請教IS怎麼補中文，能達到LS程度的那種寫作和閱讀

moiselle2015

請教IS怎麼補中文，能達到LS程度的那種寫作和閱讀？

Saboc

唉,其实為乜

Jane1983

而家讀緊邊間？

Jane1983

如果讀比較重視中文的IS，學校有一個好課程，每日有一堂中文。加上屋企全中文，培養小朋友有閱讀中文書的習慣，咁樣係大有可能。

babieblue

Saboc 發表於 20-7-3 20:43
唉,其实為乜

依家真係好多IS 學生細細個開始補中文：
一三五上門單對單， 二四去centres 學。
中文之外，仲有Eng oral/ grammar/writing / 體藝音無限興趣....一方面話唔鍾意local學校太谷多功課學生冇空間放空，另一方面自己小朋友讀IS，話返學都係玩好輕鬆唓，放學嗰啲都係少少「增潤」下之嘛

gavroche915

moiselle2015 發表於 20-7-3 17:55
請教IS怎麼補中文，能達到LS程度的那種寫作和閱讀？

又一矛盾家長：

1. 想小朋友讀 IS 愉快學習
2. 想小朋友中文好似 local school d 朋友咁好
3. 想間 IS 入面大部分同學係白皮膚藍眼睛
4. 想間 IS 入面大部分同學雖然係白皮膚藍眼睛但 d 性格要似亞洲人內歛 d，符合家長心中"乖"既定義
5. 想間 IS 多功課但又唔好有壓力
6. 欣賞間 IS 無為小朋友分名次但時刻想知道小朋友排班中第幾

小加子

babieblue 發表於 20-7-10 11:21
依家真係好多IS 學生細細個開始補中文：
一三五上門單對單， 二四去centres 學。
中文之外，仲有Eng oral/ ...

其實係d阿媽唔鍾意老師因為10分8分就打電話來投訴，所以轉去IS冇老師計住分情況下盡情去在校外谷

小加子

gavroche915 發表於 20-7-13 12:26
又一矛盾家長：

1. 想小朋友讀 IS 愉快學習

香港典型的中西合璧例子

Tanyafish

其實我唔明點解要嘲笑樓主，樓主沒有說要孩子十項全能，要十全大補，無話要考試高分，無話要外籍同學像華人「乖巧」等等。樓主只是好簡單請教有沒有過來人經驗分享可以讀IS同時學好中文。如果把學中文換了做學好一件樂器，或者學好法文，或者網球，所以外出上課，會否反應不同？同時讀好IS加課餘時間學好另一樣嘢有什麼問題。

Anyways, 樓主我也沒有經驗，不過有朋友的親身經驗係如果做到大量中文閱讀（讓小孩自主喜愛閱讀中文）和有做練習（家裡給或街外）都有機會keep 到聽說讀寫有一定程度，但係要拍齊LS（尤其寫）就可能比較難。

gavroche915

Tanyafish 發表於 20-7-13 23:20
其實我唔明點解要嘲笑樓主，樓主沒有說要孩子十項全能，要十全大補，無話要考試高分，無話要外籍同學像華人 ...

讀 IS 但期望中文好似 LS 程度同希望孩子十項全能十全大補其實分別不大。 無講埋其他願望相信都估到吧...諗得中文要拍得住...好大機會樓主都會諗埋矛盾清單入面其他事項...不過真係並非存心引發罵戰...只係想指出矛盾...希望家長們睇得闊 d ... 遠 d ...因為國際學校既教育真係唔係淨係學好英文咁簡單...但偏偏家長們永遠淨係思量中文....簡單如學校與屋企距離及番學要用幾多時間已經比 IS 中文程度更為重要  (不是指樓主..指有好多其他家長)...反而好多家長 偏偏將 IS 教育入面最唔重要一環既中文去作首要考慮條件... 其實正正意味家長揀 IS 只係為左小朋友英文好...但又唔想比其他 LS 家長比較起上黎中文好似蝕左......

結果就係揀間IS..中文又唔夠好...揀間 LS...英文又唔夠好...揀間 Private school ... 又好似兩樣都唔夠好....到頭來就去EK IS 版問邊間 IS 中文最好...再唔係就去 EK LS 版問邊間神校英文最好....或者邊間PIS中文+英文最好... 黎黎去去只係關心最教育入面最細微果一環...

sabsab122

回覆 gavroche915 的帖子

但永遠這類家長都唔會認

b3410

gavroche915 發表於 20-7-14 11:06
讀 IS 但期望中文好似 LS 程度同希望孩子十項全能十全大補其實分別不大。 無講埋其他願望相信都估到吧... ...

