用戶登入
用戶名稱:
密      碼:
搜索
教育王國 討論區 小一選校 Happy school - 趙小入讀一年後有感
查看: 8073|回覆: 141
go

Happy school - 趙小入讀一年後有感  

Rank: 4


693
發表於 20-5-21 00:53 |顯示全部帖子
一年前我之所以揀趙小, 係因為我好認同該校嘅教育理念 讓小朋友健康快樂成長同埋尊重每一位小朋友嘅差異, 該校視每一位小朋友都係一粒寶石,佢哋都可以發光發亮。


我係喺葵青區小學博覽遇到呢間學校嘅老師, 佢哋畀我嘅印象係非常誠懇咁對每一位在場嘅家長講解佢哋學校,並且好有誠意咁邀請每一位家長去佢哋學校參觀開放日課程簡介活動。 到咗第二日嗰一日其實係星期日, 我去到趙小整個課室入邊只有十多位家長, 同我之前去嗰啲地區名校有三四百位家長比較, 真係好大對比。 而在開放日座談會上,兩位家長代表都不約而同咁講,其實佢哋之前派位派到去趙小,其實係唔開心但之後小朋友一路喺邊間學校學習,佢哋就變得好安心同埋感到恩惠,因為趙小真係一間好小學。 而一位畢業生代表佢進入了區內一所第一組別的學校, 校長介紹他不是他成績優異,而是他品行非常好, 佢在開學日 喺路上遇見 迷路嘅小學生, 佢 一邊安慰該小學生另一邊致電該小學生的學校, 讓該校的教職員接回並找到他的父母。 及後該畢業生 被他的中學在早會上高度表揚佢呢一個好人好事嘅行為。 再者我之後同我兒子不斷參加趙小的不同公開活動, 我覺得呢間學校嘅老師都係好有耐性同埋愛心。 所以我就揀咗呢間學校。

一年後嘅今天,我仍然十分慶幸我當初揀咗趙小,由於每班學生人數不多,所以老師同同學嘅關係都十分密切。 老師對同學喺學業或者成長上各方面都提供到不少支援,最重要係令到我小朋友好鍾意返學。 就算到了下學期,因疫症關係停課在家學習,老師們都透過不同嘅形式支援小朋友嘅學習,並且每星期班主任有陽光電話同家長緊密聯繫。


最後希望大家都揀到 最適合自己小朋友嘅學校讓他們愉快成長。

Rank: 1


28
發表於 20-5-21 08:19 |顯示全部帖子
學校呢兩年積極推動資優教育, 喺呢方面我係十分認同. 我哋現今嘅教育制度係因應工業時代所設計, 目的基本上就係為了生產大量工人. 而如今這種工業時代大規模生產和高度控制嘅思維, 依然深深植根於我們嘅教育制度裏. 但在今天嘅社會, 如果只是聽從指令, 你能有什麼成就? 現代社會推崇有創意, 能夠表達自己意見並與他人合作的人.

資優教育並不是只重視一些傳統一般大眾所認知的智能和現金制度所認可.(例如默書100分), 而係為培育我們嘅小朋友成為最好嘅自己, 盡情發揮天賦才華, 為我們解決未來社會及世界更大嘅問題.

趙小除咗每一年有三日的常識科STEAM 全方位學習週外, 今年更讓四年班的同學參加咗DreamStarter 計劃.

作為家長, 感受到校方在短短呢兩年嘅努力同改變.

Rank: 1


14
發表於 20-5-21 08:26 |顯示全部帖子
我都係今年一年班新生嘅家長, 我比較欣賞學校喺功課方面落咗唔少功夫, 功課深淺適中, 而且有星期三嘅無功課日, 俾小朋友可以去做其他類型嘅自主學習, 生活體驗. 學校嘅功課係為不同程度嘅學生度身訂做, 程度較好掌握能力較高嘅同學, 可以做難度二星甚至三星嘅工作紙. 而仍須努力嘅同學, 可做一星嘅工作紙. 令程度稍遜嘅同學, 可以掌握到基本嘅知識, 又唔會失去學習興趣. 特別係英文科方面嘅支援, 學校準備咗各種各樣嘅教材, 同埋用唔同嘅方法去幫小朋友學習英文. 呢方面我都好欣賞學校所付出嘅努力.

