東區 培理pm vs 聖道明am offer

evama326

Hi 各位，
家住筲箕灣~

一直心儀西灣河培理, 並想要am offer, 但只有pm offer, 已經交咗信申請轉am...

唔知大家知唔知呢間學校易唔易轉到 am 呢﹖

另外，亦有聖道明的am offer, 其實好鐘意個環境, 但地點比較遠…因為學校位於杏花村，亦對呢間學校唔太熟悉…大家對呢間學校知道幾多﹖


正在1516中，…兩間學校中我比較中意培理，但佢只比pm offer ..搏唔搏培理am offer 好呢﹖...

阿仔將係嫲嫲接放學，佢比較想am,  等佢時間好用些…

唔知大家有咩意見﹖謝謝！！！

camcam520

我收到培理am offer
但不會讀培理
會讓出am offer
相信有好多am位放出
培理係happy school
老師勁有愛心

evama326

camcam520 發表於 20-12-1 17:50
我收到培理am offer
但不會讀培理
會讓出am offer

謝謝你 相信你係有更好offer
點解你覺得會有好多am 位放出黎?

evama326

推一推先

camcam520

evama326 發表於 20-12-1 21:22
謝謝你 相信你係有更好offer
點解你覺得會有好多am 位放出黎?

培理共收約150名K1學生
超過一半是上午,可能有近90名上午學生
上午收得的學生,是面試表現良好的學生
相信他們的面表現亦比較佳,因此有數個其他學校OFFER也唔定
我估計培理AM OFFER約20人唔接受OFFER都唔定

所以,我建議樓主可打電話俾培理,問一問上年下午轉去上午的人數
也要問一問,你轉上午的名單是排第幾?

培理是好學校,建議樓主等下
轉到上午,記得請我食飯

chun719

如果唔諗AM 同PM
一定係揀培理
聖道明同培理我都有AM OFFER
面左四間聖道明比我感覺最差。

evama326

回覆 camcam520 的帖子

原來排am 隊有排名架？等我打去問下先....
我上次打去同個主任傾 佢都冇講排名呢樣野....
都係....如果有心轉am 都已經入咗信啦⋯⋯而家學校應該已經收曬信

evama326

回覆 camcam520 的帖子

補充: 主任有講上午班收75個

camcam520

evama326 發表於 20-12-6 11:34
回覆 camcam520 的帖子

原來排am 隊有排名架？等我打去問下先....

放心啦！再等吓，西灣河人，應該有報培理和明我
有部分人，有明我offer,就會唔要培理
你有交信俾主任，寫個原因要寫得「嚴重」D
從而增加轉上午校嘅機會
你有交信，很聰明，機會總留俾有準備的人
再等一等，培理校舍又大又靚，又新淨
老師又有愛心，小朋友一定讀得好開心

evama326

回覆 chun719 的帖子

AM 都重要呀⋯⋯因為我地2公婆都要返工，平日係老人家湊...返am班佢時間好用好多, 同埋返am我地可以送返學一程，老人家冇咁辛苦
另外, 阿仔好早起身,每日七點几...又要訓晏教

你對聖道明感覺唔好係咪因為佢個interview 好頹？

evama326

回覆 camcam520 的帖子

咁可否透露點解你會放棄培理am offer？

chun719

evama326 發表於 20-12-6 12:30
回覆 chun719 的帖子

AM 都重要呀⋯⋯因為我地2公婆都要返工，平日係老人家湊...返am班佢時間好用好多, 同 ...

由入學校開始整體啦
接待、安排、老師對小朋友以至面試內容、學校架構啦
如果你兩間都有去面試應該好感覺到。

camcam520

evama326 發表於 20-12-6 14:26
回覆 camcam520 的帖子

咁可否透露點解你會放棄培理am offer？

因為唔想佢入happy school因為香港教育制度係要「谷」
所以選擇了谷的幼稚園

evama326

camcam520 發表於 20-12-3 12:28
培理共收約150名K1學生
超過一半是上午,可能有近90名上午學生
上午收得的學生,是面試表現良好的學生

我尋日打過比學校，主任話上年轉到am 比較多 10個左右
心諗10個都叫多？(emoji)(emoji)

另外, 冇轉位申請既排位呀⋯⋯因為而家都仲收緊信....同埋我覺得佢意思係就算收完曬信, 都唔會話我知個排名囉⋯⋯所以都計唔到自己有沒有機會(emoji)

camcam520

evama326 發表於 20-12-11 13:19
我尋日打過比學校，主任話上年轉到am 比較多 10個左右
心諗10個都叫多？(emoji)(emoji)

10個咁少？我唔係好信囉
上年某西灣河大校的幼稚園都有近20人由pm轉到am啦！

如果沒有排名，用咩準則優先轉為am?
抽籤？面試分數?學生的需要性?居住地點距離?

