教局主任涉為升中兒子偷取用學位分配電腦系統 遭廉署起訴

kenwong888

教局主任涉為升中兒子偷取用學位分配電腦系統 遭廉署起訴


5小時前




Share on facebook

Share on twitter

Share on system







AAA



【新增內容】













教育局一名教育主任今（3日）遭廉政公署落案起訴，控以涉嫌為參加升中派位的兒子，不誠實取用教育局的電腦系統而從中獲益。

被告為彭偉傑，現年57歲，案發時於教育局學位分配組任職教育主任，職責主要包括管理和操作「學生資料管理系統」。彭於2016年8月向教育局申報，其就讀藍田一間小學的兒子是2015/2017年度中學學位分配辦法的學生申請人，並獲上司指示不得就其兒子的申請和派位結果資料，取用教育局的電腦數據庫。













控罪指被告涉於2016年8月15日至2017年9月18日，先後10次取用載有「中一學位分配系統」數據庫的教育局「教育資訊系統」，目的在於使其本人或他人不誠實地獲益，並涉嫌就其兒子中一學位申請的相關校內成績，取用「中一學位分配系統」。廉署早前接獲教育局轉介的貪污投訴後調查，揭發上述涉嫌罪行。

廉署表示，「教育資訊系統」為教育局的中央電腦系統，設有兩個數據庫，即「學生資料管理系統」及「中一學位分配系統」，前者載有所有中學學位分配辦法學生申請人的個人資料，而後者則處理中一派位。該兩個數據庫的數據均為限閱資料，教育局人員除非職責所需，否則不得取用有關數據庫。















被告涉「偷睇」兒子校內成績

資深小學校長：有助選校部署

消息指，「中一學位分配系統」除包括中一派位結果外，尚包括相關學生的校內成績、呈分試成績等資料。據悉，被告涉嫌擅自進入中一學位分配系統，偷閱兒子的相關校內成績，涉嫌違反上司禁止被告就其子的中一派位申請和派位結果而取用教育局電腦數據庫的通知，涉嫌觸犯不誠實意圖取用電腦罪行；消息稱案件暫未發現有涉嫌修改資料、成績等情況。

彭偉傑被控10項有犯罪或不誠實意圖而取用電腦罪名，涉違反《刑事罪行條例》，現已獲准保釋，下周一在觀塘裁判法院答辯。

根據政府網站，彭偉傑現隸屬教育局策劃、基建及學位分配科，在教育統籌委員會及策劃分部的研究及測驗發展組任職「教育主任（研究及測驗發展）3」。

據了解，教育主任薪酬範圍為每月74,515元至89,845元。

有資深小學校長表示，教育局嚴密執行升中學位分配，學校一方只負責呈報準備升中學生的成績，並不熟知箇中細節、有否涉人手操作，惟他表示，升中派位是根據學生的校內成績及學校排名而分配，而學校未能準確計算到學生的全港排位，他估計若涉事人知悉其子的排名，將有助選校部署。

教育局發言人回覆《蘋果》查詢表示，由於事件已進入司法程序，現階段不宜作評論。

-----------------------------

medicine

jli008 發表於 20-9-4 13:05
咁有知識份子既家長都要去做錯的事,自己學了那麼多年的全人教學去邊? 也明白家長難處,但不可取. 衹可惜害苦 ...

咁有知識份子既家長都要去做錯的事,自己學了那麼多年的全人教學去邊? 也明白家長難處,但不可取. 衹可惜害苦了孩子,希望唔影響孩子中學的學習心態.......唉.





睇來真係需要改善一下中文啦，特別是表達能力。咁有知識份子既家長即係咩野（這句話是什麽意思）？

猴子爸

明知故犯，掩耳盗铃，累人累己，抱憾终身

b3410

其實點解EDB/學校唔可以俾呈分名次？每個人只知道自己的名次，也不用擔心標簽化。
選校時唔使估估下，減少錯配。

呢位主任不如上訴，如果可以成功令同學知道自己名次，也算將功補罪。

pccw2017

jli008 發表於 20-9-4 13:05
咁有知識份子既家長都要去做錯的事,自己學了那麼多年的全人教學去邊? 也明白家長難處,但不可取. 衹可惜害苦 ...