Rank: 6Rank: 6


5355
發表於 20-5-21 10:10 |顯示全部帖子
趙小是地区有名的吗?全名是什么?一出post就已经有回应排队赞好,应该是不错的学校吧。

Rank: 4


693
發表於 20-5-21 10:47 |顯示全部帖子
趙小全名係仁濟醫院趙曾學韞小學, 算唔上係什麼名校.  只係一間地方嘅屋村學校.

Rank: 8Rank: 8


19150
發表於 20-5-21 11:54 |顯示全部帖子
zen118 發表於 20-5-21 10:47
趙小全名係仁濟醫院趙曾學韞小學, 算唔上係什麼名校.  只係一間地方嘅屋村學校.  ...

請問去年2019小六畢業1班多少人
見升中概況有本區及他區B1中學

B1 蕭明 83 善德 風采 沙崇
B2A-1C 李國寶

升中資訊
https://www.ychcthwps.edu.hk/sspa_information.php

2018-19年度升中概況

2017-2019年度的小六畢業同學,畢業同學獲派往多所葵青區著名中學。當中包括有天主教母佑會蕭明中學、保良局羅傑承(一九八三)中學、佛教善德英文中學、東華三院吳祥川紀念中學、中華基督教會燕京書院、樂善堂梁植偉紀念中學等。 另外也有些跨網的學生也獲派到他區受歡迎的中學,當中包括有荃灣聖芳濟中學、風采中學、香港管理專業協會李國寶中學、仁濟醫院林百欣中學、沙田崇真中學等。 畢業同學面對新的學習環境,希望同學們能盡快適應,繼續努力,爭取好成績,考取大學學位,為母校爭光。在餘暇中,歡迎多回母校探訪,保持聯絡,互相支持和鼓勵。

Rank: 4


831
發表於 20-5-21 11:58 |顯示全部帖子
zen118 發表於 20-5-21 10:47
趙小全名係仁濟醫院趙曾學韞小學, 算唔上係什麼名校.  只係一間地方嘅屋村學校.  ...
但全部新account

Rank: 4


693
發表於 20-5-21 12:29 |顯示全部帖子
kimlam953 發表於 20-5-21 11:58
但全部新account
我個account開咗幾年....

Rank: 13Rank: 13Rank: 13Rank: 13


97339
發表於 20-5-21 12:36 |顯示全部帖子
猴子爸 發表於 20-5-21 10:10
趙小是地区有名的吗?全名是什么?一出post就已经有回应排队赞好,应该是不错的学校吧。 ...

地區沒什名氣,甚至派到都馬上想叩門走既學校,一出帖就短時間內咁多人回覆,係咪咁巧合呢?
還記得初為父母時,對孩子的期望嗎?我當時只想他/她平平安安,健健康康。
隨著時光飛逝,人的期望慢慢變了,變得越來越有要求。所以要經常提醒自己:毋忘初心
箴言4:23 - 你要保守你心,勝過保守一切,因為一生的果效是由心發出。
箴言22:6 - 教養孩童,使他走當行的道,就是到老他也不會偏離。

Rank: 4


693
發表於 20-5-21 13:28 |顯示全部帖子
hkpapa852 發表於 20-5-21 12:36
地區沒什名氣,甚至派到都馬上想叩門走既學校,一出帖就短時間內咁多人回覆,係咪咁巧合呢?
...
我都想知點解, 我出個post講下感受, 有咁多朋友出來質疑我...學校唔出名唔多人揀係事實,但派到的小朋友都有來讀,而且我個仔嗰班有兩個中途插班生加入...

