唔做功課，叫佢做都唔專心，講到我好辛苦

ahyu_0805

好想大家俾啲意見，或者呷下都好，我真係忍唔住...

我返工，小朋友由幼稚園開始，放工要去保姆姨姨到湊放學，每次都未做曬功課，同佢講媽咪要返工，放工接佢再撘車返屋企又要煮飯，每日打仗咁趕頭趕命，冇時間比佢再做功課，佢次次聽完第日接佢又係咁，鼓勵獎罰計劃打鬧乜都試過，真係好激氣好無助，每日講，講到我諗起都覺得好炆好辛苦，點解講極都唔聽？

依家小二依然咁，同過小學老師講，保姆姨姨講，情況都係咁冇改善，佢做得好慢，可以成個鐘寫幾隻字。依家返半晝，我六點幾去接佢都依然做唔曬。已經叫佢做曬先可以玩，冇電視ipad任何嘢，姨姨話佢坐喺到玩文具，玩手指

kimlam953

ahyu_0805 發表於 20-10-21 07:13
好想大家俾啲意見，或者呷下都好，我真係忍唔住...

我返工，小朋友由幼稚園開始，放工要去保姆姨姨到湊放 ...

小二不如轉功課託管？

Pigdripy

可能要諗轉俾功課姐姐/補習睇住。目標唔同，會確保佢係專心做，分別會好大！ 保母的工作只是用對眼睇住，唔會用力篤住做功課。

同埋有無了解過佢唔想做係咩原因？覺得難？定純懶要人(emoji)住？

sumchanma

星期六日有冇試過自己跟下功課？會唔會係保姆教的方法不多，例如有些小朋友要陪做功課，而姨姨未必有時間。家長可以趁假期自己留意下，試用不同的方法，讓在咩情況下小朋友會做快啲，如果發覺小朋友容易分心或者發夢，可以帶佢check下是否專注力不足。小二要佢自動自覺做功課，要有些誘因先得。

ahyu_0805

Pigdripy 發表於 20-10-21 09:07
可能要諗轉俾功課姐姐/補習睇住。目標唔同，會確保佢係專心做，分別會好大！ 保母的工作只是用對眼睇住，唔 ...

我有同問佢，佢話唔想做。我有解釋俾佢聽，點解要做，大人返工都有大人既責任要完成，基本上乜都講曬，氹亦氹過，第日放學都係咁

其實我都有諗過，因為我全職返工，佢放學只係撘校車去到保姆姨姨到，冇人接送佢去補習班。加上我其實唔係逼不得已都唔想佢去，我以前做過嗰啲老師，日日見啲小朋友係補習社冇乜係開心，有學習動機去做功課/溫習，個個都好攰好靜咁做，個仔依家先升小二，唔想佢咁二嚟相比搵保姆姨姨開支又大咗，夜晚撘車又再遠啲再趕啲。唉好多問題，心力交萃

ahyu_0805

sumchanma 發表於 20-10-21 09:26
星期六日有冇試過自己跟下功課？會唔會係保姆教的方法不多，例如有些小朋友要陪做功課，而姨姨未必有時間。 ...

星期六日我跟住做就冇位俾佢發夢，但佢寫字做嘢都係好慢，寫個數字都慢慢一下一下咁寫，平日放學一自己做就打返原形
保姆姨姨淨係睇住佢嫁咋，唔會對功課教功課，最多見佢發夢叫佢快啲做

Pigdripy

ahyu_0805 發表於 20-10-21 12:06
我有同問佢，佢話唔想做。我有解釋俾佢聽，點解要做，大人返工都有大人既責任要完成，基本上乜都講曬，氹 ...

如果搵上門功課+補習姐姐，$90-120 一個小時，可以幫你解決交通、功課慢、心散的問題。都可以考慮 wo。 利申，我只是媽媽，純比意見。

TwinWong

ahyu_0805 發表於 20-10-21 07:13
好想大家俾啲意見，或者呷下都好，我真係忍唔住...

我返工，小朋友由幼稚園開始，放工要去保姆姨姨到湊放 ...

依間學校係咪好多功課?

ahyu_0805

TwinWong 發表於 20-10-21 15:33
依間學校係咪好多功課?

