好奇問：IS有冇LS個d通識科，中史或者國教讀？

Falcon媽媽

IS有冇LS個d通識科，中史或者國教讀？

Radiomama

Falcon媽媽 發表於 20-10-22 22:26
IS有冇LS個d通識科，中史或者國教讀？

如果你講小學的話，行IBPYP的學校，有unit of Inquiry, 會觸及歷史文化單元，課程設計上會跨學科研習同一主題。中文科也會講中國文化和少許歷史。

dem0cracy

小學嚟講，大部份都會cover general studies/history/geography等等的內容，而視乎行邊個國家嘅課程，內容會偏重嗰個國家。

dem0cracy

講開又講…（唔想講政治，想分享一些觀察，相信對什麼立場的家長也有小小參考價值）…

我小朋友幼稚園時（是很好的IS幼稚園），普通話老師（也是非常好的老師）在10.1前有同小朋友講解國慶，堂上有播國歌及一相關video（有可能是升旗儀式，小朋友說不清是什麼）。我當時坦白講有啲驚訝，其後都有特別留意小朋友在普通話堂學咗啲乜，不過都冇乜發現，只係在某個月嘅學習內容上有一些類似“我有黑頭髮黃皮膚，我是中國人”的句子。播國歌嗰次，我相信可以看成新年播賀年歌，中秋講吓嫦娥月兔咁，教語言教埋文化、節日都好正常。

我想講嘅係，如果你擔心（或者喜歡）小朋友接受國教，中文課可能是一個切入點，即使EDB未必要求學校推行國校，老師背景會影響佢選取教材，况且香港出版的中文教材不少是慘入了國教內容。

timzoeydon

國際學校基本上係學習多國文化多國歷史，但內容一定係事實，唔會經教育局修改過，當然都一定要涉及有中國嘅文化及節日，作為一個國際學校學生係應該瞭解呢個世界每一個國家所發生嘅事，咁樣係好正常。

Falcon媽媽

回覆 dem0cracy 的帖子

我就係想知IS會唔會教得neutral d, 因為LS好睇間學校係藍定黃, 老師係藍定黃. 課程入面好多個d新聞, 仲有宣小事件, 我同事話佢小朋友(LS)d課本改晒, d歷史好偏向中國(e.g.我睇過張地圖, 台灣is already part of China). 所以想知IS係點教. 政府會唔會干涉.

Jane1983

回覆 Falcon媽媽 的帖子

我無留意學校有無講到台灣和中國的關係。
但根據咁多個和中國建交的國家，都係承認「一個中國」的原則。如果佢地教到中國，理論上個地圖都會包括台灣。

964000

Falcon媽媽 發表於 20-10-22 22:26
IS有冇LS個d通識科，中史或者國教讀？

不清楚比較重中國文化那幾間（CIS, ISF, YCIS)會如何演繹。
但我女個間比較西化是跟British curriculum 歷史是西史為主二次大戰個D，geog係講世界地理常識rainforest自然現象為主，連貨幣都是英磅。有ECA可自選chinese cooking /Chinese painting但應冇乜機會教其他內容。中文堂 如用大陸書有幾句國教不奇，但如果要班外國人讀「我愛祖國」「我是黃皮膚」，人地明明可能係印度人歐洲人，稔起都好笑。