一定要 extroverts 先適合讀 IB?

melobi12

偶然喺本地小一選校版見到家長話觀察型小朋友唔適合讀 IB (講緊CKY)，話會讀得好辛苦、要轉校、去返傳統小學開心晒咁樣，大家有咩睇法呢?

其實我自己都諗過，我本身係觀察內向型，要做presentation、發表意見對我嚟講好大壓力。

而家準備幫小朋友報小學，我知我女都係觀察型 (o係屋企就外向、出到去就內向)。我有盡量了解過唔同curriculum o既特質，但始終未親身接觸過晒所以我都唔敢話好了解:

IB 始乎係適合喜歡自主學習、探索原因o既學生，我估計佢地除左自己揾答案，亦好著重同學同老師之間o既交流討論? 咁樣對於觀察內向型學生係咪好大壓力呢? (俾 extroverts 發表晒啲意見)

我相信其他curriculum o既presentation 同討論都少不了，但會唔會 extroverts 特別適合讀 IB 呢? 定還是 introverts 只要由細到大都讀 IB，訓練有素，其實都可以應乎得嚟呢?

其實我都唔係太整理到自己諗法，希望大家一齊研究下 introverts vs extroverts o係唔同curriculum o既發展空間。

gfkwong

小一步國際學校其實都唔係咁容易入，你都要報多幾間。如果再加埋呢啲Introvert extrovert 定義仲更加難。我覺得小朋友性格其實都跟父母。如果你覺得自己內向佢都可能會跟咗你，因為你好多嘢都會好小心好怕試新野。其實間學校都會揀你㗎，如果佢覺得你唔適合呢你都唔會被取錄，所以其實照報都冇問題㗎。我自己覺得大部份國際學校都冇話特別需要好Extrovert.

ddjjbaby

慢慢會train 到小朋友變risk taker, Risk taker 係其中一個IB learner profile (emoji)

mindfulmom

好多人都覺得extroverts好d、適合討論及與人交流多d，但其實introvert都可以喺小組入面貢獻，例如觀察型既小朋友留意到一d細微野，或者有唔同既見解，其實都係重要的asset。

我覺得IS的好處係收生時唔會要求某一type的學生，亦無打算graduation時打造一式一樣的學生。

Radiomama

melobi12 發表於 20-6-10 10:10
偶然喺本地小一選校版見到家長話觀察型小朋友唔適合讀 IB (講緊CKY)，話會讀得好辛苦、要轉校、去返傳統小 ...

視乎你認為學校和教育的目標啦！
老實講，內向和外向的學生都會在本地或國際學校中生存得到，反而我會擔心文靜的學生在本地學校密集的功課和測考節奏下，怕易成為隱蔽學生，被老師忽略。

我仔也屬內向觀察型，小學時不會得老師注意，也不喜歡在人前表演、演説。但因著ib的訓練，整個小學階段就是要不停做presentation, 他是逐漸改變自己，平日内向少作聲，但一企出嚟可以揮洒自如。

教育會發揮它的作用，視手你是否讓孩子慢慢來。

poonseelai

其實大部分人係introvert, 有些人經過學習会有些改變，但性格係天生，不要期望会变成另一個人。我屋企有兩個，咁多年見親老師，評語也希望他們上堂時多發言，堂上提問和回答老師問題最大好處係老師会知道學生究竟明唔明白，不用等到交功課時才知有唔明，老師亦希望學生可在堂上分享多方面意見。孩子肯多發言當然最理想，但唔出声並不代表不能享受ib教育方法成果

dem0cracy

呢啲技能將來工作一定需要，與其等佢出嚟做嘢碰壁，不如俾佢喺學校裡面nurturing、非競爭嘅環境慢慢學。如果經濟負擔到，幼稚園及初小讀小班教學的學校，效果更佳。

b3410

其實小一好難睇清楚小朋友性格。
太多外來因素會影響到小朋友的成長。所以小一階段唔使考慮太多小朋友本身性格等等，反而父母，家庭，更加傾向於邊一種教育方式。

升中階段，小朋友性格已經完成大部分，不適合可以調整，更加清楚將來的方向。

melobi12

謝謝多位前輩分享。

其實我都明白，introvert 更加需要機會去練習克服心理障礙去表達自己。內向緊張係性格，唔會點改變到，但練習可以令自己一邊緊張一邊覺得 「ok wor 其實我都做到」，練習多啲習慣左會比較識得處理自己嘅緊張。

我地一心係走IS呢條路，都唔係糾結緊 IS vs LS 呢個問題，只係最近認真研究緊Y1報名，今日又無啦啦見到個post咁講，我就諗，唔通IB 真係要外向啲先讀得好？ ESF 又IB 又相對大班，係咪真係唔啱我女呢？橫掂冇priority 都好難入到，係咪索性唔使報名 haha

我自己深明introvert 喺某啲情況嘅痛苦，當然想幫佢女盡量克服。如果例如話 IB 真係特別 demanding，反而 non IB 嘅IS 又有機會發表，但又相對冇IB咁demanding，咁我就優先考慮 non IB curriculum 囉。（一切源於我對IB 第一身了解太少，淨係知道讀到上IBDP 好demanding，要好all rounded，感覺係個高深莫測嘅課程...）

magmum

咁觀眾型小朋友讀a-level會舒服點嗎？

poonseelai

melobi12 發表於 20-6-10 18:24
謝謝多位前輩分享。

其實我都明白，introvert 更加需要機會去練習克服心理障礙去表達自己。內向緊張係性格 ...

