用戶登入
用戶名稱:
密      碼:
搜索
教育王國 討論區 小一選校 九龍灣聖若瑟 vs 德田李兆強 vs 德萃
發新帖回覆
查看: 2309|回覆: 12
go

九龍灣聖若瑟 vs 德田李兆強 vs 德萃

Rank: 3Rank: 3


376
發表於 20-11-26 12:30 |顯示全部帖子
自閉譜系男仔。英文及數學成績唔錯,習慣用英文思考及開始寫短編文章,數學十分有興趣,4歲幾時自己睇Youtube已經學識加減乘除正負數小數,完全冇上過任何數學課程但已攞過幾個公開數學比賽獎項。中文冇咩興趣但可以跟到學校進度。
弱項:同大人溝通好好但與小朋友相處較弱,大肌肉發展弱,所以唔擅長運動,亦成日唔自覺周身郁,驚老師覺得佢坐唔定,另外好喜歡發問及需要老師鼓勵,小班教學比較合適。

有細妹跟尾。

而家有3個offers:九龍灣聖若瑟 vs 德田李兆強 vs 德萃

九龍灣聖若瑟
最近屋企,可步行返學
學術程度高,特別是英文及數學科
男校,所以學校活動可針對男孩子發展
學費可接受

妹妹冇得跟尾
大班教學,似乎對學生秩序比較嚴謹亦較谷
學校附近地盤環境會嘈

德田李兆強
近婆婆屋企,有突發情況婆婆可以幫忙
學術程度在津貼學校中算高
男女校環境比較多元化,可能對佢社交方面有幫助
妹妹係必收生

津貼學校收生比較參差
大班傳統教學唔知可唔可以cater 我小朋友需要
功課都多及谷
要搭校車早出門口

德萃 (鑽石山分校)
距離屋企幾個巴士站
英普教學,語境比較好
行國際學校課程,主張愉快學習,呢點好吸引

新校,口碑似乎唔多好
學費貴
妹妹未來入學冇優勢

呢兩日要留位,大家會點選擇?

Rank: 4


707
發表於 20-11-26 12:53 |顯示全部帖子
本帖最後由 alice_lt 於 20-11-26 12:54 編輯

回覆 Adrianliu 的帖子

津校未必有資源去 take care 小朋友. 最好 check 清楚學校有冇足夠資源
有朋友個仔都有差不多問題. 係旺角德萃讀
小朋友依家讀得都幾開心. 英文仲唔錯.
你最好帶小朋友去做下治療. 問番治療師意見.
如果學校太 chur 小朋友未必應付到
我另一個朋友個仔都係同樣問題.
亞媽堅持俾佢讀間 chur 既學校.
結果俾學校多次要求佢退學.
媽媽最好諗清楚先揀


Rank: 3Rank: 3


376
發表於 20-11-26 13:14 |顯示全部帖子
alice_lt 發表於 20-11-26 12:53
回覆 Adrianliu 的帖子

津校未必有資源去 take care 小朋友. 最好 check 清楚學校有冇足夠資源

好多謝你意見,呢樣正正係我最擔心嘅事。其實由1.5歲開始我個仔已經有做訓練到而家,私人3T同社交小組都冇停過,治療師都認為學術唔需要擔心,但係過份操練式嘅學校唔適合佢。

本來德萃都幾啱心水,但係新校冇track record,網上評價一般,我怕小朋友做咗白老鼠。

12月仲有陸慶濤同埋真道interview,我最希望佢有offer,咁就一天都光晒。


Rank: 20Rank: 20Rank: 20Rank: 20Rank: 20

超級版主 醒目開學勳章


44927
發表於 20-11-26 15:41 |顯示全部帖子
Adrianliu 發表於 20-11-26 12:30
自閉譜系男仔。英文及數學成績唔錯,習慣用英文思考及開始寫短編文章,數學十分有興趣,4歲幾時自己睇Youtu ...

我會揀德田李兆強

佢已知係自閉譜系, 我會揀男女校俾佢適應, 加上有妹妹, 亦都未知有無問題, 真係有問題點算? 到時要考小學會難丫

依家你可能無咩大問題, 但小朋友會大, 出面既既堂點都會繼續, 係學費加埋上堂費用, 條數真係會幾大丫


德萃......一間新校........同埋我識人係旺角讀緊..........只可以講.......放棄囉

任何人士未經本人同意不得轉載本人所發表之文章到任何媒體 (包括報章、雜誌及網站)

任何非 PM 形式查詢一律不回

各位~~~我唔會介紹補習社或興趣班, 唔使 PM 問我呀, 我係唔會覆架~~~

Rank: 5Rank: 5


2975
發表於 20-11-26 15:46 |顯示全部帖子
本帖最後由 kk1979 於 20-11-26 15:48 編輯

德田李兆強 啦
津校可以在小一入學時有份表格可以同老師講,

校方會安排相關輔導或轉介,定期會有社工/治療師到校,

同埋老師會特別TAKE CARE.
如證明屬實在考試時仲可以特別調整時間!


