高主教書院, 近年學校風氣如何? BAND幾學校?

PTL_L

回覆 angel_laam 的帖子

其實我同豬隊友都好鍾意高主教，始終讀左咁多年，我小朋友係幼稚園上既親生仔果種歸屬感，真係外人感受唔到，希望高記可以重拾光揮。

angel_laam

我仔今屆高記dse 考生，都係小一開始讀，唔知小學咁多年有冇嘢改變，但我仔當年讀小學老師好有愛心，小朋友有禮貌同乖，阿仔讀左咁多年都好有歸屬感

PTL_L

回覆 angel_laam 的帖子

前輩，請問疫情底下，高記如何處理呀？另外，高記媽真係唔做喇？

angel_laam

PTL_L 發表於 20-6-4 22:44
回覆 angel_laam 的帖子

前輩，請問疫情底下，高記如何處理呀？另外，高記媽真係唔做喇？ ...

阿仔新年前已study leave, 所以我又唔知疫情下點處理。高記媽你講緊盧校長？距今年退休

PTL_L

回覆 angel_laam 的帖子

哦，咁開考dse前，學校有幫忙準備開考嗎？始終今年情況較為特別
係盧校長呀，人稱高記媽，楊副校上任？

angel_laam

Study leave 嘅時候我仔啲科有keep住做功課然後send 比老師對，每星期都不停交作文比老師，好快都改好比距。
阿仔中一時盧校長剛上任，今年最後一年盧校長就剛剛好退休。有聽聞阿仔當年盧校長未黎，早兩屆收生比較參差，可能都會影響整體表現，希望今年會有所提升。但我比較睇重係阿仔係學校讀得開心，老師對學生關心，小一到中六每年家長日，所有班主任同我傾阿仔性格同學習情況都好到位，證明老師有留意同關心每一位小朋友（我仔成績只係中至中下），距地家長日重點唔係傾成績表現，反而係多關心學生心理成長，呢12年我體驗到何為有愛嘅學校。因為我阿女係另一女校讀，對比之下有好大反差。

PTL_L

回覆 angel_laam 的帖子

謝謝前輩，俾左我一支好的強心針，上ek都有一日子，體會到好多家長因為種種原因，取最容易睇到既數據就做比教，完全抹煞哂所有學校既功勞。就我自己個人，好睇一個學校有冇心及以愛教學。呢幾年，見到高主教種種校政，加強中小幼聯繫，好體驗到學校想改善，想進步，可惜事與願違。只期望接落嚟既師兄師姐更加努力，表現更好。

lcyesther

angel_laam 發表於 20-6-5 01:35
Study leave 嘅時候我仔啲科有keep住做功課然後send 比老師對，每星期都不停交作文比老師，好快都改好比距 ...

請問你仔仔果年，收左幾多高小生？

angel_laam

PTL_L 發表於 20-6-5 02:10
回覆 angel_laam 的帖子

謝謝前輩，俾左我一支好的強心針，上ek都有一日子，體會到好多家長因為種種原因， ...

我覺得現今嘅政局同環境，一所守護同關愛學生嘅中學係非常重要，只要學生感到愛同被重視，對距地走正途起好大作用。學校今年有幾件事令我好感動，第一次有舊生因為係門口被防暴警察圍，學校立即開閘比舊生進入校園；第二次學生係茶記比防暴警察圍，茶記唔比警方強入餐廳捉學生，立即通知學校救學生，學校即時派副校了解；第三次學生兩次手拖手起人牆抗議，盧校長企頭位睇住學生安全。

我唔討論政治立場，但就事件當中睇到學校係以學生安全為先。由第一次反條例遊行，我仔history 老師同學生講唔好盲目追隨，要從多面深入了解對錯，因為所有事都唔係非黑即白。學校從來無提出政治立場，亦無誘導學生應該往邊個方向去走。校長開Jupus 選科家長會時，講既同帶領祈禱時重點都係希望香港和平，求主憐憫學生，帶領距地嘅路，無表態個人政治立場。相信今年對學生衝擊好大，亦對人生衝滿懷疑同有強烈嘅無力感。學校嘅關愛、認同以及教距地明辨事非，正正係學生今時今日需求嘅野。

angel_laam

lcyesther 發表於 20-6-5 06:45
請問你仔仔果年，收左幾多高小生？

無記錯應該收番60人左右

Chiuchoiluck

angel_laam 發表於 20-6-5 07:08
本帖最後由 angel_laam 於 20-6-5 07:09 編輯

我覺得現今嘅政局同環境，一所守護同關愛學生嘅中學係非 ...

個人覺得老師唔應該同中學生灌輸政治立場, 照咁睇, 高記呢方面似乎唔錯.

angel_laam

Chiuchoiluck 發表於 20-6-5 10:48
個人覺得老師唔應該同中學生灌輸政治立場, 照咁睇, 高記呢方面似乎唔錯.

