用戶登入
用戶名稱:
密      碼:
搜索
教育王國 討論區 小一選校 分享去年2019年成功叩門經歷。
查看: 26768|回覆: 48
go

分享去年2019年成功叩門經歷。

Rank: 3Rank: 3


493
發表於 20-5-4 15:26 |顯示全部帖子
本帖最後由 will_bluedream 於 20-5-4 15:27 編輯

首先要同主版講一聲唔好意思,之前冇睇清版規。

2019大抽獎,派左去14校網既佛教小學,老婆係教徒,所以就決定叩門。
用左幾個通霄,參考左十來個portfolio,搵了學校資料,參觀了的或有朋友子女讀緊的,讚賞及講明一下學校和叩門的原因,再問埋幼稚園校長同神父寫推薦信比最鍾意的2間學校。
要提一提每間學校都有唔同交profile時間,profile要求亦有唔同,一般用5張紙(雙面),要幾時既成績,什麼文件也要注意。係叩門學校網頁一般都有詳細寫明。其實大抽獎前最好寫好profile,有學校結果幾日內就截止交後補叩門申請的了。另外就會要同小朋友練下面試時對答技巧。


我地一共遞交左7間學校14及16校區。開始左一個月的叩門經歷。

以下是我們遞交了portfolio的學校:
滬江小學 <---沒有回覆。
太古小學 <---最早回覆和面試,不記得是8月中還是尾,來電說還有位置,問我們是否有興趣。
天主教明德學校 <---面試兩天後來電說錄取了。
北角官立小學 <---面試後會告知月尾在學校的網頁公佈結果,女兒是錄取了的。
北角循道學校 <---面試後3,4天左右來電說錄取了。
中華基督教會基灣小學 <---面試後沒有回音,沒有份進行第二輪面試,我們寫了信給校長,過了兩天學校來電說可以安排第二輪面試,但是我們已經收到心儀學校的錄取了。
香港嘉諾撒學校 <---面試後一個多星期後來電說錄取了。

什麼需要1.1.1才可以面試的說法都不要管了, 我們1.1.1是選了香港嘉諾撒學校,但是也有5間學校接受我們申請面試。也不要只選一間面試,因為小朋友和家長都要熱身,要練習的,第一,二次面試好可能因為緊張而失準的。我女兒去第一間學校面試時就連當然為什麼要去那間學校,去做什麼都答不出。

有一幾間學校都有一個觀察小朋友的點,就是叫小朋友自己坐一會兒跟家長先聊一會,小朋友坐的地方有玩具跟圖書給小朋友選擇,怎樣教小朋友選擇,怎樣認真看圖書,家長要好好教導。

有些細節都忘了,大家有什麼問題我盡量回答。


點評

Poyau    發表於 20-5-6 18:37
Lois小煮意 Lois Kidchen

Rank: 4


678
發表於 20-5-4 17:10 |顯示全部帖子
感謝分享

有需要家長面試嗎?大概會問什麼?

Rank: 4


620
發表於 20-5-4 17:25 |顯示全部帖子
回覆 will_bluedream 的帖子

請問面試模式?做卷?如果唔做卷,面試考d 咩?小朋友應該點準備叩門好呢?Many thanks

Rank: 3Rank: 3


493
發表於 20-5-5 12:03 |顯示全部帖子
grace_nam_nam 發表於 20-5-4 17:10
感謝分享

有需要家長面試嗎?大概會問什麼?
6間面試既學校入面,有5間都有同家長短談的,大約5分鐘,之後同小朋友傾的時間是會較長的。

問:
對學校有咩認識。(如果有識小朋友讀緊的,可以提一下)
點解有興趣來叩門。(可以提有認識的小朋友讀緊,有去學校開放日,住附近有留意出入教師同學給人的校風)
對學校的要求,定位。
家長同學校的角色。
平時課堂外或放假會做咩。
對小朋友有什麼期望。

