考直私 結局 是否 實至名歸?

hellobilo

請問已經歷過考直私的家長， 賽後結果是否實至名歸? 是否 較醒目的 較多offer， 較平庸 的沒有/ 較少 offer? 還是不合理的賽果居多（ 因有著其他因素的影響例如來向外向之類）？ 謝謝

bird06

hellobilo 發表於 20-10-4 10:54
請問已經歷過考直私的家長， 賽後結果是否實至名歸? 是否 較醒目的 較多offer， 較平庸 的沒有/ 較少 offer ...

我覺得外向小朋友會有優勢。但另一方面，如果學校只留意外向小朋友，而冇著重小朋友特質，亦可以考慮一下這間學校是否適合小朋友。

選學校係雙向，家長覺得一間學校好，但未必係適合小朋友。

我小朋友舊年失落好多活動新派學校第一輪面試，我曾經好失望，反而傳統學校面試表現較好。依家回想，可能佢真係唔適合新派學校

水泥媽媽

其實是否學術好叻才有offer?

karenaleung

水泥媽媽 發表於 20-10-4 13:42
其實是否學術好叻才有offer?

要有合乎年紀的學術，不是要好叻。還有，soft skills 也是非常重要的。

超級奶爸爸

karenaleung 發表於 20-10-4 14:02
要有合乎年紀的學術，不是要好叻。還有，soft skills 也是非常重要的。

點樣先係合乎年紀的學術？邊啲人去定？要用全英語介紹自己？要識三個位嘅加減數？

karenaleung

超級奶爸爸 發表於 20-10-4 19:09
點樣先係合乎年紀的學術？邊啲人去定？要用全英語介紹自己？要識三個位嘅加減數？
...

爬文看看谷友分享各學校面試過題目，型式等等，心裡自然會有數。

超級奶爸爸

karenaleung 發表於 20-10-4 19:24
爬文看看谷友分享各學校面試過題目，型式等等，心裡自然會有數。

我完全唔同意嗰啲係合乎年紀嘅學術。考嗰啲嘢，家長唔催谷小朋友，唔外補，正正常常一個小朋友又點會識？

karenaleung

超級奶爸爸 發表於 20-10-4 19:30
我完全唔同意嗰啲係合乎年紀嘅學術。考嗰啲嘢，家長唔催谷小朋友，唔外補，正正常常一個小朋友又點會識？
...

Nevermind   
說話能力，認字，邏輯，全都是生活中可以培養出來，並不一定是要外補，補番來的。生活中讓小朋友多閱讀，生活體驗，超市買東西計下數，多讓小朋友動腦，發問。
另外，小一面試，學術不是唯一，soft skills 也是非常重要的。

areyouangry

不合理賽果居多咁你仲考？

小曳人

不如講下故仔.. 大部份係仔嘅同學
男A，考好幾間直私，好似無offer，當年KTS 抽獎後退學人數比較多，有得叩門，無KTS 2nd in 嘅成功入到，中間考過幾次cky插班唔成功，6年後入讀DBS
男B，入KTS (無男校offer)，小三以數學優異成績轉DBS
男C，入SFA，排抽/叩唔中心儀男津，成績約級1x，成績插班SP boys
男D，第一屆YW直小，成績唔錯，小3/4 轉去地區津小，讀得比YW開心，功課亦無咁多 (今年AL 3A*, 1A)
男E，攞住SFA 抽男津失敗，之後叩門成功，考過幾次級一
男F，考SFA, DB only，SFA offer，小二轉DPS，中學DBS
男G，攞住培僑offer 無抽獎，無更好offer (連SFA 都無, 當年KG 最多人有SFA offer)叩門waiting入地區名津，LSC 大戶，一直考級頭幾名，順利入LSC
男H/I, SFA 小一，數學優異，插小二時有3間男校offer

女A，好文靜，但best offer 係德雅 (again, 有d意外無SFA)，1-2年後轉KTS
女B，德雅6年，中學升MCS


睇完幾個case，其實，你問得"實至名歸"，係咪覺得叻人就有名校offer？但事實好明顯唔係！名校當初都見唔到呢d細路... 或者入到去mismatch

所以，學校係會走漏眼，無乜offer 唔等於唔叻，只係揀人方法問題
我成日話：我仔當年得一個offer....

