喺公園度點樣可以訓練到自閉症小朋友社交？

christine001

平時已經成日帶佢老公園不過疫情之後停咗好耐， 由以前到依家去到公園 就算有小朋友佢都會自己一個玩佢自己鍾意嘅嘢， 好想佢試下跟小朋友互動多啲， 但冇理由喺其他家長同埋其他小朋友面前不斷教佢同人玩㗎？ 覺得咁做好奇怪， 因為本身我细個社交都唔使人教我自己自自然然會識， 究竟有咩方法唔使上社交訓練班喺公園都可以訓練到佢？

legolas625

先搵個定期會一齊玩的playmate，如親戚或朋友的子女，最好年紀差不多大，2個首先係屋企一起玩，另外大人都要同佢操社交技巧，之後先放佢去出公園，大人再從旁觀察和提醒佢。

legolas625

家長要記住PST、ST的訓練技巧，再自己教小朋友，社交是要時間浸，不會一朝一夕就成功，俾D時間小朋友，努力~

Evachan^_^

其實自己諗番細個好靜，都唔識點同人玩...
請問一下有乜野技巧呢？

christine001

回覆 wingchk 的帖子

我平時就係覺得放佢去公園玩都幫助不大到佢社交，平時我嘅方法就係見到其他小朋友喺度， 就攞支泡泡水出嚟， 引佢哋集中埋一齊玩，目的系想我仔 嘗試下親近人哋一齊玩同一樣嘢， 阿仔平時肯同我互動例如打球， 但教佢同其他人互動就好難

Creativesummons

你可以試下同佢係屋企訓練下點樣一齊玩先出街玩，我同呀仔會係屋企warm up 左先落公園（例如玩捉，滑板車鬥快），佢落左公園就會記得同有興趣同其他人玩。如果唔提佢，佢都係會自己有自己玩....