平時邊個湊小朋友。(個人覺我全職媽媽有優勢的)
小朋友有什麼興趣,優點,有沒有學什麼興趣班。
係幼稚園有冇做過什麼表演。


要同小朋友夾一夾,有時問完家長又問小朋友,唔一致就唔多好啦~
小朋友要識自我介紹,2-3分鐘,可以提下係學校過什麼表演,興趣,興趣班等等都提一下。

我女K3自我介紹有提畢業禮有做MC(其實人人都有D野做同有幾句話講的),有兩間學校問仲記唔記得,叫佢講多一次。另有提佢鍾意唱歌,有一間叫佢唱歌一首歌的。

暫時記我咁多。


Lois小煮意 Lois Kidchen

Rank: 3Rank: 3


493
發表於 20-5-5 13:39 |顯示全部帖子
gerunddd 發表於 20-5-4 17:25
回覆 will_bluedream 的帖子

請問面試模式?做卷?如果唔做卷,面試考d 咩?小朋友應該點準備叩門好呢?Ma ...
其實唔係間間都考學術野的。

中華基督教會基灣小學的第一輪只見小朋友,分批去課室,呀女話老師問問題,佢地寫答案落紙。
香港嘉諾撒學校 是一齊入課室,家長同小朋友傾一陣,家長出去。呀女話有中英數,各兩題。
天主教明德學校係睇PPT既問題,係紙度寫答案。

其他都係全程一齊面試問日常生活既野。

中文係睇字讀句子或字(好似有一題係舉出1個有"木"字在的中文字,例如林,杏)。
英文係睇圖讀生字(我地遇過的有動物及水果。) 另有英文字母比大楷寫細楷。
數學係字數字,加數,除數(例如問6粒糖分比3個人,每人有幾多粒)。


Lois小煮意 Lois Kidchen

Rank: 3Rank: 3


293
發表於 20-5-5 16:30 |顯示全部帖子
多謝分享!!
請問北循同北官都收portfolio嗎?? 我見學校網站無講

Rank: 3Rank: 3


493
發表於 20-5-5 17:02 |顯示全部帖子
siuman1011 發表於 20-5-5 16:30
多謝分享!!
請問北循同北官都收portfolio嗎?? 我見學校網站無講
兩間都收的,準備好portfolio,遲少少六月頭再上學校網頁睇丫。
Lois小煮意 Lois Kidchen

Rank: 3Rank: 3


493
發表於 20-5-7 10:14 |顯示全部帖子

Portfolio封面我有一個建議的,我將呀女晝出來,穿上叩門學校的校服。
面試時老師都有提過一下說封面可愛的。



點評

medicine    發表於 20-5-7 13:28
Lois小煮意 Lois Kidchen

Rank: 3Rank: 3


110
發表於 20-5-12 14:54 |顯示全部帖子
請問你囡囡平時如何準備?例如有咩興趣班?日常有否外補?

Rank: 3Rank: 3


493
發表於 20-5-12 17:22 |顯示全部帖子
milky_pig 發表於 20-5-12 14:54
請問你囡囡平時如何準備?例如有咩興趣班?日常有否外補?
囡囡K2時有學過大半年芭蕾舞,
有上一D短期的烹飪班10堂左右,
有上英文phonics班上左一年,
另外K2暑假有上幾堂英文戲劇班, 上左3,4堂咁上下。
冇另外補習果D了。

平時呀女講野都唔差的, 不過第一間去太古小學面試時我地只係模擬問答左陣,但完來現場真係會咩都唔識答.之後我地度左一段自我介紹,入面包含左一D常問既問題, 老師問咩都基本上答同一段說話,只係次序唔同, 基本上問咩都一大段答,可以答3,4句。

要教小朋友唔好問一句答一句, 要有所發揮, 問鍾意咩科目, 可以講埋自己學過既野同興趣。
問有咩興趣可以講埋學過咩興趣班, 鍾意咩科目。

要用唔同問題模擬去問小朋友,因為有時字眼唔同左小朋友就會Hang左機.
你鍾意咩科目/咩科目最有興趣/最鍾意上咩堂, 唔同問法,比佢練習下。

唔好要小朋友講大話, 好似你想小朋友講平時有常去圖書館,最鍾意晚上父母讀圖書時間。
小朋友唔識執生的, 老師如果一追問就會穿左, 我建議辛苦少少,果個月就真係做你想佢答既野。K3小朋友2個星期去做一樣野,佢都覺得係好長時間的了。

個人覺得要比老師覺得小朋友面試係開心既, 家長同學生關係係好既。
因為學校揀學生,最唔想收既學生唔係資質唔好,而係經常有問題多手尾跟的.


