用戶登入
用戶名稱:
密      碼:
搜索
教育王國 討論區 小學雜談 求經驗分享 - 運動校隊
發新帖回覆
查看: 895|回覆: 19
go

求經驗分享 - 運動校隊

Rank: 4


809
發表於 20-5-8 20:01 |顯示全部帖子
想請教下學校無個項運動嘅校隊,而家長又好想開發佢,係咪係一件難事?因為少左同學一齊玩嘅感覺,又無得為校爭光⋯⋯定因人而異?

所以我其實係咪應該開發學校有嘅校隊呢?謝謝!

Rank: 5Rank: 5


1731
發表於 20-5-10 17:39 |顯示全部帖子
kimlam953 發表於 20-5-8 20:01
想請教下學校無個項運動嘅校隊,而家長又好想開發佢,係咪係一件難事?因為少左同學一齊玩嘅感覺,又無得為 ...


你小朋友幾年級?

學校有冇規定每個同學都要參加一項校隊?

你對小朋友玩運動有咩期望?例如係入港隊/升中用作特異功能/強身健體減肥/作為社交活動消磨時間
我是護書簿

Rank: 11Rank: 11Rank: 11Rank: 11


44900
發表於 20-5-10 18:56 |顯示全部帖子
無學校校隊,都有出面的隊,例如泳會,一樣有操有比賽,一樣有隊員一齊操。

反而係小朋友係獨立個體,唔係家長開發就開發到。或者開發咗,佢玩玩吓一百個理由唔玩落去都未定。開發住先,睇吓咩情況再講。

點評

maylin88    發表於 20-5-12 10:53

Rank: 6Rank: 6


7578
發表於 20-5-10 21:58 |顯示全部帖子
要睇你個終點擺左落邊度,強身健體?升中學?定係參加奧運?

小學生玩運動,家長既投入與支持係最重要。例如個人球類項目(細波),校隊一星期可以有幾多小時可以訓練?你多少都要自己想下計仔,但你想要請私人教練,郁下都三幾百一小時起跳,一星期至少學三堂,一個月就攪左幾千蚊,仲有水腳洗費家長管接管送既成本。到你洗濕左個頭,你自然有要求,而到小朋友唔想再玩,就係一句,你講幾多都係哂氣,所以你要預左輸清老本。不過再玩落去,成球咁玩左去都大有人在。

如果係想開始,我建議都係由球類開始(大波),足籃欖排果D,第一人夠多,第二平好多。大波其實係所有小朋友都玩到,基本一定有手眼協調既訓練(對將來轉項目有極大幫助),已經足夠,如果係足欖,仲一定要曬太陽,冇冷氣,跑餐死。

PS:而家玩既野唔等如要玩一世,係可以半途出家,最緊要係小朋友肯玩。

Rank: 4


809
發表於 20-5-11 00:13 |顯示全部帖子
ar_mak 發表於 20-5-10 21:58
要睇你個終點擺左落邊度,強身健體?升中學?定係參加奧運?

小學生玩運動,家長既投入與支持係最重要。例 ...

多謝意見!我希望小朋友有運動嘅習慣,如能從中學懂堅持和毅力,及輸得起就更好!並不為升中,更不想他做全職運動員。

多謝你俾到budget嘅角度我呀!想請問羽毛球只是考章,需要搵私人教練嗎?同埋只為考章,通常一星期要練幾多日?我其實最想開發他的就是羽毛球...可惜學校無校隊,如果只靠出面球會打,睇怕好難打到好成績...(因為聽聞學界反而較為易攞獎,對嗎?)無好成績又唔知自己小朋友仲有乜機玩落去...

小朋友而家有玩緊足球,可惜無乜天份,拉牛上樹咁。籃球反而見到佢有興趣,可惜又是學校無校隊....難道真係要去操水?但我作為過來人,真係無其他運動可開發才諗操水...

想請教小一二,未發現運動專長時,玩三項運動會否太多?假設每項只是一星期一次

謝謝!


Rank: 4


809
發表於 20-5-11 00:16 |顯示全部帖子
losoco 發表於 20-5-10 17:39
你小朋友幾年級?

學校有冇規定每個同學都要參加一項校隊?

小朋友將會升小一,學校應該不會有規定參加校隊嘅要求

希望強身健體增高(但操練過度是否反而不高?)及學懂堅持毅力及輸得起!

Rank: 4


809
發表於 20-5-11 00:18 |顯示全部帖子
Jane1983 發表於 20-5-10 18:56
無學校校隊,都有出面的隊,例如泳會,一樣有操有比賽,一樣有隊員一齊操。

反而係小朋友係獨立個體,唔係 ...

