蘇浙vs聖類斯

Happyhappy@

蘇浙vs聖類斯 大家點揀？

Poyau

蘇淅升中較聖類斯佳

小曳人

我個人唔會將男女校同男校band 1/英中%直接比較，所以樓主最好自行分析數據

另，之前有"專家"講過，St Louis 係會用自行位盡收自己仔嘅中學，孩子有歸屬感，成績唔係最top嘅，未必會轉走，所以比較時，可考慮埋呢點

my ans: st louis (唯一一間我曾考慮過嘅港島區私小，有保母車過海)

ruudi82

唔睇成績就聖類斯 好D

多活動, 男仔應該至少有個快樂童年




睇成績...男仔11網好慘, BAND1選擇唔多


14網多好多選擇, 加上蘇浙係14網強校, 應該易過聖類斯入BAND 1 好多


不過聖類斯考得好, 可能都係讀英皇...讀12年男校又真係好慘

Happyhappy@

ruudi82 發表於 20-5-12 12:50
唔睇成績就聖類斯 好D

多活動, 男仔應該至少有個快樂童年

所以好矛盾同貪心，想愉快又想成績好...

1998Ruby1998

聖類斯唔少 Band 1 都另覓高處 (同 St Jo 情況有啲近似)，18 年都有 10 個 SPC, 8、9 個 KC，以往亦有人入 SPCC、SJC，2X 個 SLS。咁畢業人數大概 60，好似近年加到 3 班，唔知人數有冇大變。

咁 SLS 直屬額都有 63，因為 top 嘅會走，應該係用唔曬咁多個位，即係按道理只要係 Band 2 就一定入得返 SLS，就又無需要太過擔心嘅。(不過就港島都好多 Band 2 選擇，唔一定入佢，原因唔講)

蘇小就升中肯定強啲，但佢有女仔，而且東區都利女仔升中，所以冇得直接比。男仔就東區多啲啲選擇，但冇中學部，東區就有機會男仔唔夠分 Band 1，咁好彩 Band 2 選擇都有幾間。

睇接送、距離，同埋你對齋小校有咩感覺。

ruudi82

其實利申小朋友當時都有蘇小offer 同 st louis final round, 最後就冇去到st louis in
我係爸爸, 其實自己都唔想讀男校..(小學冇問題, 中學讀男校真係想死), 所以就冇比個仔讀st louis..(因為11網男仔讀男女校好似係0選擇..(BAND 1生)

而家小朋友讀蘇小, 其實功課真係唔多, 我自己覺得小朋友都算冇咩壓力 (測考係多, 要溫書), 而課外活動可以話係零...(男仔緊係想參加體育啦, 其他畫畫/書法/朗誦 我當年小學生都唔想參加), 咁 st louis 肯定呢方面嬴10條街。

所以如果讀SL, 應該中學時住另一區選返間男女校會好D

蘇小咁耐歷史, 本來都覺得老師守舊唔會點變. 但估唔到疫情下個視像教學做得幾好, 一日都有二/三堂實時教學...其他朋友個D聽返黎都冇咁多

Poyau

1998Ruby1998 發表於 20-5-13 05:32
聖類斯唔少 Band 1 都另覓高處 (同 St Jo 情況有啲近似)，18 年都有 10 個 SPC, 8、9 個 KC，以往亦有人入  ...

SLS今年少咗直屬位只有45個
不過應仍夠位收願上直中嘅B1/B2生

mcl203

45個似乎已經係全P6學生嘅人數了～～～

chancarrie1

咁請教有關蘇小：
1.教學時多唔多小組话動？定9成也是死板board and chalk?
2. 老師們有無愛心，有無教學熱誠？小孩升小對學挍會好陌生。
3.學校好成績，是家長發工？要家長跟得好貼？
4. 中英數教快幾多？可否舉例？
5.英文科由native 教？一星期有幾多堂會聽到native 講書？6.若不外補英文，普通講廣東話的家庭，能否從學校已得到足夠語境呢？
7.學校圖書馆多唔多買入新書？多唔多元化？
8.有無補底班？成绩唔好學校有否支援，定家長自己解決？
9.平時默書，测考有幾密？全部要計分？會好大壓力嗎？
10.學校好舊，是否4O人一班？教學設備會否好落後？好的設備先能提升教學效能。
11.學生會否訓練出倾向死背書？

請指教。

lglp20131025

follow

ruudi82

chancarrie1 發表於 20-5-14 08:37
咁請教有關蘇小：
1.教學時多唔多小組话動？定9成也是死板board and chalk?
2. 老師們有無愛心，有無教學熱 ...

