等，響第二年已經攞到 CO。
查實第一年成績好重要，如果GPA爆4的話，第一年都有機會入得返大學。

其實如果想入返大學， Asso 成功率一般會比 HD 高少少，因為  副學士課程設計以升學為主，要讀中英數、通識等等，據聞部份 要求冇咁高，GPA 3.2以上已經有大學取錄。
HD 課程設計較著重實用性，為日後工作鋪路，僱主一般都喜歡請 HD 畢業生，進可攻退可守，當然亦可以驳返上大學，但每科成功率唔同，所以都要睇下讀咩科。

如果 DSE 中文2咗，Asso or HD 經 non Jupas 入大學，唔需要再考返中文。不過我會建議讀緊 Asso /HD 同時，可以 以自修生名義重考一次，比多次機會自己，如果達標而 DSE 其他科目成績亦OK .可以combine cert 申請上返大學，如果都唔成功，亦可以比心機讀2年由其他路駁返上大學。

洋蔥頭媽咪

okey-dokey 發表於 21-7-26 23:52
謝謝你的經驗分享。
中文一科真的很令人擔心，所以要搵定資料，萬一考試失準時看看往後的升學路可以怎麼走 ...

DSE 中文已經不再是死亡之卷，有範文之後合格率亦比以前為高，加上大學有彈性收生，現今肯努力要入大學並唔困難。

不過我有個睇法，以現時情況去睇，core 如果炒英文似乎會比炒中文更難入大學。

DSE 2020年中文 3+比率為 58.4%. 英文 3+ 55%，據聞今年英文 3+率再跌，似乎英語能力整體亦下跌緊。香港或海外升學，英語能力比中文重要得多，因為入到大學，英文唔得非常影響學習。聽我仔講佢讀 HD 時，見有部份同學英文真係勁差，簡單表達都唔掂，In 大學時會非常蝕底，所以各位同學英語能力绝對不能忽視。

洋蔥頭媽咪

LingChiBaBa 發表於 21-7-27 09:24
我對DSE中文及英文有其他意見。

中英文的合格率相近，那中文為甚麼是死亡之卷而英文不是？這是因為高入U ...

你嘅睇法我都認同，始終經歷咗咁多屆，坊間同學校老師都開始掌握到考核模式，能操練試題亦多咗，自然更能掌握。
不過正如我仔話，中文試題經常出得比較刁鑽，答案較難捉摸，中文考試成績未如理想未必等如同學中文能力就一定唔得，有機會係欠缺答題技考或離題，而12篇文言文佔卷一分數3成，佔全科约百分之七，所以都會有少許幫助。

至於英文卷考核一般比較直接，對錯鲜明，比起中文卷較容易分辨出同學真實能力。

洋蔥頭媽咪

LingChiBaBa 發表於 21-7-27 10:34
這是不同的遊戲規則。

我當年考A Level時，UE祇需合格，中文都唔駛讀。

其實冇人想英文題目出得刁鑽，去刁難考生，所以一路都講緊英文題目一般比較直接，識就識 唔識就唔識，容易分辨到考生真正能力。中文考题就偏向刁鑽，考試唔理想並非等同中文能力一定係差咁嘅意思。

洋蔥頭媽咪

October. 發表於 21-7-27 10:46
英文要整蠱學生好易, 只要係listening 做下野,就搞掂.

但 Listening 同 Reading 算係比較容易取分，不過現時香港學生英語能力唔算太理想，再咁落去競爭力都會比其他地方弱。

洋蔥頭媽咪

October. 發表於 21-7-27 10:20
贏中英文,得天下.

所以而家我諗，大學收生應該會更睇重英文(除中文/中史類)，炒中文大學可能會特別去考慮，但如果炒英文可能就未必會收。

洋蔥頭媽咪

October. 發表於 21-7-27 12:28
幾年前, 科大英文唔到5, Y1要上補習堂, 依家唔知有冇變.

我意思係須然而家大學話實行彈性收生，會取錄未達〈33222〉嘅學生，但我估內裡都只會偏向收中文未達標嘅學生，除非某學生科科都高分又揀中文/中史類，否則英文未達標嘅同學大學可能未必會考慮。

洋蔥頭媽咪

penguin20 發表於 21-8-18 20:49
請問 讀完一年 AD/HD，是否用non jupas報八大？
會不會 看之前DSE的成績？
還是只看 AD/HD Year 1 的成績？ ...

AD /HD一般讀兩年，如果頭一年成績很好的話，都有機會完成一年就入返大學，不過讀一年就入大學嘅學生一般唔太多，如插入都可能由 yr1 讀起，大部份學生都係完成兩年才入大學。

學生響第二年年頭，就可以用 non jupas 申請入返大學，要提供 AD/HD 成績及 DSE 成績，亦會進行面試，如 GPA 成績理想，好大機會可以收到 CO ( 有條件取錄 )。入返大學其實插入 yr2 或 yr 3 都有，多數人會插入 yr 3，查實插 yr2 亦會有，視乎情況自己選擇。

我仔當年收到八大 CO ，大學 yr2 同 yr 3 都有收到，佢最终揀咗插  yr2，由於 HD第二年學嘅嘢接近大學 yr2，所以佢上到大學成績都唔錯，GPA 仍能保持3.5以上。

洋蔥頭媽咪

MIHO.WAH 發表於 21-8-18 17:50
大家好,
   我女兒也是2022年的DSE考生, 同大家一起作戰

Hi .個人意見，高中補習會建議你揀大型補習社，以學考試技巧同收風為主。

Phy+Chem+M2 讀得好的話大把選擇，但大學㨂咩讀就好視乎孩子興趣。工程、理學、建築、教育都大把選擇。
中六學校理應會安排佢哋做 past paper，當然你可以自己買啲嚟操，大個女啦要自己學習分配時間，家長只可以響背後支援佢，讀書始終要靠佢自己。

洋蔥頭媽咪

濼濼媽 發表於 21-8-31 11:08
請問各位jm,大學讀工程是否m2要好才可以?因仔怕自己讀唔上m2
thanks!

如果目標係讀工程，M2真係走唔甩，M2知識對工程非常重要，工程嘅數查實好深唔易讀，呢科響外國绝對係神科，香港以前都係神科，只係近年少人揀至淪為坊間嘅水泡，數唔強呢科好難讀得好。

無讀M2揀工程牌面已輸

洋蔥頭媽咪

濼濼媽 發表於 21-9-3 17:48
回覆 洋蔥頭媽咪 的帖子

我仔仲未想到自己讀科

有時間叫阿仔自己計下分，睇下自己有咩科有興趣同可以揀

https://dse.myguide.hk/