求救!我有親子溝通問題!點算

tw103

自從停課開始，我察覺我憑親教囡數學都出事，由最初勉強教佢到依家佢直頭吾想聽我講，甚至演變到2母女鬧交，我出手打佢。我好吾想打佢，我好無助。


1.我留意到佢一吾識，一錯；就放棄 話吾想做，吾想改正。
2.佢話我當初教錯佢，所以導致佢吾聽我講。當我計到答案，想話佢知。佢態度超級差 完全吾聽我講。仲駁我嘴 激到我出手打佢

我究竟應該点做?其實 我巳經請左幫習老師幫佢。而且 老爺刀幫手教佢。

我係米最好吾好再理佢數學?我好驚佢培養出遇到問題就輕易放棄。我係米要去D親子溝通課程?  請赐教。

annie40

回覆 tw103 的帖子

1）囡囡是自信心問題，大於能力問題2）阿媽要反省，細心檢討自己是否有良好邏緝思維能力和優秀表達能力的人。如果兩者皆欠奉，那便要考慮交給外援，如老公去做。如果老公也是講嘢一舊舊之徒，那便去認真努力找合適的教學工具軟件，讓孩子從娛樂中鞏固知識，另外物色優秀教數學老師輔導。請記住是優秀老師，不是收錢陪伴做功課的。
3）親子關係比任何短期成績重要。只要母女感情好，阿囡必然聽你點，就算阿媽夠儍，阿囡都願意降低智商陪你儍

羅馬不是一天建成，加油唄！

Jane1983

代入佢角度諗，佢唔識/做錯，你鬧佢。但你其實都唔識，仲教錯佢，咁佢覺得你都係咁差啫......佢態度超差當然唔應該，但亦唔係不能理解。

既然已經有補習老師，咁你將你唔識的交比老師教。你可以同佢做d你能力範圍以內的，如果你係數盲，咁就比老師教好了。為呢d打佢好無謂，最好忍吓手。

Jane1983

至於你老爺教佢數，我唔識佢唔敢講。

但眼見唔少老人家教現代細路哥數學/中文，真係未見過教得好的

tw103

annie40 發表於 20-7-12 00:20
回覆 tw103 的帖子

1）囡囡是自信心問題，大於能力問題2）阿媽要反省，細心檢討自己是否有良好邏緝思維能 ...

謝謝你 Annie 想問你有冇D數學教學工具推介? 之前揾數學遊戲apps 俾阿囡。不過 佢嫌悶

tw103

Jane1983 發表於 20-7-12 16:29
代入佢角度諗，佢唔識/做錯，你鬧佢。但你其實都唔識，仲教錯佢，咁佢覺得你都係咁差啫......佢態度超差當 ...

你講得啱牙 我就係覺得為左數學消耗母女感情。超吾值得。

tw103

Jane1983 發表於 20-7-12 16:32
至於你老爺教佢數，我唔識佢唔敢講。

但眼見唔少老人家教現代細路哥數學/中文，真係未見過教得好的 :igive ...

Exactly! 你講中point ~  其實我應該多謝佢付出加上佢係有D學歷既。不過 始終generation 問題同表達能力。當然，囡刀覺得補習老師稍強

annie40

回覆 tw103 的帖子

抱歉，小囡已經加入社會生產大軍了，從前學習未有機會用數學軟件。近年聽後輩媽咪話數學和話文學習app好玩，是英語版的，孩子愛不惜手。不知是否英話版本比中文版app好玩。
問了朋友的有關app後再轉吿。

隨著青春期來臨，母女之間矛盾更多，犯不著為教數學影響彼此關係，保留精力，只往重中之重的點子去堅持，其他的閒過立秋吧！

tw103

annie40 發表於 20-7-15 10:24
回覆 tw103 的帖子

抱歉，小囡已經加入社會生產大軍了，從前學習未有機會用數學軟件。近年聽後輩媽咪話數 ...

你所言甚是， 如你所那數學apps 好玩，期待你分享。 萬謝

hellobilo

控制不了自己情緒便不要自己教吧！😅 為了功課而打 ？？😅

darkgard

tw103 發表於 20-7-11 12:22
自從停課開始，我察覺我憑親教囡數學都出事，由最初勉強教佢到依家佢直頭吾想聽我講，甚至演變到2母女鬧交 ...

只係教數學有問題？但係教其他科無問題？
如果教咩都有問題，可能你母女關係出左問題。或者咁講，既然你個女唔服你，我覺得你應該交支棒俾其他人（可能補習老師），自己專心同個女搞好關係。何必要係學業上同個女對立？

等關係好左先，先再同個女了解當初唔喜歡俾你教啦。

ANChan59

Jane1983 發表於 20-7-12 16:32
至於你老爺教佢數，我唔識佢唔敢講。

但眼見唔少老人家教現代細路哥數學/中文，真係未見過教得好的 :igive ...

數學我冇見過，但見到家父教阿仔古文，他用典故，逸事，啓發阿仔的興趣，佢又受，順便教埋書法。

去到現代中文就自己搞掂。

Jane1983

ANChan59 發表於 20-7-26 11:07
數學我冇見過，但見到家父教阿仔古文，他用典故，逸事，啓發阿仔的興趣，佢又受，順便教埋書法。

去到現 ...

老人家講經典故事，一齊練書法，日常生活去啟發小朋友，唔係急於求成果種，成功機會會好d。

ANChan59

Jane1983 發表於 20-7-26 16:38
老人家講經典故事，一齊練書法，日常生活去啟發小朋友，唔係急於求成果種，成功機會會好d。
...

是的。