Rank: 10Rank: 10Rank: 10


26163
發表於 20-5-21 13:29 |顯示全部帖子
hkpapa852 發表於 20-5-21 12:36
地區沒什名氣,甚至派到都馬上想叩門走既學校,一出帖就短時間內咁多人回覆,係咪咁巧合呢?
...
我覺得邨校如同街坊細鋪,氣氛好,有愛心,要支持的。

Rank: 6Rank: 6


5355
發表於 20-5-21 13:59 |顯示全部帖子
hkpapa852 發表於 20-5-21 12:36
地區沒什名氣,甚至派到都馬上想叩門走既學校,一出帖就短時間內咁多人回覆,係咪咁巧合呢?
...
了解后,再看回头三个留言,很难不令人怀疑是三位现任教职员为了把学校发扬光大而写下的杰作。
当然,不能否认学校的“好“,但始终如此留言毕竟显得太着迹了。

要避免学校被杀,或者更进一步,上升至“受欢迎"的水平,改善升中情况几乎是唯一最务实的办法。如果只着重在邻舍友爱守望相助happyhappy方面,除非学校是走sen的专门路线,否则条路很难行。

既然学生人数少,倒不如花精力在改善课程上,集中资源提升学生中英数的水平(改善pre s1的成绩),从而赢得口碑,不是更好吗?

Rank: 4


831
發表於 20-5-21 14:07 |顯示全部帖子
zen118 發表於 20-5-21 12:29
我個account開咗幾年....
但三位第一次及唯一次留言都係呢個post..

Rank: 5Rank: 5


3364
發表於 20-5-21 14:15 |顯示全部帖子
要有客好簡單,有英文語境,收D南亞兒童,要求學生全英溝通

Rank: 5Rank: 5


1146
發表於 20-5-21 14:18 |顯示全部帖子
老師辛苦了,為咗大抽獎放榜時留得住學生紋盡腦汁

Rank: 13Rank: 13Rank: 13Rank: 13


97339
發表於 20-5-21 14:36 |顯示全部帖子
猴子爸 發表於 20-5-21 13:59
了解后,再看回头三个留言,很难不令人怀疑是三位现任教职员为了把学校发扬光大而写下的杰作。
当然,不能 ...
香港升中派位分Banding制度, 就係導致弱者越弱既原兇
要救校除非能連續幾年集中教好一少撮學生, 但太困難了!
還記得初為父母時,對孩子的期望嗎?我當時只想他/她平平安安,健健康康。
隨著時光飛逝,人的期望慢慢變了,變得越來越有要求。所以要經常提醒自己:毋忘初心
箴言4:23 - 你要保守你心,勝過保守一切,因為一生的果效是由心發出。
箴言22:6 - 教養孩童,使他走當行的道,就是到老他也不會偏離。

Rank: 4


693
發表於 20-5-21 15:26 |顯示全部帖子
回覆 猴子爸 的帖子

我小朋友讀小一, 我係full time mon...好奇一問, 你做什麼?

Rank: 4


693
發表於 20-5-21 15:31 |顯示全部帖子
kimlam953 發表於 20-5-21 14:07
但三位第一次及唯一次留言都係呢個post..
我做了幾年cd rom, 一出post 就引大家關注....

Rank: 4


693
發表於 20-5-21 15:45 |顯示全部帖子
李大人 發表於 20-5-21 14:15
要有客好簡單,有英文語境,收D南亞兒童,要求學生全英溝通
請問朋友是搞教育嗎?

Rank: 4


693
發表於 20-5-21 15:47 |顯示全部帖子
hkpapa852 發表於 20-5-21 14:36
香港升中派位分Banding制度, 就係導致弱者越弱既原兇
要救校除非能連續幾年集中教好一少撮學生, 但太困難了 ...
趙小有教無類, 呢個係我送我個仔去讀呢間學校的原因
你需要登錄後才可以回帖 登錄 | 註冊