而家已經多了很多ib資訊，有興趣看看前輩Anchan sharing
https://www.edu-kingdom.com/forum.php?mod=viewthread&tid=2214323&extra=page%3D1

所有學制，特別高中要爭入大學，有那個唔辛苦，ib 考試制度要求兩種語文，又文科又理科，对於能力偏文或偏理科孩子，可能特別難

Osiana

melobi12 發表於 20-6-10 18:24
謝謝多位前輩分享。

其實我都明白，introvert 更加需要機會去練習克服心理障礙去表達自己。內向緊張係性格 ...

大部份小朋友都係屋企就活潑、出到去就怕陌生，呢個係好普遍，小朋友要安全感，無需要過份擔心。

其實觀察型好適合讀IB。IB係需要討論、分析、思考。 觀察型不等於沈默寡言，而係比較保守，需要多方面考慮先講出自己睇法。

所以，樓主要搞清楚自己小朋友性格強弱，細心觀察，將小朋友優點發掘及發揮，唔好粗略地將小朋友歸納為某一類型。

Introvert 未必係決定因素 反而英語能力才是關鍵。 小朋友需要搜集資料，分享結果等，需要比 IGCSE 更強嘅語言能力。

就算小學讀英制，中學都可以轉IB。就算一直讀英制都無問題。IB有IB好，IGCSE有些IGCSE好，各有優點。最重要係是否適合自己小朋友。

melobi12

poonseelai 發表於 20-6-10 18:51
而家已經多了很多ib資訊，有興趣看看前輩Anchan sharing
https://www.edu-kingdom.com/forum.php?mod=view ...

謝謝你，原來之前有人提過就係呢個帖，得我睇下先！

melobi12

Osiana 發表於 20-6-10 18:54
大部份小朋友都係屋企就活潑、出到去就怕陌生，呢個係好普遍，小朋友要安全感，無需要過份擔心。

其實觀察 ...

你講得啱！讀IB 始乎寫文功力都好重要，真係要等小朋友發展上去先知。
睇完大家講嘅嘢，而家我又豁然開朗

小一就唔使太執著課程，總之收到offer 就揀間合眼緣、合感覺嘅，中學再按佢發展同意願再揀過都未遲。

964000

Introvert 不用擔心，亞洲小朋友相對外國人是比較introvert, 但在IS已經好D，我女小時候也很怕醜，幸好自細放在IS, 已經好好多，起碼出外對人講野同舉手答問題在他們當中是常態。
表演present呢D會通過練習和建立信心才會慢慢改善，表演慾真係天生的冇得急。
我見過以下情況小朋友會不適合IB:
1.不喜歡合羣的小朋友
2.prefer spoon feed 和死記，覺得搞咁多野好煩
3.數理強相對不喜歡寫野的
如果不適合中學先轉都未遲。
不過我揀學校都冇太理甚麼課程，看有甚麼offer和自己喜歡那間學校再算。

poonseelai

964000 發表於 20-6-10 20:09
Introvert 不用擔心，亞洲小朋友相對外國人是比較introvert, 但在IS已經好D，我女小時候也很怕醜，幸好自細 ...

唔鍾意寫作就麻煩D，到中學每科也要寫report, PE 都要

BCDJP

melobi12 發表於 20-6-10 10:10
偶然喺本地小一選校版見到家長話觀察型小朋友唔適合讀 IB (講緊CKY)，話會讀得好辛苦、要轉校、去返傳統

Delete

TINACOFFEE

melobi12 發表於 20-6-10 19:40
你講得啱！讀IB 始乎寫文功力都好重要，真係要等小朋友發展上去先知。
睇完大家講嘅嘢，而家我又豁然開朗 : ...

我都認同！我個人認為小學階段首要係打好學術基礎先，到小四開始學習方向會慢慢顯現，到時升中再決定行Dse or IB都未遲。

ddjjbaby

BCDJP 發表於 20-6-10 22:30
Introvert 才應該要從小讀國際學校, 學習點樣合羣做project 做presentation, 這樣才有進步，當然，如果小 ...

認同，小朋友是張白紙，可能introvert嘅小朋友只是要多少少時間適應。唔適應多是接受本地教育長大的家長