DengCK

係EK，好似得幾間學校先係學校咁，升小入唔到，插極都要插。我地細個的年代，除非搬屋否則點會插班。我自己覺得，叻人係邊都係叻，條條大道通羅馬，識唔少「成功」人士都係地區學校讀書。唔似成家d風氣死都要入到名/神校

hellobilo

回覆 areyouangry 的帖子

Hope u didnt make anyone angry today,and if u did, bring out the best of yourself,share your positive attitudes and nice words.

Tiffanytobe

小曳人 發表於 20-10-4 21:52
不如講下故仔.. 大部份係仔嘅同學
男A，考好幾間直私，好似無offer，當年KTS 抽獎後退學人數比賽多，有得叩 ...

想請教，數學優異嘅意思係？公開比賽攞獎？奥數比賽攞獎？

小曳人

Tiffanytobe 發表於 20-10-5 00:05
想請教，數學優異嘅意思係？公開比賽攞獎？奥數比賽攞獎？

奧數比賽頭幾名，有可能係越級頭幾名
留意，初小主要係奧數比賽，高小先有多d非奧數題型數學比賽

PTL_L

DengCK 發表於 20-10-4 23:30
係EK，好似得幾間學校先係學校咁，升小入唔到，插極都要插。我地細個的年代，除非搬屋否則點會插班。我自己 ...

認同你講，人叻去都邊到讀書都叻；叻人通街都係，因為時代唔同，父母培育方法同以前唔一樣，我哋亦都要與時並進，唔通明知係升中較弱既學校都仲就近入讀咩？
我小朋友升小時，直私一間都唔收，搞珠入地區津小，成績非常唔錯，再試插班，又俾佢考到幾間，我哋揀咗港島區有直中的小學，而家升埋中，又考到另一間港島中學。

自己經驗，地區津小，同學太大差異，課程相對簡單，只要小朋友學習能力可以，加上屋企有幫手跟進，考級頭唔難。轉校時，老師挽留我哋，但我覺得對於我小朋友嚟講，讀得太容易喇，佢會失去學習動機，所以決定轉校，感恩轉校後，發覺更適合佢，亦因呢間學校，我女順利升讀好適合佢嘅中學。

hkpapa852

hellobilo 發表於 20-10-4 10:54
請問已經歷過考直私的家長， 賽後結果是否實至名歸? 是否 較醒目的 較多offer， 較平庸 的沒有/ 較少 offer ...

一個只得5/6歳既小朋友, 有需要用咁多唔同嘢去評價嗎?

creambun

考直資私小一向外向的小朋友較有利，内向思考型的小朋友就算較聰明但面試時答得慢或唔肯答所以較不利。小學時去考插班或升中時才真正分得出小朋友是否醒目及有實力。

Azzurro

我覺得考私立直資最大的得著是了解到過去兩年幼稚園家長的表現

如果小學咩都考唔到，家長可以檢討自己方法
考到，也可以更了解自己小孩係公海咩位置

冇考過私立直資的家長，很多都唔知道自己係公海位置
到派去差的中學先醒覺，已經為時已晚
遊戲已經過了一半 （幼稚園三年和小學六年）

alice_lt

考直私遊戲. 無話實唔實至名歸,
我小朋友學術 ok 唔錯. 但結果出嚟 reject 到你懷疑人生.
無他, 因為小朋友係慢熱型. 識答都唔會主動答. 尤其 group in.
收咁多 reject letter, 等於小朋友無實力咩? 唔係囉
至少下半年. 兩間單對單 in 既學校都有 offer. 證明佢係得.
我地無外補. 只係幼稚園揀左一間相對比較谷既學校.
有好多時呢啲都係天時地利人和加埋.
小朋友可以創造無限個可能
今年考小一既加油

airwalk

areyouangry 發表於 20-10-4 21:18
不合理賽果居多咁你仲考？

個個家長都認為自己個個最叻, 考郅當然
實至名歸, 考唔到當然唔係

實至名歸