用戶登入
用戶名稱:
密      碼:
搜索
教育王國 討論區 課外活動 學琴: 老師會否示範,彈一次給學生看?
查看: 9626|回覆: 41
go

[音樂] 學琴: 老師會否示範,彈一次給學生看?

Rank: 2


67
發表於 20-8-22 22:38 |顯示全部帖子
本帖最後由 jomystery 於 20-8-22 22:40 編輯

小朋友在琴行學琴半年有多,昨天才發現,老師是不會彈一次給學生看的,這是正常的嗎?


原本在另一琴行學了半年,因為搬家,轉到現在這琴行學琴,是初學階段。

上了幾堂後,老師對於小朋友少練琴,有表達不滿。另外,小朋友認音也挺差的,老師告訴我,會對小朋友嚴厲一點。

說來慚愧,近來小朋友說起,原來老師是幾乎堂堂也罵彈得不好,追問是怎樣不好呢?

老師說小朋友彈得太快,當彈慢一點時,老師又說彈得太慢。

小朋友覆述都是罵這樣不好,那樣不好,這樣不對,那樣不對。


昨天一問,既然快又嫌快,慢又嫌慢,老師怎麼教的? 有彈一次給你看嗎? 小朋友說沒有啊!

我問怎麼會呢? 有技巧的跳音也要彈給你看吧! 小朋友說有彈這個跳音,要到錯得很差很差時,老師才會彈一段,不會彈晒整首/整段。這種示範發生過幾次。小朋友是自己看譜彈,然後迎接老師太快太慢什麼地方錯的評語。

這樣的教法是正常的嗎?

每次落堂的feedback就是找錯處,說什麼地方做得不好,或質疑小朋友認音差是否有問題等等。

最近2個月,遇過幾次,老師是黑著臉的去開舖,然後,那堂就被狠狠地罵。

唯一的好是老師比起之前那間教的東西實在很多,也看出進步了很多。如果老師不示範是正常的話,訧繼續留在這裡學吧。

請各位有經驗的家長能否告知學琴情況? 先謝謝。





Rank: 6Rank: 6


6593
發表於 20-8-22 23:25 |顯示全部帖子
我自己對較低級既學生,會彈俾佢聽先,高級既,佢有某PART有問題先示範o個一PART

Rank: 2


67
發表於 20-8-23 01:43 |顯示全部帖子
ho_yan2406 發表於 20-8-22 23:25
我自己對較低級既學生,會彈俾佢聽先,高級既,佢有某PART有問題先示範o個一PART
...
感謝回覆! 小朋友無法推算老師心目中的快慢標準,看來應該轉地方了。
請問應該如何選擇學琴的琴行才好?  除了教材可以看之外,有什麼要注意?

之前和現在學的這間,都沒有試堂 (是行規?),兩間也不約而同地說,一堂試不出什麼,要最少上一個月。

Rank: 4


703
發表於 20-8-23 08:47 |顯示全部帖子
關於快慢,有開拍子機練嗎?你話小朋友認音差,可能太依賴耳仔,老師唔示範彈一次,係因為通常耳仔好嘅小朋友,你彈一次比佢聽,就唔睇譜,咁樣對以後彈高級嘅歌就好有影響。

Rank: 5Rank: 5


1198
發表於 20-8-23 11:15 |顯示全部帖子
小朋友幾歲?第一、學音樂一定要練,第二、快慢節奏,要拍子機比佢,上網睇睇有關曲目係點彈,聽多啲、睇多啲技巧、第三,老師會閙小朋友問題,會唔會考慮另一個諗法,好過一啲隨便你彈,次次都話小朋友有進步,彈得唔錯?嘅然自己都覺得跟咗呢個老師真係學多咗,好過以前,已經係一個成績,第四、老師應該係唔會彈哂整首曲比你聽,因為跟本記唔到,只會教你一、兩段,之後返屋企用佢教你方法練習,就等於功課一樣,你有冇練一聽就知道,你都唔交功課,老師點會唔話你,係唔係,音樂路唔易行架

Rank: 13Rank: 13Rank: 13Rank: 13


96223
發表於 20-8-23 11:52 |顯示全部帖子
本帖最後由 bebebe12345 於 20-8-23 11:54 編輯

也許好好留意找一位私人老師、差別相當.....
更重要一點.....陪上堂、陪練琴!
才學了半年、孩子總是在錯誤中學習。



點評

jomystery    發表於 20-8-23 15:54
獨樂樂 - 自己聽音樂
眾樂樂 - 大家都快樂
三思而行、百折不回
日誌:https://www.edu-kingdom.com/home.php?mod=space&uid=90923

//www.edu-kingdom.com/?fromuser=bebebe12345

Rank: 6Rank: 6


6593
發表於 20-8-23 12:16 |顯示全部帖子
jomystery 發表於 20-8-23 01:43
感謝回覆! 小朋友無法推算老師心目中的快慢標準,看來應該轉地方了。
請問應該如何選擇學琴的琴行才好?  除 ...

