呈一級排60，呈二有冇機會追到級30？大家分享一下(emoji)(emoji)(emoji)

samantha.wong

小女九龍某官立小學，呈一級排位大概60，估計應該係band2，呈二有冇可能追到級30？如果呈二追到，有可能達到band1尾。可否分享一下？

nillnill

視藝、音樂呢兩科恐怕難追。

samantha.wong

nillnill 發表於 20-8-30 15:08
視藝、音樂呢兩科恐怕難追。

成績單未收到，Miss話視藝考差咗(emoji)

gracelam

samantha.wong 發表於 20-8-30 15:02
小女九龍某官立小學，呈一級排位大概60，估計應該係band2，呈二有冇可能追到級30？如果呈二追到，有可能達 ...

第一個問題，有冇可能追到級30?
如果呈一係一時失手，追到可能性係大，如果平時都係徘徊呢個名次，追到可能性相對細好多。

第二個問題，如果呈二追到可否達到band 1尾?
好難一概而論，要睇全級同學呈一呈二排名，簡單D講，若全級band 1生同學呈一呈二考得平均，咁你呈一呈二大起大跌，未必成為band 1尾，即係睇自己又要睇埋其他對手。

LeeCC

女仔生性D，成功機會大D

我地呈二D女仔直升機甘升，男仔個個好似玩滑梯甘落

1998Ruby1998

一時失手/呈二突然開竅就有機會，如果平日都係呢個 level，難度都幾高。Band 2 追到 band 1 水平，唔係容易。

至於去唔去到 band 1 尾，都要睇埋你學校其他 band 1 同學考成點，你大起大跌未必係好事，需要埋呈三去幫你追 band。

samantha.wong

明白(emoji)呈分如果追得到，自行選擇會多啲。

samantha.wong

LeeCC 發表於 20-8-30 15:23
女仔生性D，成功機會大D

我地呈二D女仔直升機甘升，男仔個個好似玩滑梯甘落 ...

放假基本上都溫書，小朋友真係好辛苦！又好希望考到心儀嘅學校，小朋友&大人都難(emoji)

samantha.wong

gracelam 發表於 20-8-30 15:20
第一個問題，有冇可能追到級30?
如果呈一係一時失手，追到可能性係大，如果平時都係徘徊呢個名次，追到可 ...

我都知道難追，個個呈二都會盡力～

gracelam

samantha.wong 發表於 20-8-30 15:27
明白(emoji)呈分如果追得到，自行選擇會多啲。

要追級30名唔易，3科主科 x 9，小心D做題，失一分差距就好大。

常識 x 6, 唯一一科唔洗浸只靠勤力温書可以拉唔少分嘅科目。

視藝 x 3音樂 x 2, 音樂筆試有得温，視藝唔得真係要惡補下，起碼幅作品正正常常，唔好失分太多。

p.s. 呈二加油 不過唔好給孩子太壓力，否則弄巧反拙

samantha.wong

我覺得佢哋仲慘過考大學！(emoji)過三關斬六將！
有好多分都係因粗心而失，尤其係數學，我諗好多小朋友都係咁！常識平時幾乎滿分，但呈一表現嘛嘛⋯⋯

200904

samantha.wong 發表於 20-8-30 15:33
放假基本上都溫書，小朋友真係好辛苦！又好希望考到心儀嘅學校，小朋友&大人都難(emoji)
...

建議適當讓小朋友有玩樂的時間。一直溫書會造成溫書疲勞，大腦會自動關機。不如等呈二公布範圍之後，抓重點溫會事半功倍。

Chowying

冇話唔可以，要睇成績分佈
我女呈一 2x, 呈二 4x , 只因數學錯多一條咁大把，冇左 5分

samantha.wong

200904 發表於 20-8-30 15:58
建議適當讓小朋友有玩樂的時間。一直溫書會造成溫書疲勞，大腦會自動關機。不如等呈二公布範圍之後，抓重 ...

嗯，謝謝你嘅意見(emoji)

samantha.wong

Chowying 發表於 20-8-30 16:05
冇話唔可以，要睇成績分佈
我女呈一 2x, 呈二 4x , 只因數學錯多一條咁大把，冇左 5分  ...

有時都幾講運氣同狀態(emoji)

b3410

考～ 60原因？小朋友有冇盡力？ 有無重大失誤？檢討戰果之後，是否搵到提升/改善的方法？小朋友肯唔肯配合？
凡事皆有可能。

samantha.wong

b3410 發表於 20-8-30 17:03
考～ 60原因？小朋友有冇盡力？ 有無重大失誤？檢討戰果之後，是否搵到提升/改善的方法？小朋友肯唔肯配合 ...

我覺得佢仲有提升嘅空間，只係離band1線距離有啲遠～
亞女都肯努力，只係時間跨度太長，好難keep到時時都努力嘅心態，如果靜係三幾個月幾辛苦都捱到～
我都唔敢全放手俾補習老師，自己跟翻個進度。

b3410

samantha.wong 發表於 20-8-30 17:17
我覺得佢仲有提升嘅空間，只係離band1線距離有啲遠～
亞女都肯努力，只係時間跨度太長，好難keep到時時都 ...

如果父母跟到進度，自己跟最好。補習老師好難全身心放落自己個小朋友身上。
父母同小朋友一起認真傾下，回顧一下上次考試得失，各個科目逐個數過，拎出來之前舊卷來分析，做錯原因儘量分類，睇下邊種最多見，就儘早處理。邊個提升空間最大，先做最符合時間效能比的功夫，之後再做雖然辛苦，不過效果大的科目。有些科目可能短時間好難快速提高，就斬件來睇。
例如中文差，不過好難短時間提高。咁可能小朋友次次失分都係閱讀理解，就加強閱讀理解。
不過也要有針對性加強，分析閱讀理解差原因，不會總結文章主旨？不會找近義詞？還是完全讀不懂文章。說明文差，還是記敘文差？例如我女最差唔識概括人物性格特點，我哋就針對性睇人物描寫文章，把人物性格特點詞語分幾大類，睇下如何搵到最適合的詞。

大致有個計劃，有限的時間，集中針對弱項。

家長自己跟，一定要儘量自己控制自己情緒。當一個難得的親子時間，小朋友有進步自然最好，萬一進步不大，也不要鬧佢或者怪責自己。盡力了，學到野，好似袋錢入自己袋，就算一時半刻見唔到效果，也不要放棄。

mcl203

samantha.wong 發表於 20-8-30 15:02
小女九龍某官立小學，呈一級排位大概60，估計應該係band2，呈二有冇可能追到級30？如果呈二追到，有可能達 ...

如果你呈2考到1X，就有可能截到呈2位處級30。除非，呈2X到呈60都係少於1分，少於1分可以上落幾十個位～～～

samantha.wong

謝謝你的意見！確實跟進過程家長嘅情緒控制好重要！
以往我會忽略咗中文＆英文聆聽，拖累整體成績下降，另外也忽略咗小四數學某些知識點嘅掌握。中文嘅閱讀理解好重要，我覺得中英文嘅閱讀理解真係好重要，所以要作為長期培養嘅重點。