大家對這幾間學校有什麼comment？邊間好D

Hh107

校風，老師，學生，成績各方面

1. Wells Cathedral School
2. Monmouth School for Boys
3. Mount Kelly
4. Berkhamsted school

Yvonnehoney

我同事個仔之前讀Wells Cathedral school, 但現在巳入大學了，佢話學校音樂強（當然佢自己音樂都番咁上下😅）佢話學校老師好，同學都唔錯（起碼冇欺凌事件），我見佢成績幾好，所以我估學校整體成績都唔錯掛。至於其他學校，我就唔知啦！

beastiebistro

回覆 Hh107 的帖子

以我所知，

Wells Cathedral係著名嘅音樂學校，全英國四／五間specialist music schools之一，音樂自然強。係non-selective學校，pastoral care非常好。連小學700零學生有40% boarders，唔算好高但比其他幾間好。

Monmouth Boys係第度講過，Monmouth係喺Wales嘅small town，比較山旮旯，環境靚，靜同少啲distraction。係Haberdasher's Monmouth Schools系統即係Y9-Y11分男女校Y12-13合返埋一間，所以同女校有好多相連活動。連小學600零學生有160個boarder度唔多。

Mount Kelly喺Devon郡一個叫Tavistock嘅小鎮，又係比較遠同山旮旯嘅地方。MK應該都幾focussed on訓練泳手但係整體成績／教學支援就比較差強人意...（你可以自己考證）。連小學差不多600人有200零個boarders到都唔算多。

Berkhamsted又係小鎮不過就幾近倫敦。連小學差不多1,000個男生得幾十個boarder，只可以話係day shcool有少少宿位。

四間都係non-selective school，要預咗學生能力參差。

純屬我個人意見。

Hh107

beastiebistro 發表於 20-10-18 10:55
回覆 Hh107 的帖子

以我所知，

你小朋友是否也在英國讀書，boarder 是否對小朋友真的好重要，因我見第四間的成績好好，d設施又好新好靚，但少宿生，又驚學校假期少活動，仔仔會好悶，因他下年過去讀yr 9。是否再大啲去這些學校會好D，因比較獨立，但又驚到時考唔入

beastiebistro

回覆 Hh107 的帖子

我個仔係今年Y9學生，我剛倍佢開學。我女明年都會 Y9過去開學。唔單止，我自己都係英國留學生，幾十年前去讀Y10。

我個人意見梗係100%支持留學，其實越早去「享受」得越多，不過平衡返要一個最起碼嘅中文程度，Y9去對我嚟講最合適（當然我仔女喺香港都係讀Local School，如果喺香港讀international schools咁再早啲去可能都無所謂）。

又係個人意見，去英國寄宿，就係要佢嘅英式傳統全人教育。如果維持港式成績至上思維，咁不如留係香港讀書好過。呢樣引伸兩個考慮，宿生比例同學校成績。

先講宿生比例，我係過來人，自己去過幾年寄宿。我讀嘅係幾出名嘅傳統英式寄宿學校，當時大約80%full boarder。其實上落堂梗會同唔同嘅同學戶動，不過真正深入嘅互動喺係夜晚同週末嘅自由時間。lights out後先多偈傾，星期日冇嘢做，攞個波，自己house叫起手都有十零廿人出去踢波。去探險都多幾個friend壯膽，冇嘅直頭唔會出去，玩少幾多嘢。喺寄宿學校，學嘢嘅時間唔只係上堂時間。down time分分鐘學得更多，做人態度、同人嘅互動、團隊合作精神、忍讓、據理力爭等。無人喺附近點學呢？如果boarder數量少或者大量flexi/weekly boaders，個寄宿體驗唔同晒。不過呢啲真係要親身讀過先知，家長自己未試過係唔會明嘅。

再講學校成績/排行榜。其實嗰啲所謂嘅成績，只不過係反映之前嗰年間學校啲學生嘅水準。只有港式思維先會沉醉喺入面。間學校舊年考得好唔代表今年考得好。間學校成績好主要代表佢收生selective，啲貨源好，唔代表佢增值能力高。最好嘅學校都有人入唔到大學，中游學校都有人入牛劍RG大學。排第8嘅學校唔見得比排第80喺學術增值強。其實英國老師主要都係啟發學生自主學習，只有少量係會「操」，而喺呢類學校，操完都冇乜時間玩其他活動，咁使鬼寄宿呢？

所以我個人覺得，最緊要揀間適合自己小朋友嘅學校。我自己就會揀full boarder比例高，傳統英式寄宿類型嘅學校。呢個list，我只會考慮1，最多連埋2。

希望對你有參考價值。

Hh107

多謝你嘅意見

kct18

beastiebistro 發表於 20-10-19 07:19
回覆 Hh107 的帖子

我個仔係今年Y9學生，我剛倍佢開學。我女明年都會 Y9過去開學。唔單止，我自己都係英國 ...

