西營盤救恩幼稚園

miriam6c

如題，請問有無用家可講一講救恩幼稚園係點架？好唔好？聽閒因為happy sch，所以課程好淺？須要外補嗎？
謝謝。

DoubleH.Lau

miriam6c 發表於 20-12-15 15:20
如題，請問有無用家可講一講救恩幼稚園係點架？好唔好？聽閒因為happy sch，所以課程好淺？須要外補嗎？
謝 ...

我女今年K1
救恩的確係間好有心既學校，
老師面授開學第一日會打電話俾我地，
update返小朋友返學情況，
之後會每星期upload上堂相俾我地睇
佢地非常樂意我地打電話返去同老師傾小朋友情況
由十一月中停課期間，老師打了三次電話俾我地，問下小朋友心理同學習情況
每次都講半小時以上
我比較重小朋友心靈發展，
所以我覺得自己冇揀錯
因為返左兩個月學，小朋友好大轉變，
變得大膽左，活潑左
而且自主學習左
學校派左放大鏡俾佢地做探索，
我小朋友放學出街都會帶住，有時會自己探索
呢種態度比起死讀書來得重要!

無可否認，救恩係happy school
停課期間唔會日日zoom, 一個星期得一日二十分鐘
一星期會upload 啲教學影片，可以分幾次睇都得，
但佢地比較重閱讀，所以一星期會同小朋友睇一本中文書同一本英文書
認字方面，學校冇要求小朋友一定要認得，
只係以一種“只要睇得多，就會認到”既態度
所以好靠家長心態
功課一星期得三樣左右，一份小肌肉訓練，一份識數，一份英文

希望幫到你

smokey1208

請問可以分享一下面授時上堂時間表嗎？

Aidan1010

我小朋友上年救幼畢業，讀左3年小朋友都好開心，好鐘意番學，當初揀救幼都係為左比佢入小學之前過一個愉快嘅幼稚園生活。

雖然功課量可能比其他幼稚園少，但係我自己覺得足夠用黎鞏固學習左嘅知識，而且閱讀方面學校做足120分，小朋友就算少抄寫，識字方面非常好。

小朋友K2當年出去考直私小學都有幾個offer，亦有幸獲得救小取錄。同屆好多小朋友都考倒唔錯嘅直私，個人認為救幼train出一班好有自信同品德不錯的小朋友。就算去到叩門關頭都俾心儀學校收番，學校好願意幫忙。

我自己嘅小朋友最後因為要照顧埋細佬所以叩入左灣仔區官小。Happy school銜接上催谷嘅官小都跟得好好，所以唔洗擔心小朋友上到小學會銜接唔倒，佢地適應力好強，反而起幼稚園階段令佢愛上學習對往後嘅日子更加重要。