私校無呢D! 有時如果太多問題會叫你轉校添!





Rank: 5Rank: 5


1835
發表於 20-11-26 16:14 |顯示全部帖子
其實津校嚴既程度可能同九龍灣聖若瑟差唔多如果小朋友有能力考到何不試下

男孩我諗點都唔會全班坐定定,梗有好動仔,老師可能識教/應付到呢
而家在男女校,你仔你既小問題有機會被放大(女仔一般較乖)
有能力考得入私校,將來想轉津校在學術上也有優勢

我識一個叻仔都係讀九龍灣聖若瑟,學習能力高但唔係完全坐定定100%聽話唔郁果種


如果你小朋友有能力考到又被取錄,我認為值得一試

Rank: 8Rank: 8


19901
發表於 20-11-26 16:24 |顯示全部帖子
九龍灣 St Jo 同李兆強都係傳統學校,升中都表現接近。但你有妹妹跟尾,李兆強會就到你。官津係預左會有唔同需要同水平嘅學生入讀,老師亦有責任去幫助有需要同學同埋安排多啲輔導。而且,兩間小學創校冇 30 年都有 20 年,一定有 SEN 小朋友入讀過。

德萃係完全唔同嘅學校,你 buy 佢理念/打算出國或者轉去 IS,你係唔會諗前者。

不過你只要一日係讀本地課程,中文不容忽視,德萃呢類學校會相對少啲擺時間落中文,如果往後係想考 DSE,咁條路會好辛苦。佢先啱啱創校,5 年都冇,一定係攞你地小朋友做白老鼠,而且有經驗嘅老師好少去呢類學校教書,會多新丁同埋流失率會高啲。新人未必識點樣幫 SEN 小朋友。但的確佢會輕鬆啲。而且 6 年後升中去哪兒?兩間同名中學都好似未必申請到 IB,到時候是考 DSE 還是什麼?呢樣亦值得考慮。

Rank: 6Rank: 6


5752
發表於 20-11-26 16:44 |顯示全部帖子
回覆 Adrianliu 的帖子

坐唔定又喜歡發問我唔知1,2得唔得,兩間都傳统。我反而覺得可以考慮真道,學習方法應該活動啲,n年前聽過入學講座,校長話學校有3個教育心理學家,似乎支援較好。

Rank: 5Rank: 5

醒目開學勳章


2074
發表於 20-11-26 16:48 |顯示全部帖子
小朋友對噪音敏感嗎?我朋友個仔都係自閉頻譜,對噪音好敏感,會好暴躁,如果會,就要考慮聖若瑟附近地盤的問題了。

Rank: 4


707
發表於 20-11-26 17:34 |顯示全部帖子
Adrianliu 發表於 20-11-26 13:14
好多謝你意見,呢樣正正係我最擔心嘅事。其實由1.5歲開始我個仔已經有做訓練到而家,私人3T同社交小組都冇 ...
陸慶濤好重數理. 都 chur chur 地架喎

Rank: 3Rank: 3


126
發表於 20-11-27 07:14 |顯示全部帖子
qip1371 發表於 20-11-26 16:14
其實津校嚴既程度可能同九龍灣聖若瑟差唔多如果小朋友有能力考到何不試下

男孩我諗點都唔會全班坐定定,梗 ...

贊成。我個朋友也是同類型。入左聖若瑟,讀得很好。男仔學校多坐不定的。所以問題不會被放到好大。

Rank: 3Rank: 3


376
發表於 20-11-28 10:37 |顯示全部帖子
大家嘅意見都好好,令我諗深入咗好多!

其實我都認同聖若瑟係好學校,又近屋企,只不過如果讀德田李兆強,妺妹3年後唔需要煩多一次,而且又免費。而家好難抉擇,所以我暫時兩間學校都會留位。

德萃唔會留位了,始終學校太新,怕入咗去唔適合,轉唔返出嚟。

最心儀真係真道,希望12月面試有好消息啦!

Rank: 5Rank: 5


1554
發表於 20-11-28 11:16 |顯示全部帖子
本帖最後由 Mrscatcatfung 於 20-11-28 11:18 編輯

回覆 Adrianliu 的帖子

德田,妹可跟。資助小學有教育心理学家跟進。
德X,要收好教的學生,之前forum有一爸爸投诉,兒子有行為心理問題,被勸走了,详情自行爬文。

有時候,別誤會私校必定開心過津貼,收費的必比公立的有愛心和包容,也許只是一相情願的想法。人地打開門做教育生意,請了解下自己孩子是否它那杯茶,你的孩子是否又乖又順意又聰明又穩定。我兒當日不是如此,是為娘没自知之明,又是細B,又唔順得人。因误會而結合,了解而分開。

祝您小朋友有個開心愉快童年。
加油啊。支持你。


你需要登錄後才可以回帖 登錄 | 註冊