謝謝意見!想請教初小時未知小朋友運動嘅專長及興趣時,有三項運動會否太多?我小朋友將會讀龍校,並不打算開發音樂,所以時間上時否可行?謝謝先!

Rank: 6Rank: 6


7578
發表於 20-5-11 01:02 |顯示全部帖子
kimlam953 發表於 20-5-11 00:13
多謝意見!我希望小朋友有運動嘅習慣,如能從中學懂堅持和毅力,及輸得起就更好!並不為升中,更不想他做 ...
講羽毛球先,以我有限公司既認知,想價錢平可以去報康民署既青苗,好似係一對八,一星期要打3晚,要通過選拔既。如果小朋友夠專注力同體能好,一對一係快上手好多,大約都係在一小時不停去執幾個動作既姿勢,跟手門,學步法,掌握距離感,超悶。唔捱得悶同埋體能唔夠,就可以等再大D先。
然後講校隊勒。呢樣野真係好參差,要係睇學校肯擺幾多資源落去。有D學校真係連報名都未必會幫學生攪,全部係家長自己硬食,就算你捱義氣出去代表學校贏左個獎,學校都係哦一聲應你就算鬼數。呢個到時了解清楚先,唔好有美麗的誤會,亦唔好痴心錯付。

再講你小朋友玩緊足球好似拉牛上樹咁。呢個係正常到不得了,美斯都唔係DAY1就好鍾意踢波。如果呢D野拖得既就請儘量拖,佢落到場仲肯跑,你就繼續比佢去。你自己都要學懂堅持和毅力,及輸得起就更好!其實好多運動員,都係捱下捱下咁捱出成績,但你決定離場就肯定係玩完。再講,首先放棄果個點解會係你呢?PS:曬太陽&隊友,小朋友已經贏左好多野架喇。


三項多唔多?我認為每日能夠開開心心去玩一項就最好。其實有D係好好玩既,例如閃避球啦,好玩果D,小朋友就會覺得唔夠玩。趁細個玩多幾項,一來係見識,二來平衡去發展身體每一個部份,三來相對於去到高小算係比較有時間。


PS:運動想有成績,代價會係好大,而且係完全冇保障性!只要受傷,就下一個頂上。唔係話唔好玩運動,而係唔好一開始就有過份期望,呢樣又唔似話學業咁樣,比較有掌握性。

Rank: 4


809
發表於 20-5-11 01:18 |顯示全部帖子
ar_mak 發表於 20-5-11 01:02
講羽毛球先,以我有限公司既認知,想價錢平可以去報康民署既青苗,好似係一對八,一星期要打3晚,要通過選 ...

多謝你呀!你嘅意見好有用!感激!

Rank: 5Rank: 5


1731
發表於 20-5-11 09:21 |顯示全部帖子
kimlam953 發表於 20-5-11 00:16
小朋友將會升小一,學校應該不會有規定參加校隊嘅要求

希望強身健體增高(但操練過度是否反而不高?)及 ...


既然係一心一條龍升中而又不是打算入港隊

咁就輕輕鬆鬆慢慢玩啦
就趁細試多幾樣

如果要認真打羽毛球
全部都係好細就練基本功同思維
不是學似足籃排咁
可以中途齋靠體型體格速度就可突然轉入去恰人
我是護書簿

Rank: 11Rank: 11Rank: 11Rank: 11


44900
發表於 20-5-11 11:03 |顯示全部帖子

回覆樓主:

初小有時間,試玩唔同活動,好適合呀。一次過玩2樣定3樣都ok,睇佢體力和課程安排。

開始可以玩group,要精進難免一對一,和四處比賽。磨練的唔只仔女,對家長銀包、精力和情緒的考驗都好大。

Rank: 11Rank: 11Rank: 11Rank: 11


40226
發表於 20-5-11 12:52 |顯示全部帖子
kimlam953 發表於 20-5-11 00:13
多謝意見!我希望小朋友有運動嘅習慣,如能從中學懂堅持和毅力,及輸得起就更好!並不為升中,更不想他做 ...
恕直言,既然 badminton n basketball 都冇校隊,人地明明喜歡後者,為何你會想開發前者呢?比多些exposure 本身不是問題,但就唔好一廂情願。至於三項多唔多,好睇你時間安排,住係學校附近,唔洗點補習,功課快完成,絕對handle 到的,但與其樣樣通,不如一様精。若你真的很想,我建議你利用summer vacation 的時間去試,有興趣升小一後繼續
至於考章,racket sports 都是考核球技和動作,咁當然要練,要練就當然要有教練,最終要幾$,個章可以用來做乜,自己行量la。

Rank: 4


809
發表於 20-5-11 13:06 |顯示全部帖子
losoco 發表於 20-5-11 09:21
既然係一心一條龍升中而又不是打算入港隊

咁就輕輕鬆鬆慢慢玩啦

本帖最後由 kimlam953 於 20-5-11 13:08 編輯

多謝你!