咁試1,2堂又真係試唔到d咩。。最好係有人介紹啦,其實搵老師同搵老公一樣,沒有最好,只有最夾


或者你同老師傾下先,睇下佢會唔會可以俾d清晰既指引你小朋友先


Rank: 6Rank: 6


6593
發表於 20-8-23 12:20 |顯示全部帖子
係啊。。學琴真係要多練先會好,至於認音差,試下要度老師俾d認音功課俾小朋友做
拍子方面。。。我唔知你小朋友幾大,但一般初學我都唔會用拍子機,我會要求佢地自己數,唔想佢地一開始就倚賴,同埋叫太細既小朋友用拍子機有d難,不過都係個別老師做法啦

Rank: 8Rank: 8


15690
發表於 20-8-23 14:10 |顯示全部帖子
短的可能會全首彈,長的未必會全首彈,可能示範一部分。
不過你個老師不停駡,又快D又慢D,做咩唔直接示範,就算學到野都學得唔開心啦,唔開心又仲點會想練琴。
每次feedback找錯處: 傳統教學思維,找錯處不會先欣賞。

Rank: 2


67
發表於 20-8-23 15:52 |顯示全部帖子
回覆 964000 的帖子

因為見佢門口寫founder在IS教音樂,所以先報。自己儍左,教的那位不是教IS呢。

Rank: 2


67
發表於 20-8-23 16:09 |顯示全部帖子
本帖最後由 jomystery 於 20-8-23 16:18 編輯
CM.MUN 發表於 20-8-23 11:15
小朋友幾歲?第一、學音樂一定要練,第二、快慢節奏,要拍子機比佢,上網睇睇有關曲目係點彈,聽多啲、睇多 ...

小朋友就快7歲。不知道有沒有用拍子機,我再問吓佢。

琴書內容是一行﹑兩行,最多三行; 每行分為四至六個格。真失禮,我本身唔識,只能這樣形容。


琴書有很大分別,以前是中文書彈old mcdonald has a farm, red river valley那種童謠,現在是英文書,見有一小段的著名樂曲。因為要求和難度增加,所以相對上比以前學到好多野。

其實最近見小朋友在家練琴時,彈錯了的時候,停晒手,自言自語晦氣地說: 「錯!!!」﹑「差!!!」「好差!!!」,說話無尾音,我嚇了一跳,一直分次追問就得知,老師平時上課也是這樣評價,小朋友模仿了老師的說話和語氣。


到如此地步,真係一個警號,相信世上總有好老師,只是暫時未遇上。

你的建議很好呀,我會//上網睇睇有關曲目係點彈,聽多啲、睇多啲技巧//,一直忽略了可以咁做,謝謝你!



Rank: 2


67
發表於 20-8-23 16:14 |顯示全部帖子
ho_yan2406 發表於 20-8-23 12:20
係啊。。學琴真係要多練先會好,至於認音差,試下要度老師俾d認音功課俾小朋友做
拍子方面。。。我唔知你小 ...

小朋友快7歲。practice是所有學習的根本,要求佢每日練的時候,明顯見到進步。

多大會適會用拍子機?

Rank: 2


67
發表於 20-8-23 16:17 |顯示全部帖子
964000 發表於 20-8-23 14:10
短的可能會全首彈,長的未必會全首彈,可能示範一部分。
不過你個老師不停駡,又快D又慢D,做咩唔直接示範 ...
對,我也這樣認為,直接示範一次,小朋友才知道老師的快慢標準,而且琴書的內容,全都是一行﹑兩行,最多三行(較少)。

Rank: 2


67
發表於 20-8-23 16:21 |顯示全部帖子
cleverGG 發表於 20-8-23 08:47
關於快慢,有開拍子機練嗎?你話小朋友認音差,可能太依賴耳仔,老師唔示範彈一次,係因為通常耳仔好嘅小朋 ...

