B2仔自行九龍城區中學

aileen3388

小學灣仔網，自一B1,自二跌左去B2,請問各位前輩，如果自一揀丘中，自二揀陳瑞祺，會唔會太博，或者有沒其他中學可以推介。謝謝大家
校內係風紀+管樂隊+籃球校隊+足球校隊
另外丘中係全in,唔知陳瑞祺係揀幾多人in?

YmOra

aileen3388 發表於 20-12-22 12:08
小學灣仔網，自一B1,自二跌左去B2,請問各位前輩，如果自一揀丘中，自二揀陳瑞祺，會唔會太博，或者有沒其他 ...

兩次呈分後屬Ｂａｎｄ幾？以表面看，無論成績和活動看，你囝囝入到"陳瑞祺"機會大ＤＤ，"丘中"要視乎你囝囝是否屬Ｂ１ｃ成績。

aileen3388

YmOra 發表於 20-12-22 13:05
兩次呈分後屬Ｂａｎｄ幾？以表面看，無論成績和活動看，你囝囝入到"陳瑞祺"機會大ＤＤ，"丘中"要視乎你囝 ...

屬於B2,,但老師話可以搵B1C既中學博

YmOra

aileen3388 發表於 20-12-22 14:45
屬於B2,,但老師話可以搵B1C既中學博

那麼，丘中可能會幾搏的，要預咗丘中响自行多數取錄Ｂ１ｂ或Ｂ１ｃ學生居多，而陳瑞祺則機會會大ＤＤ，加上你囝囝有咁多活動較全面，估計兩所中學皆喜歡。努力呀！

elbar

aileen3388 發表於 20-12-22 12:08
小學灣仔網，自一B1,自二跌左去B2,請問各位前輩，如果自一揀丘中，自二揀陳瑞祺，會唔會太博，或者有沒其他 ...

delete

王家爸爸

aileen3388 發表於 20-12-22 12:08
小學灣仔網，自一B1,自二跌左去B2,請問各位前輩，如果自一揀丘中，自二揀陳瑞祺，會唔會太博，或者有沒其他 ...

如果小學係灣仔網，呈二之後跌咗落B2，咁小朋友呈三，努力啲，有無可以上返B1？如果答案係有，咁自行階段，無理由揀B2學校。相反，如果小朋友呈三，點努力都係B2，咁自行丘佐榮、陳瑞祺(喇沙)都係可行既組合。

elbar

aileen3388 發表於 20-12-22 12:08
小學灣仔網，自一B1,自二跌左去B2,請問各位前輩，如果自一揀丘中，自二揀陳瑞祺，會唔會太博，或者有沒其他 ...

或許自行首選 陳瑞祺, 報考直資 - 顏寶鈴 都不錯

aileen3388

王家爸爸 發表於 20-12-22 18:12
如果小學係灣仔網，呈二之後跌咗落B2，咁小朋友呈三，努力啲，有無可以上返B1？如果答案係有，咁自行階段， ...

謝謝你的回覆，阿仔今次衰左數學，跌左去B，所以先跌落B2,老師都話佢唔應該得咁既成績，呈三努力下應該可以再返回B1,但宜家疫情咁，有冇呈三都唔知，所以先想穩陣d自一揀B1自二B2咁，好彩中左其中一間都算安樂，如果仲有呈三，叫阿仔努力下成績進步左，到時去扣門更好既B1中學都叫有誠意

aileen3388

YmOra 發表於 20-12-22 16:04
那麼，丘中可能會幾搏的，要預咗丘中响自行多數取錄Ｂ１ｂ或Ｂ１ｃ學生居多，而陳瑞祺則機會會大ＤＤ，加 ...

謝謝你，我聽左丘中簡介會，都覺得呢間學校好唔錯，其實我同仔仔都心儀黃笏男，雖然達到佢1A2B既入表要求，但成分成績唔夠靚，應該都係浪費左一個自行機會，想請問下陳瑞祺近年既校風如何呢？

aileen3388

王家爸爸 發表於 20-12-22 18:12
如果小學係灣仔網，呈二之後跌咗落B2，咁小朋友呈三，努力啲，有無可以上返B1？如果答案係有，咁自行階段， ...

如果我博盡d自一黃笏男自二丘中，但自行2間都沒收，咁假設有呈三，如果上返B1,我大抽獎就可以盡揀B1中學填，如果唔好彩留係B2，咁大抽獎甲一陳瑞祺乙一陳瑞祺，咁樣玩法是否又ok?

王家爸爸

aileen3388 發表於 20-12-23 01:53
謝謝你的回覆，阿仔今次衰左數學，跌左去B，所以先跌落B2,老師都話佢唔應該得咁既成績，呈三努力下應該可 ...