1.教學時多唔多小組话動？定9成也是死板board and chalk? 答: 定9成也是死板board and chalk

2. 老師們有無愛心，有無教學熱誠？小孩升小對學挍會好陌生。
答: 今次視像教學覺得有, 見到老師好比心機安排做得好好

3.學校好成績，是家長發工？要家長跟得好貼？
答: 家長都要跟GE, 唔通間間名校都天材波咩

4. 中英數教快幾多？可否舉例？
答: 英文書用深一級/ 中文/數學我覺得程度算高..深過阿女間英小

5.英文科由native 教？一星期有幾多堂會聽到native 講書？
答: 英文由NATIVE教(主老師)/日日都會由NATIVE老師教英文

6.若不外補英文，普通講廣東話的家庭，能否從學校已得到足夠語境呢？
答: 可以, 我地都冇外補...

7.學校圖書馆多唔多買入新書？多唔多元化？
答: 呢個唔知...對於我黎講本本一樣

8.有無補底班？成绩唔好學校有否支援，定家長自己解決？
答: 佢地成班一讀六年, 唔會再分班架..所以係冇補底...家長自己解決

9.平時默書，测考有幾密？全部要計分？會好大壓力嗎？
答: 好密, 每個星期唔係默書/就係测驗/考試---3測3考唔係講笑..小朋友以為所有學校係咁..所以習慣左(係大人同佢溫書煩D, 有錢比佢去埋補習班應付到), 佢默書/就係测驗/考試唔深,考返教過GE野, 有溫書成績唔太差

10.學校好舊，是否4O人一班？教學設備會否好落後？好的設備先能提升教學效能。
答: 36-40人一班/教學設備唔新

11.學生會否訓練出倾向死背書？
答: 唔識答...我小朋友由細就偏向死背書型(幼稚園都係咁), 其他同學唔清楚...不過佢課程唔多活係真。

ruudi82

再講多D, 蘇小考前列好易轉走架, 我個仔個班每年都轉左3-5人
有D成績好-->去再勁D學校/龍校

有D覺得大壓力又轉

有D好有錢就轉讀國際學校(非常多大陸學生, 但通常大陸學生係好有錢...佢地讀一兩年就轉國際學校)

好多內地家長係派黎香港做高層, 蘇小應該係佢地圈子算神校....

有D父母調返去大陛GE又會跟住返大陸讀

多學生母語係普通話, 亦有唔少會係英文做母語

ruudi82

仲有樣要講下.
我地係香港人, 廣東話雖然日日講, 但我覺得我個仔廣東話講到窒窒地咁...D TERM 普通話左..... 即係話要像皮擦...唔係擦子膠

chancarrie1

谢谢你呀。
想再問下，

1.上學下課時間是幾點？有冇邊D日子是可早放的？

2.每日有多少功課？多抄生字？什麼類型練習较多？

3.有冇導修堂時間做功課？

4.回家後是否日日要温書應付測默？有冇玩，閱讀時間，親子時間？我好想小孩有閱讀興趣。而且怕温書温到夜大壓力？

5.同班念6年不調班，加上每年走左幾個，咁6年来可能只剩下约20個，会否朋友圈子好小？

ruudi82

chancarrie1 發表於 20-5-14 19:48
谢谢你呀。
想再問下，

[tr][/tr]