上個月老師講過,無試過佢耳仔好唔好。點先知道耳仔好唔好呀?

Rank: 5Rank: 5


1198
發表於 20-8-23 16:25 |顯示全部帖子
jomystery 發表於 20-8-23 16:09
小朋友就快7歲。不知道有沒有用拍子機,我再問吓佢。

琴書內容是一行﹑兩行,最多三行; 每行分為四至六個 ...

啱啱學咗半年,小朋友太大壓力了,老師可能嚴咗啲,呢段時間應該比多啲鼓勵,等小朋友喜歡音樂,培養感情,咁你有冇要求過老師想小朋友學到咩水平?

Rank: 2


67
發表於 20-8-23 16:31 |顯示全部帖子
CM.MUN 發表於 20-8-23 16:25
啱啱學咗半年,小朋友太大壓力了,老師可能嚴咗啲,呢段時間應該比多啲鼓勵,等小朋友喜歡音樂,培養感情 ...

我講過給老師知,無要求,不求考試,不求什麼,只是想佢識最少一種樂器。

心裡希望,將來佢大個覺得悶﹑開心﹑唔開心,有種樂器可以讓佢抒發情感,到時佢就會知道識樂器的好處。就此而已。

Rank: 5Rank: 5


1198
發表於 20-8-23 16:39 |顯示全部帖子
jomystery 發表於 20-8-23 16:31
我講過給老師知,無要求,不求考試,不求什麼,只是想佢識最少一種樂器。

心裡希望,將來佢大個覺得悶﹑ ...

如果咁樣,應該問問小朋友,佢害怕老師定係鋼琴,如果佢初學就咁怕老師會好影響之後學習,如果係對鋼琴冇興趣,早啲比佢轉學其他樂器,可以比佢睇多啲交響樂團同鋼琴嘅演奏比小朋友聽同睇,少少建議,睇(久石讓)嘅交響樂吧,大多數小朋友都喜歡

Rank: 4


703
發表於 20-8-23 16:40 |顯示全部帖子
jomystery 發表於 20-8-23 16:21
上個月老師講過,無試過佢耳仔好唔好。點先知道耳仔好唔好呀?

如果耳仔好,通常有perfect pitch, 你彈一串音或者和弦,佢可以唱返出來,有d小朋友可以彈返出來,可能會錯1,2個音,但大致會彈到。你小朋友7歲未夠,其實可唔可以同老師溝通下陪上堂?比多少少錢。因為練琴好重要,你要陪佢練,如果你冇陪上堂,又點知老師要求同埋練得啱唔啱呢?練1次啱嘅嘢,勝過練10次錯,再更正,因為肌肉有記憶,如果做左太多次錯嘅練習先改正,其實會影響學習進度,所以老師先咁緊張。我覺得你可以下載個拍子機app, 陪佢唱,要啱拍子,再用拍子機練琴,其實我不是老師,但我作為家長嘅經驗係越早比小朋友聽拍子機越好,從唱歌仔開始,因為越遲只會越抗拒,要比佢明白拍子機係幫佢嘅好朋友。

Rank: 2


67
發表於 20-8-23 17:11 |顯示全部帖子
CM.MUN 發表於 20-8-23 16:39
如果咁樣,應該問問小朋友,佢害怕老師定係鋼琴,如果佢初學就咁怕老師會好影響之後學習,如果係對鋼琴冇 ...

佢話驚老師,鐘意彈琴。最初是學ukulele,佢話鐘意彈琴多d。感謝你的建議啊! 一言驚醒,會執行睇片!  (疫情前有去睇呀,試過太遠看不清,坐第一行又太近頸都累。)

Rank: 2


67
發表於 20-8-23 17:18 |顯示全部帖子
cleverGG 發表於 20-8-23 16:40
如果耳仔好,通常有perfect pitch, 你彈一串音或者和弦,佢可以唱返出來,有d小朋友可以彈返出來,可能會 ...
剛才彈六至八個音叫佢唱,應該太簡單,佢唱到出來既。佢話老師沒有這樣試過佢,也沒有試彈一段叫佢彈出來。仲問我拍子機係咩。
多謝你的建議和意見啊,原來有記憶,我明白了。一直是趁上課時可以四處逛街,看來我們要改變一下。

我會下載的,謝謝你!