播道 VS 培正

vieloviola

我朋友個仔今年剛上了培正小一,佢仔好叻的,升小考直私有七、八間收佢,佢英文更是强項.最後佢揀左培正.但開學後非常後悔,全部中文,連通告也是中文,佢好唔慣.而且學校好傳統,佢仔讀國際幼稚園的,好sharp醒的,愛運動的,而家要叫佢坐定定冇得郁地上課/上網課,小朋友都唔太頂到.

大波大

vieloviola 發表於 20-12-15 02:47
我朋友個仔今年剛上了培正小一,佢仔好叻的,升小考直私有七、八間收佢,佢英文更是强項.最後佢揀左培正.但開 ...

咁仲唔快快退學，放返個位出嚟比喜歡培正嘅人插班啦，實有好多人多謝佢！

而且佢咁sharp醒，隨時跳船去神校都有人收啦，唔洗後悔喎

b3410

vieloviola 發表於 20-12-15 02:47
我朋友個仔今年剛上了培正小一,佢仔好叻的,升小考直私有七、八間收佢,佢英文更是强項.最後佢揀左培正.但開 ...

屬於錯配。大概家長之前未認真了解過學校。

中文小學的確通告都係中文，如果家長唔識中文，會睇的好辛苦。傳統學校上堂都係留在自己座位上，唔會走來走去。家長是否應該考慮小朋友是否更加適合國際學校？

vieloviola

大波大 發表於 20-12-15 08:22
咁仲唔快快退學，放返個位出嚟比喜歡培正嘅人插班啦，實有好多人多謝佢！

而且佢咁sharp醒，隨時跳船去神 ...

有呀,佢開學後發覺唔對路,都有諗轉校,但好少學校收小一插班,所以佢而家打算小二轉校.

vieloviola

b3410 發表於 20-12-15 08:57
屬於錯配。大概家長之前未認真了解過學校。

中文小學的確通告都係中文，如果家長唔識中文，會睇的好辛苦。 ...

可能佢真係冇諗過培正係傳統到咁.

DengCK

上一代人一定會揀培正，傳統名校
但家長要諗清楚適唔適合自己/小朋友。

b3410

vieloviola 發表於 20-12-15 09:24
可能佢真係冇諗過培正係傳統到咁.

應該話未諗到傳統學校教學模式係咁。你話中文通告，上堂坐定定，唔係培正特有喎。
所以你朋友應該諗清楚小朋友適合邊一類學校。


國際學校插班唔少屬於全年進行，就算冇school visit, 有時也可以網上參觀。佢最好諗清楚自己想要什麼，做好research, 再決定。

Gummama

lskstephen 發表於 20-12-14 18:11
培正雖然中中，但品質有保証。
百年老校，校友 network 強勁！

播道功課壓力比傳統學校低，但評估很頻密，不算很「舒服」。上堂一樣要坐定定，但模式互動，大部分學生很積極主動參與。由於是英文小學，小朋友慣用英語學習，中文較弱，要靠家長/外補。

lifeofshow

vieloviola 發表於 20-12-15 02:47
我朋友個仔今年剛上了培正小一,佢仔好叻的,升小考直私有七、八間收佢,佢英文更是强項.最後佢揀左培正.但開 ...

坐定定上堂係好正常嘅一件事，幾時坐定定上堂係錯的？坐定定上堂又唔係培正特有的，98-99%學校係要學習坐定定。睇來你朋友應該為小朋友著想，轉去其他1-2%的學校上堂可以周圍行。活動教學不是等於可以唔坐定定。

其實係培正或者其他坐定定的學校錯？定係呢個小朋友或者家長要學習坐定定？

疫情關係，上zoom 係無奈，小朋友唔適應係正常。但唔係培正的問題

我小朋友當初都有國際英文的offer, 我地無要。但由in 果日開始，我唔覺呢間學校可以唔坐定定。

中文方面，可以好簡單同老土一句：中國人唔識中文。睇唔明中文通告，就要努力學習中文。中文唔好，先要更加努力學習。英文係強項，即係中文係弱項。家長小朋友由小一就放棄睇中文通知，學習中文，呢條漫漫的學習之路，睇來小朋友實會跌倒受傷無數次。

家長係小朋友的鏡子，睇中文通知，就係度狂數落培正出中文通告，唔出英文通告，小朋友會被影響的。負面影響威力甚大呀。或者講要移民才能解決這個問題

總之，轉校吧，培正唔勸退佢，我都勸退佢。

遇到問題就係別人嘅錯，自己沒有錯。所有事都係別人錯晒⋯⋯哎哎呀，香港的教育出現問題真係太大了，學校做得幾好，真係無用。

培正或者有心做教育嘅學校，都搞唔掂呢班家長

小朋友好叻，有7/8間直資收佢，還原基本步，點解佢會選擇培正，而唔去其他直資？培正有乜野咁好？

鈴瑾

回覆 lifeofshow 的帖子

很有道理

hkpapa852

vieloviola 發表於 20-12-15 02:47
我朋友個仔今年剛上了培正小一,佢仔好叻的,升小考直私有七、八間收佢,佢英文更是强項.最後佢揀左培正.但開 ...

香港9成傳統學制學校都係中文通告，同傳統模式。

上網課駛唔駛著埋校服先？

Pikki129

hkpapa852 發表於 20-12-15 13:36
香港9成傳統學制學校都係中文通告，同傳統模式。

上網課駛唔駛著埋校服先？

不用著校服，有幾多間非國際學校可以唔洗坐停，講緊幼稚園坐唔定都仲可以接受

heily123

Gummama 發表於 20-12-15 10:23
播道功課壓力比傳統學校低，但評估很頻密，不算很「舒服」。上堂一樣要坐定定，但模式互動，大部分學生很 ...

八卦問下播道通告係咪英文？

b3410

Pikki129 發表於 20-12-15 13:54
不用著校服，有幾多間非國際學校可以唔洗坐停，講緊幼稚園坐唔定都仲可以接受
...

依家疫情，要保持距離，上個月國際學校返校時，都要坐定定，唔可以四圍坐

Gummama

heily123 發表於 20-12-15 16:06
八卦問下播道通告係咪英文？

主要英文，重要訊息才會輔以中文說明。

lifeofshow

八卦一句：有冇人可以分享下播道書院的DSE 成績？

我比較現實，睇DSE成績表睇數據，係容易分析一間學校好與壞

hkpapa852

Pikki129 發表於 20-12-15 13:54
不用著校服，有幾多間非國際學校可以唔洗坐停，講緊幼稚園坐唔定都仲可以接受
...

你知唔知有部份學校，包括國際學校如ESF，係要學生著校服坐定定上網課？

gracelam

vieloviola 發表於 20-12-15 02:47
我朋友個仔今年剛上了培正小一,佢仔好叻的,升小考直私有七、八間收佢,佢英文更是强項.最後佢揀左培正.但開 ...

中文小學通告用中文正常不過!
一班3x,40人，要求小學生坐定定上堂，好正常吧!
好多好多中學生上網課都未必頂得住誘惑/唔專心，間小學何罪之有？

Orlando2020

播道，因培正小學是傳統名校，要求學生都要高度的「定」和「專心」。你小朋友入到相信都係很乖的。但長遠計，活潑小朋友可能播道開心啲。

aaa28

培正好點！