[size=1.25em]1.上學下課時間是幾點？有冇邊D日子是可早放的？ 答: 8:00-8:15 唔記得, 放16:15, 考試會早放 2.每日有多少功課？多抄生字？什麼類型練習较多？ 答: 4-5樣/ 功課唔多, 有抄寫但唔多..做作業又有抄詞又有作文又有 3.有冇導修堂時間做功課？ 答: 每日都有, 我個仔認真做, 一般係學校可完成8成功課 (有D同學導修堂用黎玩, 返屋企緊做餐死) 4.回家後是否日日要温書應付測默？有冇玩，閱讀時間，親子時間？我好想小孩有閱讀興趣。而且怕温書温到夜大壓力？ 答: 我個仔去到小三: 一放學返屋企沖涼, 之後仲可以瞓兩個鐘, 之後食飯睇埋愛回家先再用一/兩小時做功課/溫書...默書唔係默好多, 一兩日可溫好, 測驗溫多幾日LOR..但唔駛日日溫書....星期六日溫多D LOR ...(但我個仔記野比較快, 我唔覺佢辛苦但唔知其他人係咪咁[size=1.25em]) [size=1.25em]5.同班念6年不調班，加上每年走左幾個，咁6年来可能只剩下约20個，会否朋友圈子好小？ 你當年小學朋友都唔會人人熟啦, 小朋友插班生半年都會熟左, 而且六年一齊我估慼情會比其他小學好(個廿個六年直升同學)

chancarrie1

十分之多谢你呀。
一班成40人，有幾多個班主任？
對小朋友關注得好嗎？
尤其小一會送小禮物比他們？或有冇咩鼓勵他们愛上學？

另外，班上同學的背境有非常多是大陸人，即有冇一半？他們会否埋堆，不喜歡同香港小朋友玩？以你所見，同學大多數是乖巧否？素質如何？

蘇浙重視家校合作嗎？日常有咩工作可讓家長做義工日日去幫手？例如有冇故事家長，午膳家長等等。

不知有冇校巴路線，上下車時間參考。

小一生小息時，可以去邊？有冇不准到操場個D規矩？小孩可以好活潑輕鬆咁小息放電嗎？

ruudi82

chancarrie1 發表於 20-5-14 23:07
十分之多谢你呀。
一班成40人，有幾多個班主任？
對小朋友關注得好嗎？

十分之多谢你呀。
一班成40人，有幾多個班主任？一個

對小朋友關注得好嗎？
一般 (睇老師啦), 上年個班主任錫我小朋友多d(所以關注多d)....今年個個正常....咁都好正常呀, 小朋友同老師人夾人, 劉德華咁靚仔都大把人唔鍾意啦

尤其小一會送小禮物比他們？或有冇咩鼓勵他们愛上學？
冇

另外，班上同學的背境有非常多是大陸人，即有冇一半？他們会否埋堆，不喜歡同香港小朋友玩？以你所見，同學大多數是乖巧否？素質如何？
你香港人定大陸人? 香港人佔1/4到啦..(我個班計)
我個仔同香港同學比較熟...不過我去班party 都見到大陸同學同香港同學係會一齊玩的, 相處融洽, 我覺得無論咩國籍小朋友, 都算乖 (但然一定有d好動d, 但間間學校差唔多)

蘇浙重視家校合作嗎？日常有咩工作可讓家長做義工日日去幫手？例如有冇故事家長，午膳家長等等。
我覺得一般啦, 但有時有反映比家教會聽, 家教會都幾認真同學校傾, 所以我覺得家教會做得唔錯

不知有冇校巴路線，上下車時間參考。
https://kcs.edu.hk/ps/schoolbus/bus1819/2nd/c-time.pdf

小一生小息時，可以去邊？有冇不准到操場個D規矩？小孩可以好活潑輕鬆咁小息放電嗎？
小一好似唔可以去操場.(唔太記得), 其他年級可以去小息放電

kwokbobo

ruudi82 發表於 20-5-14 18:35
1.教學時多唔多小組话動？定9成也是死板board and chalk? 答: 定9成也是死板board and chalk

2. 老師們有 ...

我想請問第9題: 三測三考
咁三次測驗會計入成績表嗎??默書又會唔會計入成績表??係咪一年派三次成績表?謝

ruudi82

kwokbobo 發表於 20-5-15 13:55
我想請問第9題: 三測三考
咁三次測驗會計入成績表嗎??默書又會唔會計入成績表??係咪一年派三次成績表?謝
...

默書計平時分一種, 所以係計分的, 三次測驗亦會入成績表的, 一年派三次成績表(冇記錯的話)好處係其中一次失手都追得返