我想請教吓，以你的經驗英國寄宿學校主要訓練小朋友自主學習，如果小朋友比較懶散，平時習慣比人管住先去温書，如果一個人過到英國，會唔會冇王管更加變本加厲，適得其反？

beastiebistro

回覆 kct18 的帖子

我當然唔敢好權威話100%冇問題，只可以我自己經歷（我自己、我啲學弟、我仔同同學、我啲mentee、朋友啲小朋友經驗）總括。大部分我接觸嘅Case都唔會唔讀書，成績唔敢包全部都超好，一定唔係個個入牛劍，但絕大部分都會入到大學。
其實我個人覺得小朋友喺香港懶散不外乎幾個原因。一係覺得返學上堂好悶，功課又多又無趣，老師又唔識帶起課室氣氛。或者係學業外太多誘惑，電視電腦遊戲機iPad電話，通通都比學業更有趣。

英國當然都有hea嘅老師，但我敢講好大部分嘅公學老師好有心教，同好肯go the extra mile，去令課堂有趣。況且佢哋唔係好似香港老師咁「鐵飯碗」，教得唔好要問責交代。大家又住埋同一個校園，有啲又兼任tutor，club指導，運動帶隊，有嘢唔識好容易問到，得閒又會傾下偈，關係自然比香港師生關係好。

再者，寄宿學校都講規律（低班時候），冇機打，用電腦有限制，訓覺要「繳械」（交出電話），house外唔俾用等等，小朋友好快就習慣冇電子產品嘅distraction。每晚都有prep time，全部低年級坐埋做功課，有高班或者tutor睇住唔俾玩同傾偈，啲嘢自然晚晚清，唔怕積埋積埋冇心機做。好多學校又有大小不一嘅獎勵嚟鼓勵做好功課（唔係錢，可能只係寫個credit/distinction 落份功課度，唔一定係分數高就有，有啲老師會reward effort）但就好incentivise到學生盡力做。

好似開頭講，我唔敢包生仔，但我相信大部分家長係唔會後悔嘅。

kct18

beastiebistro 發表於 20-10-19 21:08
回覆 kct18 的帖子

我當然唔敢好權威話100%冇問題，只可以我自己經歷（我自己、我啲學弟、我仔同同學、我 ...

多謝你的鼓勵！
其實好怕送咗佢去留學，反而害咗佢就會好心痛，人財兩失！
偶然都見有家長講送子女出國讀書都係搏一搏，如果失敗咗果啲就唔會再上BK講，所以真係好擔心做錯決定

beastiebistro

回覆 kct18 的帖子

我都好明白！始終大嗱嗱幾十萬一年，有疑惑都係人之常情。

我就好放心，希望你都對你小朋友有信心。

myliemama

beastiebistro 發表於 20-10-18 10:55
回覆 Hh107 的帖子

以我所知，

請問咩叫non selective schools? (emoji)(emoji)(emoji)(emoji)

20020116

kct18 發表於 20-10-19 21:17
多謝你的鼓勵！
其實好怕送咗佢去留學，反而害咗佢就會好心痛，人財兩失！
偶然都見有家長講送子女出國讀 ...

所以更加要揀名校，被封得為名校，而又經得起時間歷練，一定有過人之處，我比較相信集體智慧

beastiebistro

回覆 myliemama 的帖子

non-selective即是收生時，成績或者test score不是最重要的考慮，收生嘅range比較闊。學校整體成績以致排名自然未必最高，但唔代表學術增值能力低。

Yeahp

20020116 發表於 20-10-20 13:47
所以更加要揀名校，被封得為名校，而又經得起時間歷練，一定有過人之處，我比較相信集體智慧
...

你呢個觀點好inspiring...
名校or 被稱為 top schools ,一定有優㸃及過人之處。
那些過人之處適不適合自己的小朋友，就另話and 要深入了解。

Yeahp

beastiebistro 發表於 20-10-20 13:48
回覆 myliemama 的帖子

non-selective即是收生時，成績或者test score不是最重要的考慮，收生嘅range比較 ...

是否可以理解為：
non acedemic selective schools, 收了不同acedemic level的學生，(可能50-70分成績的), 咁如果教得好，學術增值能力的百份比相信一定高過已收了起碼80分以上成績的所謂selective schools。。

beastiebistro

回覆 Yeahp 的帖子

我會係咁理解。咁不過大家要記住老師唔係神仙，學校唔係變魔術，真係唔係求其掉啲石頭入去就會變鑽石。唯一可以肯定嘅係non-selective school入學嘅學術門檻無咁高，小朋友最後去到咩高度係睇小朋友自己。我自己就好怕家長門太過「神」化學校嘅成績 = 學術增值能力。

o000o

樓主小朋友入邊個年級？ 4間風格都幾唔同，我自己都有了解過，呢幾間學校都算唔錯。
應該Berkhamsted 最傳統

beastiebistro

回覆 20020116 的帖子

咁要睇睇你所講嘅係咩名校喇。恕我得罪啲講句，某啲香港家長agent吹捧嘅所謂名校（我唔會開學校名嘅），歷史未必太悠久，係英國人眼中亦未必係名校。反而一啲有歷史地位，英國人會話係名校嘅，香港家長又未必聽過。呢類學校都未必喜歡夾agent做宣傳，反而大做宣傳，agent大推特推嘅其實未必係咁「名」。為免傷感情，唔好問我邊啲喇。

beastiebistro

回覆 o000o 的帖子

唔會喎，Wells Cathedral早過Berkhamsted 500年創校，係全英國最古老學校之一...

Yeahp

beastiebistro 發表於 20-10-20 15:16
回覆 Yeahp 的帖子

我會係咁理解。咁不過大家要記住老師唔係神仙，學校唔係變魔術，真係唔係求其掉啲石頭 ...

咁如果本身小朋友已很自發勤奮，成績中上運動亦好嘅，可以報下公開試成績好嘅學校，而唔係play safe 咁去讀non selective schools ?
謝謝指教。