近屋企既地區一線VS有直屬中學既小學

Edu0640

小朋友喺一間距離屋企五個港鐵站有直屬BAND1中學既女校讀小一(41網)，成績大概級頭五，車程連步程約半個鐘內。(仲有個妹妹跟尾)

但佢話想學校近屋企啲，屋企五分鐘步程有一間大概40-50%升到BAND1既小學

其實本身都冇話特別鍾意果間直屬中學，屋企校網亦利女仔，而我預計個囡成績唔會點大跌因為我都跟得足。如果係你，會為左個囡呢個要求放棄有直屬中學既小學，而去插屋企附近間地區一線嗎？

fadgare

不會。以佢成績，不如插比而家更好的女龍津。

Poyau

囡囡成績好好
將來升中學校亦未必在家附近
轉校不如考慮女龍津/神津/神私

Jane1983

你女讀到書，你又跟到足。近近地有無更好的學校？要轉都向上望。

gracelam

Edu0640 發表於 20-7-9 11:56
小朋友喺一間距離屋企五個港鐵站有直屬BAND1中學既女校讀小一(41網)，成績大概級頭五，車程連步程約半個鐘 ...

近屋企一線小學

Jane1983

回覆 ar_mak 的帖子

如果佢女而家讀緊聖家，咁轉間神d的都分分鐘workload輕d，有so㗎。
近屋企係好，但地區一線、無中學，唔知會唔會係全谷型學校，未必係好事。

Jane1983

ar_mak 發表於 20-7-9 21:26
回覆 Jane1983 的帖子

咁希望佢個女睇完姨姨既解說，會有足夠智慧去明白大人既心意啦。

小一點會明，所以要亞媽幫佢地籌謀。

做人睇開d，可以諗讀得書邊度都一樣，最好屋企樓下，加埋免費官津。又或者人叻不如樣靚，做嘢叻賺得幾多，倒不如嫁得好即時向上流......做人隨遇而安，咪搞咁多嘢  

Edu0640

Poyau 發表於 20-7-9 17:36
囡囡成績好好
將來升中學校亦未必在家附近
轉校不如考慮女龍津/神津/神私

佢唔係叻，佢資質唔係好top果種，只係鍾意閱讀而又肯乖乖溫書果類。由KG到而家我都完全冇催谷佢亦冇出去學野，只係我比其他家長得閒跟得足啲，而暫時學校教嘅野真係好淺而已。
我自己冇諗住要佢讀好top嘅學校，身邊有由細睇住大讀dgjs到dgs嘅女仔，覺得佢雖然品格仲係好好，但忍唔住鋒芒太露太有自信，好似唔係我想個囡將來嘅樣。

Edu0640

回覆 Jane1983 的帖子

我自己係真係開始反思，想學校喺屋企附近呢樣野其實佢KG時已間唔中有講，既然佢應該可以係band1 （因為當初KG時又點會知小學會讀成點），係咪應該唔需要規限佢一定要搵有直屬嘅小學呢？何不每日慳返來回夾埋果一個鐘黎睇書或放鬆下。當然，我去插地區一線都未必一定收。

fadgare

心動不如行動，不如揀幾間心儀的申請下，去面試睇下你同阿囡鍾唔鍾意，如有offer咪再考慮

Jane1983

回覆 ar_mak 的帖子

細路哥講嘢，有時大人要從大局考慮。我為個女搬過一次無謂屋（後來又再搬過），連agent使費、買後來用唔着的傢俬使咗一筆無謂錢，仲有執嘢的hassle，真係搵笨到呢！
如果佢交通一程個半鐘，咁真係有d唔人道，我會認真考慮佢的意見。但半個鐘內，將心比己唔係咁難頂wor。

Jane1983

回覆 Edu0640 的帖子

如果你真係睇得比較開，日後升邊間band1中學都咁開心，其實亦真係可以隨心d。反正而家咁多大學，升讀亦唔難。
但你一定要想清楚，唔好過幾年又後悔，咁就頭痛。

Edu0640

Jane1983 發表於 20-7-10 09:29
回覆 Edu0640 的帖子

如果你真係睇得比較開，日後升邊間band1中學都咁開心，其實亦真係可以隨心d。反正而 ...

聽完你地咁多人反對，我都有hesitation，雖然我見我想升果間B1A其實收樓下果間小學人數一定多過我而家呢間小學，但若我個囡有乜三長兩短跌左落B2真係會驚，我都係觀望多一個學期，諗下每日駕車送個囡返學算啦

Edu0640

回覆 fadgare 的帖子

最快都應該要小二下學期先有得插啦，我再諗下先，thanks!

Jane1983

ar_mak 發表於 20-7-10 10:10
咁可能我個人諗野真係仲未夠成熟。
我個女同我講，話我地不如搬去個荒島度住，我諗都冇諗就話好 ...

我先係未夠成熟。你口應承佢，我真金白銀出埋勞力搬呀    。