假如叩入St. Mary、天神會放棄協恩嗎？

playtimeonly

協恩升協中只有4、5成，中學要比錢。

St Mary, 天神, 100%上St Mary，仲要$O學費。多數人也會揀升St Mary 嗎?

如果撇除升中因素， 三間小學邊個會平均啲呢(課程、生活、師資)？

sisbro

咁你叩來為乜？

BBCOW2009

playtimeonly 發表於 20-6-21 08:00
協恩升協中只有4、5成，中學要比錢。

St Mary, 天神, 100%上St Mary，仲要$O學費。多數人也會揀升St Mary  ...

有能力叩入天神和st Mary 的小朋友，相信留在協小升協中不是問題。

aaqq_mom

回覆 BBCOW2009 的帖子

同意! 有能力叩入天神和St Mary, 升協中冇問題!  天神/St Mary 賣點是一條龍。
協恩小朋友發展比較全面。
各有各好!

Poyau

協恩附小學術體藝較平均

mcl203

叩門成功，可能只可以話無須太懷疑初小能力，但初小和高小或許可以係兩回事吧～～～

picalo

mcl203 發表於 20-6-21 11:11
叩門成功，可能只可以話無須太懷疑初小能力，但初小和高小或許可以係兩回事吧～～～
...

十分同意
我個人覺得以85%或以上升中率先叫安心

aaqq_mom

如果能力不足，兩間任何一間中學比你直升，升中後也會很吃力...

相信在現階段能裝備小朋友至有相當叩門能力的家長，不會比小朋友放縱咁讀6年小學吧!

看看自己鍾意St Mary 或協恩中學吧!

Sing13

有得選當然選有100%直上既，況且六年後協中仲是否收四五成都唔擔保.

playtimeonly

讀那間小學也會用心KEEP 小朋友成績 ， 只係想多點意見, 讓自己早點找到方向。

Daddy 屬意協恩中學
Mammy 屬意 St Mary 中學

所以想揾一間平衡各方面平衡一點的好學校，好好想清楚

mcl203

playtimeonly 發表於 20-6-21 11:41
讀那間小學也會用心KEEP 小朋友成績 ， 只係想多點意見, 讓自己早點找到方向。

Daddy 屬意協恩中學

全人路向，協恩會比聖瑪利平均一啲。取穩陣，當然係聖瑪利，能跟到學校要求就穩升中學～～～

b3410

playtimeonly 發表於 20-6-21 11:41
讀那間小學也會用心KEEP 小朋友成績 ， 只係想多點意見, 讓自己早點找到方向。

Daddy 屬意協恩中學

都係女校，小學都係免費，谷&辛苦程度應該大家都差不多。
英文方面還是St Mary 絕對優勢，不過中文，數學，可能HYS好些（唔敢肯定）。課外活動就係HYS絕對優勢。


升中方面HYS我諗至少前1/3還是穩陣的可以升中，如果冇信心將來保持頭1/3，真係要諗諗。


不過另一方面，如果小朋友前10%左右，升中又想更上一層樓，HYS就有優勢。因為中學一定收，所以已經有好中學back up, 其他自行，直資任報，有更加心儀的隨時可以去。

而st mary 就比較麻煩，想考直資，自行等等就要放棄一條龍學位，除非一心想走，而且頗有把握考到，否則都係老老實實原校升中。

另外一個要考慮的就是好似買股票，買升還是買跌。
HYS上升勢頭，而St mary 接龍後成績下降中。不過學校的教學質量還是唔錯的，畢竟全部小學同學都一起升上，保持成績不易。

總體來講，如果唔介意課外活動，穩陣第一，12年後囡囡英文流利，成績靚靚，揀st Mary.

如果進取全攻型，喜歡挑戰刺激，唔介意心情過山車，揀協恩。

964000

playtimeonly 發表於 20-6-21 08:00
協恩升協中只有4、5成，中學要比錢。

St Mary, 天神, 100%上St Mary，仲要$O學費。多數人也會揀升St Mary  ...