高主教係一間好有愛嘅學校，我係好慶幸我仔仔入讀12年。自小阿仔成績同能力只係平平，亦無乜自信，但每年家長日班主任都只係輕輕帶過距嘅學業成績，但就從不同層面讚賞同欣賞阿仔，令到我自己都覺得慚愧 （原來我做阿媽都睇唔到阿仔優點，只睇到距成績差無樣叻），開始多欣賞阿仔，少執著成績。今年發生好多事，我仔呢兩年有好大蛻變，盡自己責任同能力應付DSE。無論放榜成績點都好，距嘅學習態度已經足夠對距自己、父母、老師交代，對我黎講已經心滿意足。距有一班好純品嘅同學（考完dse都keep住打波做運動），有一班友好嘅老師，有一所歸屬感嘅學校。

每個人追求唔同，如果小朋友能力強想要間金字塔頂嘅中學，高主教未必係一個好選擇，因為成績數據擺在眼前，距都完全無遮無掩。但我絕對相信距地一定有支持者

Chiuchoiluck

angel_laam 發表於 20-6-5 11:21
高主教係一間好有愛嘅學校，我係好慶幸我仔仔入讀12年。自小阿仔成績同能力只係平平，亦無乜自信，但每年 ...

你囝囝好生性, 希望佢DSE考到好成績.

2jkidsfather

angel_laam 發表於 20-6-5 11:21
高主教係一間好有愛嘅學校，我係好慶幸我仔仔入讀12年。自小阿仔成績同能力只係平平，亦無乜自信，但每年 ...

不是很多家長如此看學校，亦如此坦白分享，謝謝

lcyesther

angel_laam 發表於 20-6-5 11:21
高主教係一間好有愛嘅學校，我係好慶幸我仔仔入讀12年。自小阿仔成績同能力只係平平，亦無乜自信，但每年 ...

有愛的學校真係好少。我女成績也平平，他日只希望佢可以積極樂觀，進取地生活。
高主教似乎幾好，但男多女少，怕找不到朋友。當然也怕拍拖問題。做父母憂慮真多。

GCG

高記和港華基本上是聯繫學校對上直資學校犧牲品。上年成3X 人跳糟，另到學校硬收可能一半band 2 學生。怎可能有B1B 成績？聖馬可就是表表姐，佢同小學軌斷後，攪到小學執粒，但佢就可盡收band 1 學生，教學如魚得水。話質直資也盡收，但人地資源充足，有政府資助有學費收，當然有能力再扶持band 2 學生上。所以可見將來聯繫學校都幾辛苦。

piyohk

GCG 發表於 20-6-5 20:56
高記和港華基本上是聯繫學校對上直資學校犧牲品。上年成3X 人跳糟，另到學校硬收可能一半band 2 學生。怎可 ...

為什麼有些聯繫/直繫中學沒有成為犧牲品？QC/BPS/LS繼續是B1A中學。
而所講band 2 學生究竟係全港B2學生？還是灣仔區B2 學生/學校那1/3之B2 學生？
樓上講到高小生質素好，升中後，冇可能成為中學嘅負累呱

GCG

piyohk 發表於 20-6-6 09:43
本帖最後由 piyohk 於 20-6-6 09:45 編輯

為什麼有些聯繫/直繫中學沒有成為犧牲品？QC/BPS/LS繼續是B1A ...

我講錯，我說是直屬中學不是聯繫中學。QC和BPS 是聯繫，因此全部學生必定band 1 生。鰂魚涌嘉勒撒中學和聖類斯也是直屬制度受害者。華仁更加因為這個制度想割蓆轉直資。可惜已經比政府已經看看到漏洞再批。講返高記，我估考得85名已經是band 2 生。如果30走，即55名band 1 生，其餘30名是band 2 生了。呢D直属中學一定要比普通band 1 中學付出更多才维持到status.

piyohk

GCG 發表於 20-6-6 10:56
我講錯，我說是直屬中學不是聯繫中學。QC和BPS 是聯繫，因此全部學生必定band 1 生。鰂魚涌嘉勒撒中學和聖 ...

為什麼LS，SJ和九龍/港島多間女校又沒有變成犠牲品？他們仍然是B1學校（大部都係B1B校或以上）。
就以SPSS為例，他會收小學部 99位學生/總120學生（小學慨覽資料），他唔會冇收小學部b2生，但中學仍是b1校。另兩年前，這所中學也有收中西區b2小學生（資料自ek 討論區）。
b2生唔係成為負累嘅主因。

piyohk

GCG 發表於 20-6-6 10:56
我講錯，我說是直屬中學不是聯繫中學。QC和BPS 是聯繫，因此全部學生必定band 1 生。鰂魚涌嘉勒撒中學和聖 ...

政府先唔會理會「割蓆」漏洞。這個也不見得發生在所有直繫中學內。

反而，他會先向「錢」看，學校有冇增值，政府可否減開支，(扮吓)看看學生/家長/社會嘅反應