其實只要教育局肯直接公開呈分排名咪得羅, 唔使攪到呢位家長鋌而走險、以身試法都係為左一睹兒子呈分排名的芳容. 害煞多小小六生入讀理想中的機會. 究竟搏唔搏好呢、會唔會係邊沿人、呢個成績邊間易入D等問題就唔會成日係EK出現啦 !

kenwong888

That's why I always suspect the operator(s) would play tricks in this allocation exercise, much much more not disclosed yet ? ? ?

gigayan

真係名符其實..... 輸咗係個制度......

bobbob

kenwong888 發表於 20-9-4 14:59
That's why I always suspect the operator(s) would play tricks in this allocation exercise, much much ...

如果operator咁易可以"play tricks"，做銀行嘅operator咪一早發咗達

bobbob

b3410 發表於 20-9-4 14:15
其實點解EDB/學校唔可以俾呈分名次？每個人只知道自己的名次，也不用擔心標簽化。
選校時唔使估估下，減少 ...

好提議

nataliegooooo

medicine 發表於 20-9-4 13:22
咁有知識份子既家長都要去做錯的事,自己學了那麼多年的全人教學去邊? 也明白家長難處,但不可取. 衹可惜害苦 ...

國內教育的用詞係同香港教育唔同架, 唔關佢事
同埋佢都話中文水評差; 所以真係唔關佢事架;

nataliegooooo

pccw2017 發表於 20-9-4 14:27
其實只要教育局肯直接公開呈分排名咪得羅, 唔使攪到呢位家長鋌而走險、以身試法都係為左一睹兒子呈分排名 ...

想像吓個排名總共有90000人即頭30000人係Band 1....30001至60000係Band 2....etc.

你個仔本來預佢係Band 1尾或Band 2頭
點知出咗出黎排60000/90000.....即係唔好彩考Band 2頭+抽到最差既number;
阿仔個同班同學.....呈分試考高你阿仔一名嗰個......排1/90000.....原來佢啱啱係Band 1尾+抽到好number

有啲野都係唔知好過知

medicine

nataliegooooo 發表於 20-9-4 16:40
國內教育的用詞係同香港教育唔同架, 唔關佢事
同埋佢都話中文水評差; 所以真係唔關佢事架;

呃……

medicine

jli008 發表於 20-9-4 15:46
我都早講過自己既中文能力不是太好,都冇所謂,預左某幾位常常會這樣講.
其實衹係你想得太多,就簡單啲講,月 ...

到宜家都未知錯係邊？

咁有知識份子既家長裏面的“知識份子”，其中份子該爲分子。另外，知識分子只是名詞，不能用做修飾家長/即：這麽有知識分子的家長（咁有知識份子既家長）這一句，語病句！

hkpapa852

kenwong888 發表於 20-9-4 00:24
教局主任涉為升中兒子偷取用學位分配電腦系統 遭廉署起訴

如果報導內容全部屬實，即係EDB過往一直有嘢呃緊大家。

notcool

hkpapa852 發表於 20-9-4 19:17
如果報導內容全部屬實，即係EDB過往一直有嘢呃緊大家。

你能解釋一下嗎？不太明白tks


>>其就讀藍田一間小學的兒子是2015/2017年度中學學位分配辦法的學生申請人.....
控罪指被告涉於2016年8月15日至2017年9月18日，先後10次取用載有「中一學位分配系統」

檢查呈一結果?

kenwong888

notcool 發表於 20-9-4 21:01
你能解釋一下嗎？不太明白tks

I suspect he had played tricks on his son's results ! ! !