小一面試報幾多間？

happygirl1284

我報左23間直私, 因為我好大決心選直私學校, 近同唔近屋企&港九新界都有報, 好多朋友都好驚訝我報咁多間, 但宜家依個遊戲差不多完結再回顧, 我無後悔報咁多間, 在我而言好處比壞處多.
有時家長覺得小朋友適合某間學校, 唔代表學校覺得小朋友適合, 我自己覺得我仔唔太適合的學校又會俾offer佢, 所以有時家長都未必最清楚某間學校適唔適合自己的小朋友, 反而交俾學校去決定仲準確, 學校見咁多小朋友, 好少收錯人

另外, 報得多, 手上點都會有d back up offer, 有得選擇好過無選擇, 手拿offer再去考感覺個心定好多

因為今年大部分學校都要求拍片, 小朋友拍得多越拍越自然, 一開始失敗的經驗也令我地可以作出檢討之後作出改善, 去到後期成功率大左, 仲誤打誤撞入到好幾間直私(包括spb)的2nd in (雖然仍然未有直資offer)

不過, 唔好處當然是小朋友會辛苦d, 我仔已拍過數唔到有幾多的片, 形形式式, 唔同topic的, 半身/全身, 廣東話英文普通話都拍過. 同埋有時就算一d學校我好清楚唔會搬屋去讀的, 報得自然就有期望, 但得waiting/reject時又會失望, 如果樓主不想經歷咁多次過山車心情, 就如上面一些家長所說, 可以先將學校分類, 排除某d就算有offer都一定唔會讀的學校, 再去決定

xubin2008

回覆 happygirl1284 的帖子

你同小朋友今年其實收獲真的非常多，我要承認，我似乎有點不負責任，我報嘅太少了，希望其他家長冇好學我

Tang23

happygirl1284 發表於 21-2-11 13:36
我報左23間直私, 因為我好大決心選直私學校, 近同唔近屋企&港九新界都有報, 好多朋友都好驚訝我報咁多間,  ...

認同！我覺得報得多也要有心理準備會有多d reject 的機會，就算唔係心儀被reject 仍然唔開心，加上好多間會係接近時間出通知，可能一個星期內要承受幾次打擊
同時報多d仍有多個希望在明天

xubin2008

回覆 Tang23 的帖子

講得啱，之前聽學校講座話報小學1間開始5間停止，冇需報太多，我相信咗仲以為我報6間已經唔少，依家遊戲差唔多結束，我才發現我嘅天真，唉

happygirl1284

回覆 Tang23 的帖子

是的, 我一開始連收幾間reject/ waiting, 包括播道/真道, 真係信心大受打擊, 雖然話有offer咁遠都唔會讀, 但收waiting/reject始終會有hard feeling, 同埋會唸之後考其他直資都知成功率有幾多

happygirl1284

回覆 Tang23 的帖子

係呀, 就算waiting都總算多一個機會

Tang23

happygirl1284 發表於 21-2-11 14:29
回覆 Tang23 的帖子

是的, 我一開始連收幾間reject/ waiting, 包括播道/真道, 真係信心大受打擊, 雖然話有 ...

真係好大打擊，特別今年拍片，我覺得自己好似累咗個仔咁，連去面試機會都冇，媽媽心理壓力超大！其中一條片我拍完自己差d喊，因為覺得唔好，但時間太少真係盡咗力
但係亦因此知道自己咁拍唔得，仲有機會改善俾後期個d

lovelovebabe

之前有朋友話只報心儀嗰幾間，其他冇興趣，結果冇offer。我就buy盡量報多啲，收到offer先再去揀讀邊間學校。 面試期間入咗好多唔同討論gp, 知道學校嘅嘢多咗，就更深入了解間校啱唔啱自己小朋友，返而唔好一開始就幫小朋友刪走機會。

apple1990

只報5間

hkcsty

陳守仁 英華 聖若瑟英文 禮賢 優才 福小 聖瑪加利

以上幾間不用拍片 ， 又可以親身去學校面見。

tracer

1）疫情因素，面試模式難掌握，報多一點，買個機會
2）一、二、三線各報一啲，有攻有守，容易拎到一個半個定心丸
3）交通要諗，除非你可以隨時孟母三遷
4）實際上in幾多間，觀察子女及父母心理質素/變化而定，再作調節
5）結果總是不似預期，waiting/reject 等閒事，搵多啲同路人圍爐，支持下去。

xubin2008

回覆 hkcsty 的帖子

加上一間德雅！

chicken9

happygirl1284 發表於 21-2-11 14:29
回覆 Tang23 的帖子

是的, 我一開始連收幾間reject/ waiting, 包括播道/真道, 真係信心大受打擊, 雖然話有 ...