evama326

camcam520 發表於 20-12-11 14:14
10個咁少？我唔係好信囉
上年某西灣河大校的幼稚園都有近20人由pm轉到am啦！

其實個主任話都冇正式統計過....佢都係以記憶來說
我再問過其他培理媽媽 都覺得唔止呢個數囉⋯⋯

係呀 我覺得係有排名既
佢都有講會以不同原因分類 再睇下邊d人急切d⋯⋯佢睇原因多過面試表現
只不過佢唔肯講個實際排名比我知囉⋯⋯
冇排名點分打電話call 人的次序喎⋯⋯仲要9號就即刻打

Btw 我今日交交多封信

evama326

camcam520 發表於 20-12-11 14:14
10個咁少？我唔係好信囉
上年某西灣河大校的幼稚園都有近20人由pm轉到am啦！

你指某大校係明x(emoji)(emoji)？

camcam520

evama326 發表於 20-12-11 20:59
你指某大校係明x(emoji)(emoji)？

好似得1間
X我果間

evama326

camcam520 發表於 20-12-11 21:29
好似得1間
X我果間

謝謝分享..

phesmg

evama326 發表於 20-12-1 17:23
Hi 各位，
家住筲箕灣~

我想在這裏給大家一些真實意見，一些親身體驗，因為我也是像各位家長一樣，是位十分關注自己的孩子的家長。
我女兒曾經在杏花邨聖道明讀N班，最近初選這間，是因為上宣房沒位，看見聖道明掛著「中英文」幼稚園的名銜這字，便隨意報讀了，可是，女兒上學了幾個月後，我發現她不喜歡上學，有時候我會上課途中因為有事會去學校接女兒提早放學，我看見班裏的小朋友個個不凖動，不準發問，每人自己台上只放置一個玩具，整個課室顯得很靜，大家動也不敢當動，只見小朋友個個在望著自己台上的玩具。不快樂，鴉雀無聲。可是這裡是幼稚園，不是圖書館，不需要謐靜。小孩子需要要自由地從遊戲中學習，可是大家也不凖玩，不凖嘈，不準發聲。更令人失望的是，老師和校長也是沒有愛心，校長更是沒有熱忱，不是操正統英語的外籍老師會在凖備開始上課的時候會在課室裏看英文報紙自我娛樂，不理會學生，不和學生一起傾談，學校校務處也只是常常催促家長交學費，或是什麼雜費去留位，試問辦學府的是否只以賺錢為中心便成事，更甚有一次，學校突然打電話給我，說我的孩子撞到，叫我連忙趕去學校看看孩子，學校跟我說我女兒因為與其他同學爭玩具，不小心被撞到，但是當我看到我女兒的時候，她臉上有著一大塊瘀青，我覺得這不是自己撞到，而且可能被某些同學打傷臉龐，況且，我很淸楚自己女兒，她從來也是文靜而且乖巧，從來也不會爭先搶快，更加不會打架，我那時覺得我女兒因為沒有其他學校收她，白己又住杏花邨，為了方便上學，沒辦法下我同自己說，忍耐一下，下年度快快替女兒轉校，翌日，我女兒班主任連續沒有上班兩天，我大概也深知她怕家長質問來龍去脈，學校更寫了一封信要求我簽名作實不再追究事件，我因為知道女兒還需要在這裏讀書，息事寧人便算了。老師的不誠實，不負責任，實在令我感受到無奈又難過。我想類似聖道明這類差的幼稚園，在香港也存在不少，她們只是冰山一角。
我因為那時孩子才得2-3歲左右，因工作繁忙便不作追究。
之後，我努力找其他學校，我找到了一間在北角半山的幼稚園，名叫合一堂陳伯宏纪念幼稚園，他
是一所基督教幼稚園，是一所非常好的幼稚園，老師透過基督信仰，聖經故事分享，以兒童為中心及是一所安全學習環境的幼稚園，在k1 那年，我覺得我孩子在合一堂學習愉快，建立自信心及責任感。
我女兒所有的良心品德和操守，也是從這裡學到的，她的自信，有禮貌的品德，開朗樂觀的性格和言語表達的能力，通通也是這所有合一堂教曉她的，我見女兒因為有了大躍進的成績表現，我在K1 下學期便賞試為她報考出名活動教學的銅鑼灣靈糧堂幼稚園，如願以償，我女兒成功入讀插班，在靈量堂便有更加有好的發揮和啟發，因為各個老師也是非常非常努力教育學生，在校長的領導下，學校上下一心，大家充滿熱情，愛心，盼望教育下一代，我女兒也下令不負期望，在小一入學的時候，最終成功考入了一所在半山的傳統女名校小學。我女兒在小學的第一年至第二年期間，我也會特意帶她回去合一堂探望她的班主任—董老師，多謝她。現在我女兒已經長大再升讀至其他學校了。這相信，如果不是當初北角
合一堂接肯收我女兒，我們今天便會有不一樣的命運了。