正常，應該唔係關功課問題，因為幼稚園佢日日做個幾鐘好慢，我有問過老師其他小朋友係咪咁，老師話啲同學仔好多五至十分鐘已經寫完，事實亦的確唔係難/多

ahyu_0805

Pigdripy 發表於 20-10-21 13:20
如果搵上門功課+補習姐姐，$90-120 一個小時，可以幫你解決交通、功課慢、心散的問題。都可以考慮 wo。 利 ...

當佢收三點半返全日，我六點半先接到，每日3個鐘，一個月都$5400

b3410

可否換一個角度睇，小朋友的問題主要係做功課慢/或者唔想做功課。養成好習慣是首要任務。



可以幫助佢改善的人，應該唔係保姆姨姨，媽媽困獸鬥幾年，睇來機會也不大。

可否考慮放學後在姨姨處，冇再嘥時間做功課，玩手指。反而俾佢玩/休息/睇書/睇英文卡通/新聞，做佢自己比較開心的事。三個小時豪俾佢，希望小朋友開開心心，recharge.



媽媽接番屋企，試試請個補習姐姐，一個小時左右，希望可以培養到小朋友自己肯做功課，學習。

媽媽專心煮飯做家務。

或者唔請外援，功課等食完晚餐再做。
媽媽就當係親子時間。
如果效率高，應該1小時可以完成功課。

TwinWong

ahyu_0805 發表於 20-10-21 15:50
正常，應該唔係關功課問題，因為幼稚園佢日日做個幾鐘好慢，我有問過老師其他小朋友係咪咁，老師話啲同學 ...

有無評估過係咪學習上有點障礙?

ahyu_0805

TwinWong 發表於 20-10-21 16:15
有無評估過係咪學習上有點障礙?

評估過冇問題，係專注力差啲，但未去到有問題要處理咁。佢考試同成績都唔係差，普普通通

TwinWong

ahyu_0805 發表於 20-10-21 16:40
評估過冇問題，係專注力差啲，但未去到有問題要處理咁。佢考試同成績都唔係差，普普通通
...

專注力差要分時段 , 半小時完成几多, 都要比 休息10分鐘
唔好夾硬要佢完成, 太吃力佢就抗拒

happy_girl0913

b3410 發表於 20-10-21 16:12
可否換一個角度睇，小朋友的問題主要係做功課慢/或者唔想做功課。養成好習慣是首要任務。

我同意適當俾佢玩下，做自己鐘意做既事情先。因為我女之前都係咁，佢哋學校功課多（小一），佢做得慢，我又怕佢習慣慢慢做，所以一放學，食完飯就開始做功課，佢好抗拒，做得更慢又做錯。之後我放鬆自己諗過，原來我女好想返到屋企玩玩具，relax 完之後，佢做功課快咗，有時仲要自己可以完成到。既然你小朋友平時成績唔差，上堂一定有專心聽，希望你都放鬆一下自己，對大家都有意外收穫！加油！

travisho

回覆 Pigdripy 的帖子

我都想請個姐姐上門教功課, 邊度搵到咁平?

JojoDad

回覆 Pigdripy 的帖子

路过搭下嘴， 我个女今年刚从地区小学升英中，六年来80% 7点前做完功课，可以分享一下心得：
1. 养成习惯 - 小一时为了巩固她每天依时完成功课，整个小一把她送到功课补习班，未做完不能回家吃饭。我六点半下班也想把她接回，但好多时都在班房外面等。这样她就知道爸爸也与她一起挨无晚饭吃，所以她就尽快做完，回家吃完晚饭后，就是她自己的玩乐时间。

2. 不感孤单 - 小二时，我因为身体出现问题，只上半天工。工人姐姐接她回家后，洗澡后通常四点半她就开始做功课，我约差不多回到家，和衣后坐在他身边看书，除给女儿安全感外，亦间接督促着她做功课，有不懂不明白的，立刻有爸爸支援，所以也通常7点前完成。

3. 专注 - 这一点我多谢小学的社工，她告诉我如何尽量减少隔绝周围可令小朋友分心的事物。 远离一切电视电脑，他平常玩的玩具，笔袋颜色笔等等。只留下铅笔、间尺、察胶及所要完成的功课，尽量专注要完成的事。


现时中一了，我就慢慢放手，她自己做功课温书，再不用以前一样坐在旁边了。希望这些能有用。


#我只懂拼音输入，所以只出简体，盼谅。