甚麼特質小朋友適合IS？一定要出國升學？

birman

本人對IS認識極少，家庭背景就是很LOCAL的普通家庭，有感香港的教育真令人卻步，所以現在非常糾結應該為小孩選擇甚麼方式的教育；談性格，小女性格算比較斯文，但又不是內向那種，喜歡與人溝通，學野也快，貪玩, 但也會有規有舉。我感覺她IS／LS兩邊也可以handle。 家庭背景，我們英文都是很港式，是不是就不應該選擇IS？因為家庭環境也未必support到英文既要求...如果15萬一年的學費相信還可以的。最大原因考慮IS是媽媽不是會催谷小朋友的類型，希望她學習得開心，也不想因為跟功課而破壞親子關係。但真的對IS知識太少，現小朋友有Victoria offer同另一間local happy school offer，如果選vic只是在想萬一升不到VSA會不知去向, 如local我的target是Marymount， 都係比較不重考試排名，活動教育重創意的教育方式 好怕選擇錯...求意見!!

RRDDragon

你係講緊收咗入幼稚園?  我係你我會揀Victoria, 進可攻，退可守。

gfkwong

如果學費不是問題當然是揀維記啦，三文兩語很多用家都同意，而且聽過的都話讀得好開心。銜接本地或國際學校也不是問題

Radiomama

birman 發表於 20-6-12 11:18

Vic是好選擇，一邊讀一邊考IS;

我們當年也是這樣，維記中有家長target傳統名校、也有以VSA或IS為目標，各取所需。

mister

birman 發表於 20-6-12 11:18

建議都係選維記。除了VSA, 到時可吓考其他IS。
我兩個小朋友都係IS, 好多同學仔都係維記轉入。感覺上佢哋d學生中英文都好似唔錯。

其實我認為冇小朋友係唔適合IS （sorry 可能係bias）.. 因為小朋友都係應該愉快學習。我兩個小朋友一個文靜一個外向。當初比文靜嘅大嗰個讀IS因為唔想佢咁靜，想佢建立多d自信，依家轉眼佢已中學了，雖然都係偏靜（天生性格），但見佢都讀得好開心，學業上都唔錯

至於英文方面，我哋在家都係講廣東話。因為想keep住佢哋肯講中文（尤其對祖父母同其他唔識英文嘅人，我哋唔準佢哋講英文），但佢哋都係流利英文，所以不用太擔心家中language support 問題。

meimeimandy

birman 發表於 20-6-12 11:18

Agree to choose VIC
之後考慮VSA, 其他IS定 LS都可以
你要考慮下想小朋友接受邊種教育，我都曾經struggle過
我覺得父母港式英文冇問題，但如考慮IS就不能用LS果套去比較
你話LS會選擇Marymount,是一定夠分入嗎？

Jane1983

Victoria係一個不錯的選擇。我小朋友都係維記升讀IS，對學校係ok滿意。不過亦唔係可以完全靠晒學校，我有聽過同屆家長鬧學校，話佢仔讀完4年幼稚園，一句句子都講唔到

你鍾意的Marymount係官津，只能自行、大抽獎或叩門，讀邊間的關係不大。

Osiana

birman 發表於 20-6-12 11:18

啱你預算嘅國際學校，我唸到有ESF, Japanese IS, Norwegian IS, Korean IS, HKCA PLK, ICA, FIS.  除咗ESF 有一次過嘅capital levy 之外，其他都好似係無debenture.  

birman

回覆 meimeimandy 的帖子

只有20分，住12網可以搏大抽獎或扣門，因為那間local幼稚園是同區的天主教幼稚園很多人說比較容易入同校長會寫推薦信。但當然不是一定能入🥺

meimeimandy

birman 發表於 20-6-12 16:18
回覆 meimeimandy 的帖子

只有20分，住12網可以搏大抽獎或扣門，因為那間local幼稚園是同區的天主教幼稚園 ...

你仲有時間考慮
未肯定就VIC太彈性d，雖然我小朋友之前都係讀傳統幼稚園都轉到去IS，但明顯VIC課程一定多好多英文
況且Marymount都係英文學校，有VIC打底嘛
當然我唔清楚個校長同Marymount關係，不過似乎黎小學緊轉校長

birman

回覆 Osiana 的帖子

謝謝你的建議！ ESF 好像很難入？其他會否都難？我不清楚IS但好似競爭都好大

mindfulmom

想當年我都有類似你的掙扎，未確定小朋友適合哪一條路線，K1時亦有你現時面對的happy trouble，最終選擇了Vic，亦曾經打算讓孩子讀VSA。

我覺得Vic是很好的學校，無論課程、老師質素、語言發展、閱讀培養、德育等都做得很好。一路讀幼稚園，一路認識多了VSA及其他IS，我發覺IS更適合我的家庭，也就沒有入讀VSA了。

認同其他前輩的分享，VIC係進可攻退可守的選擇，解決了幼稚園入學後才慢慢了解IS都未遲。

964000

birman 發表於 20-6-12 11:18

只要父母支持理念和經濟許可，小朋友就啱IS，冇咩所謂選擇啱定錯。
你要先了解多些，最好接觸下讀不同年級IS的家長和學生，再去school tour 和open day, 上school website 和FB看看IS的校園生活，感受一下。
你現在先入VSA, 因為聖大的英文多數不夠考IS, 如果VSA你校外都要製造下語境。
其實愈早決定到入IS愈好，有些學校K2會有massintake (SIS, CIS, FIS)，K1就要報了，最遲K2就要報IS的Y1，否則錯過了到時插班選擇便少了。
IS好多類型，有比較westernized的，有比較本地化的，有的會多D中文，有的要compulsory學外語，有的有宗教，還有IB/A level/澳洲/美國/加拿大不同課程。你要排下priority.
我初初也像你一樣，後來參加了IS妁playgroup , 發覺由職員老師校長，課室課程佈置設施mindset活動文化和學校資源等等都不同，就沒有再想LS了，因為IS不只是英文加活動的小學。
其實IS的小學和幼稚園是特別開心，我女喜歡番學喜歡到不得了，學校所有東西在她眼中都很美好，又可接觸下不同文化，我自己也開濶了眼界。
至於大學，我見有些IS有成一半人入香港的大學的，所以也不一定出國。

Jane1983

樓主15萬一年的學費會唔會加碼呢？讀K和小學就ok，中學會有d緊張，尤其咁多年後加吓學費。

Osiana

964000 發表於 20-6-13 00:59
本帖最後由 964000 於 20-6-13 01:09 編輯

只要父母支持理念和經濟許可，小朋友就啱IS，冇咩所謂選擇啱 ...

同意，IS 唔係英文小學，唔係只為學好英文。 我女好鐘意返學，放假都問幾時返學，好鐘意校長、老師及同學。
有朋友話以non JUPAS 入大學反而競爭無咁大，我就唔清楚差幾多。

california_soul

現在咁嘅時勢，相信選擇學校最好要理念行先。
少少分享：我去年10月申請了ESF K1，可惜唔收。後來知道有間叫HKCA Po Leung Kuk School的學校，今年5月時問過依然在收生（因為幼稚園部份是新開），即報了，in完也收咗。很affordable和是IB school，沒有debenture嗰啲。可以諗下。