如果老師都認為佢有機會上返去B1，加上小學係灣仔網，夠勁，又唔需要咁心急揀B2學校。

王家爸爸

aileen3388 發表於 20-12-23 02:10
如果我博盡d自一黃笏男自二丘中，但自行2間都沒收，咁假設有呈三，如果上返B1,我大抽獎就可以盡揀B1中學填 ...

B2大抽獎甲一陳瑞祺乙一陳瑞祺，應該有機會。即使去咗間差啲啲既，努力啲讀，中二都可以叩門。我小朋友以前有個同學，原本係讀官立嘉道理，讀咗一、兩年，叩門去我小朋友讀緊既學校（不過讀咗兩、三年之後移民美國）。

YmOra

aileen3388 發表於 20-12-23 02:02
謝謝你，我聽左丘中簡介會，都覺得呢間學校好唔錯，其實我同仔仔都心儀黃笏男，雖然達到佢1A2B既入表要求 ...

"陳瑞祺"與一般男校差不多，我經常响何文田商場嘅Ｍ記和吉野家見到佢哋一班又一班好友食嘢和傾計，ｅ＋疫性關係少咗哩Ｄ近距離觀察，若不，响何文田廣場內可以有好多嘢睇架，可以有華英、旅港、陳瑞祺、蔡功譜、何官、胡兆熾和五旬節，甚至乎你想知嘅"丘中"亦可以响這裏作""行為觀察""，我和我哋ｊｍ們，當年响不影響學生趕上學的時間下，有時當場會直接問用家心得勁攞料，至於迦密和聖三一，則行過少少嘅愛民商場嘅ＫＦＣ或大快活或八方就可以找到學生們的踪影了。講番"丘中"，丘中的確係一所好學校，校長老師有愛心，關愛學生，是一所好好的基督教英文中學，個人認為，過去出生率底才令到有啲啲Ｂ２組別學生有機會抽入，隨著出生率上升，相信全收Ｂ１學生是不成問題，質素亦會隨著九龍城區Ｂ１組別學生增加而有所上升的，故，個人對丘中的未來抱有十分大的希望，相信她是做得到的。而陳瑞祺的男孩子，以我觀察所知，他們都係乖的，只是，你知啦男孩子係有ＤＤ粗聲粗氣，真個性嘛！以我觀察係接受到的，讀書要預咗有ＤＤ谷，因為需要追番過去的成績，活動方面都算係多元化，以前曾與一名學生傾談過，他好喜歡學校的活動，覺得與一班男同學一齊玩可以不用避忌太多，做集體功課亦不用想太多女孩子諗緊Ｄ詳，大家男孩子直接了當說出來就是了，效率仲非常好添，故，响陳瑞祺讀書應該可以建立出一份""難得的友誼""，這些是我所觀察得到的。希望幫到你啦！

tpmon

aileen3388 發表於 20-12-23 02:10
如果我博盡d自一黃笏男自二丘中，但自行2間都沒收，咁假設有呈三，如果上返B1,我大抽獎就可以盡揀B1中學填 ...

是否大抽獎會轉去九龍城校網?

在灣仔校網大抽獎，乙一不能選陳瑞祺。

aileen3388

tpmon 發表於 20-12-23 13:29
本帖最後由 tpmon 於 20-12-23 13:29 編輯

是否大抽獎會轉去九龍城校網?

係啊，來緊會轉校網去九龍城區，選擇比灣仔多dd

tpmon

aileen3388 發表於 20-12-23 13:47
係啊，來緊會轉校網去九龍城區，選擇比灣仔多dd

如果呈3追返上B1，大抽獎抽九龍城B1校選擇更加多。

你的選擇正確。

aileen3388

YmOra 發表於 20-12-23 12:04
"陳瑞祺"與一般男校差不多，我經常响何文田商場嘅Ｍ記和吉野家見到佢哋一班又一班好友食嘢和傾計，ｅ＋疫 ...

謝謝你，非常有用既資訊，感謝你無私分享(emoji)

aileen3388

王家爸爸 發表於 20-12-23 10:12
B2大抽獎甲一陳瑞祺乙一陳瑞祺，應該有機會。即使去咗間差啲啲既，努力啲讀，中二都可以叩門。我小朋友以前 ...

謝謝你，都會叫小朋友來緊要勤力d溫書，希望呈三返回B1

YmOra

aileen3388 發表於 20-12-23 15:01
謝謝你，非常有用既資訊，感謝你無私分享(emoji)

唔駛客氣

aileen3388

YmOra 發表於 20-12-23 15:10
唔駛客氣

想請問下，我見丘中自行申請表上有一欄係寫推薦人（有2位），唔知呢2位推薦人寫什麼人物會有d幫助？