一樣呀，一開始音小已失敗，然後播道/真道都無 offer，再黎 LMC 又唔得⋯⋯⋯

Chan2015

我今年報左十幾間，感恩有幾間offer,當中已有本身最心儀的

我都贊成為小朋友報多d, 一線二線唔同類型都試下，無謂一早幫小朋友定型，你揀學校的同時，學校亦揀你，收左也可以再考慮讀唔讀

Azzurro

前提：實際去考學校之前，其實家長對幼稚園，小學的了解很虛無飄渺

由於幼稚園只報名幾個名牌幼稚園，和幾個家附近的一般幼稚園
慘淡收場
所以決定小學大幅增加報名數量
就如網友所說
1. 要按自己標準分開三四個級別
2. 按級別分散投資

報多幾家，好處很明顯
對家長來說：
1. 通過拜訪，更了解學校環境和老師
2. 填了很多次問卷和準備簡歷，家長更了解學校對父母和小孩的期待
3. 父母更了解自己對小孩的期望與實際距離
對小朋友來說：
1. 小朋友更了解小學到底是什麼，估計更容易適應小學生活
2. 小朋友耐久力明顯提升

考最心儀小學之前，最好有幾個學校作為演習
讀小學之前，最好先更多了解小學
甚至完全無意讀收費小學，都應該藉此了解小學（請不要打我）

xubin2008

回覆 Azzurro 的帖子

點會打你，你講得好啱，我就後悔自己當初報嘅太少啦，得6間，唉，後悔冇早D睇到大家嘅想法，依家我淨係想打自己！

Kenji0105

報幾多間學校好講個人想法，唔需要受別人影響。因為孩子是自己的，無必要向其他人交代，唔需要因別人報得多定少而影響，忠於自己就可以了。

ShunCheongBaBa

我們在小一報讀直/ 私學校也申請了 18 間，到現在差不多接近尾聲了，我也覺得申請學校數量比較多是正確的，尤其是今年疫情突然爆發，有很多直/私學校突然轉拍片而打亂了某部份家長們一直為小朋友的部署，我們便是其中一例子。在多方面為女兒的訓練如英語/普通話對答，20 內加減心算，日常生活題，處境題，禮義談吐等等，到後來全部也是用不著，更失望的是小女對拍片是極為抗拒，每次她聽到要拍片，第一個回覆是：[可唔可以簡單D]
,我每次聽到都是很心痛及無奈，但遊戲始終要繼續因為孩子的前途要緊。就這樣很辛苦及努力下拍了多段女兒不太投入的短片去呈報直/私學校均全部 reject , 連續收幾個 reject 下真的會有「收reject 收到懷疑自己的人生」！這時應該是 9-11 月份，疫情是第三波後而未到第四波，幸好還有幾間直/私堅持要面見考生，我們知道這是唯一女兒可以突圍的機會，所以我們更要認真地去準備，每次去到面試的小學我們所見到的考生人數之多是難以想像，小朋友要在短短 15-30 分鐘的面試而被選中，相信實力與運氣是缺一不可。
在此我建議來年的家長如果你不怕程序煩複要多報幾間直/私，因為有時「變數」如疫情是我們不能預計，真的有很多家長和考生也不喜歡拍片。多些面試的機會也可以給小朋友作為一個熱身，到心儀的小學時會更有把握。

xubin2008

回覆 ShunCheongBaBa 的帖子

我百分百支持你嘅觀點！完全啱晒，非常客觀！

pokipoki

經過今年升小經歷，發覺報學校真係報多d無妨

有得面見就怕撞時間，無得見而改zoom或拍片，雖然係麻煩，但可以試下唔同面試模式

如果只報家長心儀的學校，又真係太搏，家長心儀唔代表小朋友一定會成功獲取錄

我之前報左好多二線作為練習或後補，當中都會睇到唔同學校行政上的作風，可以比家長feel下如果小朋友入讀後，學校係想家長點做或點配合佢地，你都可以知道自己到時係咪真係可以適應到呢間學校

相反，有d學校我係當後補，但通過面見或zoom，都可以對學校改觀。當中有3間我印象都好好，覺得如果取錄左，都會覺得入面既老師好有耐性同鼓勵小朋友

另外我小朋友係超細b，拍片又係極抗拒，不斷收rejected.。但拍拍下到之後，我同佢都開始搵到一d心得，睇下可以點就佢，拍片都smooth左好多，後來幾乎全部都有second in，所以都係經驗累積