Rank: 4


809
發表於 20-5-11 13:07 |顯示全部帖子
Jane1983 發表於 20-5-11 11:03
初小有時間,試玩唔同活動,好適合呀。一次過玩2樣定3樣都ok,睇佢體力和課程安排。

開始可以玩group,要 ...

Thanks!

Rank: 4


809
發表於 20-5-11 13:48 |顯示全部帖子
MrBeast 發表於 20-5-11 12:52
恕直言,既然 badminton n basketball 都冇校隊,人地明明喜歡後者,為何你會想開發前者呢?比多些exposure ...

Sorry 我漏左提佢都喜歡羽毛球,因為我/公公(日頭幫手湊)都喜歡呢兩樣運動,較多同佢玩,所以佢都比較鍾意
足球呢?爸爸鍾意但又少同佢玩,最近才的起心肝同佢練,但玩還可以,一正經練又成日推塘唔練...好可能爸爸踢波一般又唔識教...

個章只是希望令佢有個目標,因為我細個都成日打羽毛球,但不是正式學,總覺得和人家正式學好大分別。我以為要攞獎才要付出大量錢,想不到原來考章都要...謝謝你嘅資訊呀!

Rank: 11Rank: 11Rank: 11Rank: 11


40226
發表於 20-5-11 14:11 |顯示全部帖子
kimlam953 發表於 20-5-11 13:48
Sorry 我漏左提佢都喜歡羽毛球,因為我/公公(日頭幫手湊)都喜歡呢兩樣運動,較多同佢玩,所以佢都比較鍾 ...
細路仔中意玩,唔中意練,人之常情。
又講個故,真人真事,有日放底小朋友去eca我就到附近市政大樓library, 在升降機有個女仔問:媽可唔可以食麥當勞,媽:每次打完波都要,唔通每星期買7次比你,冇。

badminton不熟但相信 考初級銅章唔會太難,若家人可以同佢練可以慳dd。

建議你google 下坊間的球會,睇下有無邊間適合你們。事實上,就算有校隊,通常end up 都是再加球會和C中

Rank: 6Rank: 6


7578
發表於 20-5-11 16:11 |顯示全部帖子
MrBeast 發表於 20-5-11 14:11
細路仔中意玩,唔中意練,人之常情。
又講個故,真人真事,有日放底小朋友去eca我就到附近市政大樓library, ...
女:媽,甘吳玩三樣甘多得DUCK5DUCK呀?

媽:得,下個月同你轉玩一樣叫做三項鐵人既野。

PS:拿,三樣都唔叻既話,都唔緊要,識得炒埋一碟就得架勒。

PS:羽毛球可以去運動場坐幾個月,就會識到好多教練,睇得多自己都會知咩教練岩自己小朋友。

PS:考章其實冇咩作用下馬???


Rank: 11Rank: 11Rank: 11Rank: 11


40226
發表於 20-5-11 17:32 |顯示全部帖子
ar_mak 發表於 20-5-11 16:11
女:媽,甘吳玩三樣甘多得DUCK5DUCK呀?

媽:得,下個月同你轉玩一樣叫做三項鐵人既野。
鐵人好吖,一個人練都得,唔洗搵教練
考章,可以好似樓主咁講當做一個目標,當然達到之後去唔去考就自己諗

Rank: 6Rank: 6


7578
發表於 20-5-12 00:11 |顯示全部帖子
MrBeast 發表於 20-5-11 17:32
鐵人好吖,一個人練都得,唔洗搵教練
考章,可以好似樓主咁講當做一個目標,當然達到之後去唔去考就自己諗
...
你游緊水果陣,咁邊個睇住架單車?鐵人要拎好多架生呀,洗頭水大毛巾跑鞋一大抽野。。。係一隊人陪住練呀~

PS:考章果度既實戰情況我唔係太清楚,但估計都係考某個程度需要達標既野,亦都肯定會造成好多人達標,就係因為咁,考黎做嘜鬼???

Rank: 11Rank: 11Rank: 11Rank: 11


40226
發表於 20-5-12 07:46 |顯示全部帖子
ar_mak 發表於 20-5-12 00:11
你游緊水果陣,咁邊個睇住架單車?鐵人要拎好多架生呀,洗頭水大毛巾跑鞋一大抽野。。。係一隊人陪住練呀~ ...
考章要講已講左,樓主她自己決定吧
你需要登錄後才可以回帖 登錄 | 註冊