兩間都是津女校，我覺得課程生活師資不會相差太大，都不是輕鬆的學校，跟到課程都足以應付好DSE。
St Mary小學應該深過協小，不過St Mary始終一條龍，keep住中間便可，因為中學都係個班人。但協恩中學會收一班勁人，如果在協小只是中間，就算收番，到升中後可能會墮後。
不過如果你女運動細胞突出而你又有心這方面出力培育，就揀協恩。

mcl203

都係相同理解，協中體藝出衆，和協小嘅體藝，係要分開去理解，協中體藝都係主要靠升中嘅外來生～～～

b3410

mcl203 發表於 20-6-21 13:23
都係相同理解，協中體藝出衆，和協小嘅體藝，係要分開去理解，協中體藝都係主要靠升中嘅外來生～～～

...

我見協小都多活動，小朋友真係好忙碌

mcl203

b3410 發表於 20-6-21 13:34
我見協小都多活動，小朋友真係好忙碌

協小應該都係多活動嘅，係小學階段，體藝亦都係強校～～～

只係不少家長都會用中學體藝成績放落小學去理解，事實去到中學已經係大換血，三間女直都似乎係咁～～～

SPCS，MCS就本土啲～～～

小學階段，有3幾個強體藝做底已經可以成為強隊，始終都係田徑游泳為主。去到中學，3幾個較強體藝只可以去守住唔好降級，分別係有嘅～～～

mcl203

mcl203 發表於 20-6-21 13:39
本帖最後由 mcl203 於 20-6-21 13:46 編輯

協小應該都係多活動嘅，係小學階段，體藝亦都係強校～～～

仲有啲理解上嘅可能偏差，不少家長升中所提嘅特異功能，甚麼港隊就機會大～～～

或許我認知上見識少，似乎起碼游泳田徑都不存在小學年紀嘅港隊～～～

1998Ruby1998

St Mary's 比較齋讀書啲，唔太多活動。協恩就多活動啲，入校隊會好忙。另外中英數分菁英組、普通組、輔導組（即係就算同一班，中英數可以完全唔同組上堂），冇記錯嘅話，三年級開始有分中文，四年級英文都有，之後就三科分。St Mary's 冇講明有「精英班」，佢哋叫「挑戰班」），二年級開始有普教中，咁唔少成績好嘅就偏向去揀普教中班，然後四年級開始有兩班「精英班」，普通話班精英，粵語班精英，然後粵語普通。

協恩同其他學校一樣考 4 科，但常識用中英書。St Mary's 拆開 GS 同 Science， Science 英文教，然後四年級再拆 Geog，咁所以感覺上你會覺得好多野讀好多野考。協恩英文、數學用快半年書，St Mary's 英文用快一年書，其餘正常，Geog 應該係自己學校 notes。

升中方面就唔洗多講，大家都清楚。

中學成績方面，咁協恩係直資，收生主動，咁成績好係正常，數理科尤其好。St Mary's 只能夠靠自行主動，咁所以質素參差亦唔係唔可能。高中老師冇大變動，最大變動係學生。協中亦係非常多活動，「N 無人士」會被老師邀請去參加活動。St Mary's 「N 無」都冇問題，老師唔會特別「邀請」，平實讀書。St Mary's 冇分明確分「精英班」，6 班有 2 班普通話班，要考到校內普通話試先可以入，一入就三年唔出（又係嗰個理論，成績好嘅，偏向普通話班），2 班粵語精英班， 2 班粵語普通班/輔導班。協恩分 2 精英班，然後主科再分班上堂，一樣都係有普通話班，但普通話班未必係精英班。一樣都有校內分班試。

你係要求平穩讀書、升中，咁 St Mary's 一定係你杯茶。你要求一體一藝、發展均勻（尤其體育方面），咁協恩適合啲。魚與熊掌。

兩間都有活躍、斯文人。

b3410

1998Ruby1998 發表於 20-6-21 14:07
St Mary's 比較齋讀書啲，唔太多活動。協恩就多活動啲，入校隊會好忙。另外中英數分菁英組、普通組、輔導組 ...

原來協小已經開始分set教學，勁！

playtimeonly

感謝大家提供好多資訊！