叩門過來人，請分享

MimiCactus

下星期二就揭曉賽果，呢幾日開始留意自己打算叩門的學校資料和程序，見到已經有幾間學校的paper test 已經撞哂時間，所以要作出決策，放棄那一間等。請問可以有以往經歷過叩門的家長可以分享或提點一下嗎？拜托(emoji)(emoji)

In2c68

首先派完知道自己要去叩門果個早上已經好焦急，但又未可立刻叩門，有d學校未開始，又唔係間間考卷，所以如果plan係考卷一間，其他再去見下，始終叩門位唔多但見的人勁多！唔好諗住成績好就一定收，因總有人學校勁d成績好dd的人在！我上年叩band2同band3校，因派到谷底，只要比果間好都見，到俾自己覺得一般的學校叫番去等消息果下超down! 越勁的學校越多人見，我有間band2見連等就用左兩個鐘，所以要把握時間，其實一日見唔到幾多間，要揀一間好想入，再揀d機會大d，手上有間好至可以有要求！到第二日好多都收晒，我帶住個仔見多一兩間，其他已話full了！祝你唔洗叩門啦！真心講人生未試過好似果日咁心情又差又無助！

bbforever

MimiCactus 發表於 20-7-3 10:01
下星期二就揭曉賽果，呢幾日開始留意自己打算叩門的學校資料和程序，見到已經有幾間學校的paper test 已經 ...

如叩津校，尤其B1津中，幾百人爭幾個位，如付擔得到，去叩直資！

kkwy719

MimiCactus 發表於 20-7-3 10:01
下星期二就揭曉賽果，呢幾日開始留意自己打算叩門的學校資料和程序，見到已經有幾間學校的paper test 已經 ...

其實不論band幾中学, 當派得不好去叩門真的身心疲累又焦急, 派中前ㄧ天最好影印三套預備去心儀三間叩門, 熱門的中学通常至少有200人叩門只得2至3個位, 而且去到叩門的中学通常先看学生成绩和操行, 如成績合乎你所選的中学要求才會比表格你填仲要等消息回覆你何時面試, 面試時像自行一样但仲要比自行時题目難啲, 但不緊要最重要学生有反應, 遇到不懂答的問題只要保持誠懇態度回答唔好意思我唔識就得㗎喇! 千其唔好唔出聲。平常心就成了。