其實唔使以自己的情況，去估計人哋的計劃。點解你覺得做唔到，其他人做唔到？
你覺得係矛盾，人哋可能覺得好正常。
每個家庭對小朋友的期望都唔同。

讀IS，期望小朋友也可以達到LS小朋友中文讀寫水平，雖然唔係咁易，不過也不算好難。

gavroche915

b3410 發表於 20-7-14 14:12
其實唔使以自己的情況，去估計人哋的計劃。點解你覺得做唔到，其他人做唔到？
你覺得係矛盾，人哋可能覺得 ...

重點唔係做唔做到...IS 又好...LS又好...一樣有學生中英皆精...文武雙全....個重點係有唔少選擇 IS 既家長係咁將個 focus 擺落中文...而忽略 IS 教育其他好重要既野....但中文根本就只佔 IS 教育一個好少好少部分...偏偏唔少 IS 家長日頭痛夜頭痛就係諗住 d 中文...讀緊 LS 果時就諗點樣外補小朋友 d 英文...到轉左去 IS ... 又頭痛點樣外補 d 中文...  
就好似 IB d top scorer statistics 咁...家長們就會開始望住每年個 list 去揀學校... 邊間 IS 有幾多 perfect score 狀元... 邊間 IS 有幾多44分榜眼....ESF 好似好勁...年年最多...但考生人數多...所以有保留....GSIS同CIS 就有保證...有幾多入oxford cambridge ... HKIS 就幾多入 ivy league ... SIS 就中文好... 但 IB score 又好似無咁高...原來因為高中多人走....等等不能盡錄...

但背後有幾多家長真係理解其實呢 d 狀元榜眼優異生根本去邊間學校讀佢可能都係狀元榜眼....佢地既成功係因為有家長學校全面既支持...令佢地對學習產生濃厚既興趣...中文又叻英文又叻係因為家長多培養佢地閱讀...運動又叻係因為家長同學校多鼓勵嘗試不同既新事物...搵到自己鍾意既興趣....而唔係每日放學抽幾多時間外補中文...外補英文...


明白每個家長都希望子女中英皆精...文武雙全...但教育同親子關係真係一個好大既課題...真心希望大家可以放開一點...多花時間了解子女...享受親子...先至係培育子女成材最大工具呢

b3410

gavroche915 發表於 20-7-14 16:32
重點唔係做唔做到...IS 又好...LS又好...一樣有學生中英皆精...文武雙全....個重點係有唔少選擇 IS 既家長 ...

你講的情況的確存在，不過樓主只不過問一問，如何在IS學好中文，好似同呢D重點相差甚遠？

gavroche915

b3410 發表於 20-7-14 17:09
你講的情況的確存在，不過樓主只不過問一問，如何在IS學好中文，好似同呢D重點相差甚遠？
...

純粹見樓主咁強調係 "補" 中文同 要 "能達到 LS 中文程度" 而猜想
如果只係 "學好" 中文 ... 家長主動培養學習中文興趣就已成事了...樓主的意思點睇都似係問邊間補習社最受 IS 家長歡迎...能拍得住 LS 程度吧...會咁樣諗唔係就係傾向有以上的煩惱嗎?

b3410

gavroche915 發表於 20-7-14 17:27
純粹見樓主咁強調係 "補" 中文同 要 "能達到 LS 中文程度" 而猜想
如果只係 "學好" 中文 ... 家長主動培養 ...

原來係“補”字不如改作“學”字就好喇

gavroche915

b3410 發表於 20-7-14 17:58
原來係“補”字不如改作“學”字就好喇

純粹見呢期多 IS 中文程度 post 有感而發...

小寶貝兒

gavroche915 發表於 20-7-14 18:03
純粹見呢期多 IS 中文程度 post 有感而發...

我都覺呢期好似特別多中文post
其實會唔會在不太了解各IS的教育方式時，能夠做到比較既野就係中文英文呢d大路野，當所有人都理所當然地覺得IS一定英文好，咁剩下能與LS比較既就係中文了。。。（因為多數家長相信對LS既中文程度會比較了解，所以會與之比較）
我當年都有諗過下中文呢個問題，但由於我同老公都覺得身處華人社會，加上我哋都係以廣東話溝通，要營造中文語境應該比英文語境容易，所以我哋當年的選校方向就冇咁大比重放在中文。
好多時候真係要入讀左先會對IS有教深刻既理解，然後就會去思考咩方式更適合自己兒女