暫時想到咁多, 多D人討論下, 睇下有冇其他野想到~

Lois小煮意 Lois Kidchen

Rank: 3Rank: 3


493
發表於 20-5-14 16:49 |顯示全部帖子
有版友PM我,想我分享個portfolio出來,不過太多個人資料了,打哂格仔又唔知仲可以見到D咩,所以我都仲未考慮緊,或者我打左格仔睇下係咩效果先啦。
Lois小煮意 Lois Kidchen

Rank: 5Rank: 5


2258
發表於 20-5-14 17:56 |顯示全部帖子
will_bluedream 發表於 20-5-14 16:49
有版友PM我,想我分享個portfolio出來,不過太多個人資料了,打哂格仔又唔知仲可以見到D咩,所以我都仲未考 ...

其實唔需要分享portfolio,上網搵sample都大把,你分享咗等陣今年大家去叩門交一式一樣既portfolio,唔講以為搵同一間公司做。
分享內容放啲咩已經ok,唔係就似賣廣告啦

Rank: 3Rank: 3


190
發表於 20-5-15 15:02 |顯示全部帖子
想請問你是否只選了最心儀的兩間小學有交幼稚園的推薦信? 其他的小學沒有交幼稚園的推薦信也成功獲取錄? 謝謝

Rank: 5Rank: 5


1803
發表於 20-5-15 16:15 |顯示全部帖子

回覆樓主:

Portfolio 內容要放啲乜好多網已有咩細分享

Rank: 3Rank: 3


493
發表於 20-5-15 17:16 |顯示全部帖子
mwcchoi 發表於 20-5-15 15:02
想請問你是否只選了最心儀的兩間小學有交幼稚園的推薦信? 其他的小學沒有交幼稚園的推薦信也成功獲取錄? 謝 ...
是的, 只有最心儀的兩間小學有交幼稚園的推薦信, 因為推薦信是直接寫給那學校的。
有其他4間學校都成功獲取錄。
我們都有在portfolio裡做了一封自薦信。
Lois小煮意 Lois Kidchen

Rank: 3Rank: 3


190
發表於 20-5-19 10:19 |顯示全部帖子
will_bluedream 發表於 20-5-15 17:16
是的, 只有最心儀的兩間小學有交幼稚園的推薦信, 因為推薦信是直接寫給那學校的。
有其他4間學校都成功獲取 ...
謝謝你。
其實我係驚無推薦信會影響印象分,幼稚園的評估又不是很出眾,到時連面試機會都無...

Rank: 3Rank: 3


190
發表於 20-5-19 10:42 |顯示全部帖子
will_bluedream 發表於 20-5-15 17:16
是的, 只有最心儀的兩間小學有交幼稚園的推薦信, 因為推薦信是直接寫給那學校的。
有其他4間學校都成功獲取 ...
想請問你的自薦信是寫中文定英文?

Rank: 3Rank: 3


493
發表於 20-5-19 11:55 |顯示全部帖子
mwcchoi 發表於 20-5-19 10:42
想請問你的自薦信是寫中文定英文?
自薦信我是用長家身份中文寫的,另有一封是用女的身份呀女手寫的。
Lois小煮意 Lois Kidchen

Rank: 3Rank: 3


446
發表於 20-5-19 12:32 |顯示全部帖子
will_bluedream 發表於 20-5-19 11:55
自薦信我是用長家身份中文寫的,另有一封是用女的身份呀女手寫的。

請問2封信內容是寫什麼?
是日常生活還是課外活動?

Rank: 4


538
發表於 20-5-19 13:11 |顯示全部帖子
嘉諾撒是否很難抽,見好多人111都話唔中。