家姐＋細佬，11/12/14校網好？

loobeebee

家姐三歲半，細佬剛滿兩歲，嚟緊打算搬返港島，灣仔、堅尼地城、西灣河都有睇啱，所以想睇吓邊個校網比較適合家姐細佬依個配搭⋯⋯
之前爬過吓post, 得到以下資訊，但D posts 可能都好幾年前，唔知近年情況如何：
11: 數一數二嘅好校網，但升中女仔選擇好過男仔。其實男仔係咪真係咁差？
12: 都係數一數二嘅好校網，軒小好似最啱一男一女組合。之前有前輩提過係天地網，但其實就算中寶校，係咪都唔會真係好差呢？
14: 幾好嘅校網，但都係天地網⋯⋯但其實除咗canossa係一線 , 其他係咪都唔太差呢？

感謝大家(emoji)(emoji)

will_bluedream

14學網我比較熟。
係比較平均，比較少人鍾意的兩間學校都有好多家長讚。


番禺會所華仁小學
香港嘉諾撒學校
滬江小學
北角循道學校
丹拿山循道學校
北角官立小學


都係好學校，所以係個好區~

ruudi82

家住12網, 個女讀11網, 個仔讀14網

NNbaby

男仔避開11網

Poyau

14網
華仁/嘉諾撒有直聯中學屬大熱
其他以滬江升B1%居首有4x%
另外有6間升B1%為3x%

1998Ruby1998

有仔仔就肯定唔要 11。11 男仔可以揀嘅 St Jo、高主教、QC、TSK 得嗰幾個位，KC 公海位得 52 個，咁全個中西區肯定唔止 52 個 Band 1 仔仔掛？99 網偉倫都係中西區升中。小學乙一唔填大熱 Peter、女校，其他都唔包乙一中。所以要玩 11 網，請準備私小。

咁 12 網個 pool 好細學校，多直屬多聯繫，抽唔入直屬唔入聯繫，咁升中就頭痕啲。Band 1 就當然打橫黎玩都得，Band 2 仔仔可以揀嘅 Band 2 校應該係得 TKP、金文泰，但亦因為個 pool 細，絕對有可能偷雞入到 Band 1。TKP 應該係只有 2 班英文班，金文泰幾丁位，全中中。女仔 Band 2 就有何東，一樣都係 2 班英文班。小學乙一大部份都搏 4 直屬 2 聯繫。如果冇私小又「怕死」，可以乙一寶血，相信暫時都仍然能夠乙一全收。寶血 19 年升 Band 1 就 37% 左右，因為灣仔算係利升中關係，所以佢係香港二線小學裏面升中比較理想嘅學校。如果要抽嗰幾間直屬聯繫，請考私小。冇就可以乙一寶血收工。

14 網各有支持者，非直屬/聯繫嘅學校升中表現都比較平均。嘉諾撒（CPS）就男女校但男仔數目少啲，但如果家姐抽到而你又願意畀細佬讀呢間，咁就可以收工。CPS 升中就當然不錯，始終有聯繫。由於升中業績係男女一齊，所以男仔實際升中情況就要等用家分享。咁目前睇到男仔都考到灣仔 St Jo、男拔。根據 15 年用家分享，頭 15 名，有 4 名都係男仔。咁睇，男仔都冇因為女仔而成績被比下去。如果冇私小又「怕死」，咁乙一北官（記得係北官，唔係 12 網間雲官）、炮米、北循都應該安全。北官升中 33%，炮米冇列出實際數據但估計都係 33% 呢個位，北循只列校名，但根據「學校有人跨區 Band 1/考到 Band 1 直私通常都唔升中好差」呢個想法，北循有人入女拔，但得一個，咁估計升中方面應該冇前兩間咁好但未必差。東區男仔升中就比中西區好但都係有少少學位短缺，但 Band 2 都有唔少選擇。除左金文泰，仲有衞理、劉永生、顯理。衞理係 Band 1 保險線，Band 2 大熱，因為佢有 4 個英文班。劉永生 2 個英文班，高中數學、BAFS、理科都係有英文組。顯理一個英文班。東區仍有其他 Band 2 例如寶血（女）、慈幼（男）、小西灣福建、嶺南衡怡、嶺南、培僑等，跨區幾丁位有何東、香港仔呂明才。詳細請參考各校語言政策同爬文。東區本區中學就真係 Band 123、ABC 都齊曬，但男仔就要努力啲盡量爭取自行/直資離場。