循道衛理楊震服務處

k.kay

請問有冇家長既小朋友讀過或讀緊呢間幼兒園呢..想聽下呢間學校既意見....請大家分享一下啦!!

彥彥媽咪

Hi,

你係講邊間? 響何文田上面個間定係 Waterloo Road 個間呢.....我個細仔就係響 Waterloo Rd 個間, 都唔錯丫..

k.kay

彥彥媽咪,
卒之有人回應啦..聽左你講,我都放心好多,我個女同你個仔一樣係窩打路道個間囉..我今日就去交學費啦...9月1日就會正式返學囉..你仔仔而家係咪讀緊n1呀?咁9月佢係咪會升n2呀??個到d老師有冇愛心架?聽聞佢地個度有外籍老師,咁n1有冇份上外籍老師堂架?
唔好意思..我太多問題啦!!

彥彥媽咪

k kay

哦....icic....welcome you ar.. 我細仔依家係 N1, 九月都係 N1 (佢係 2003/3 月出世), 但我唔想佢到今年九月先入學, 所以之前同主任講等佢一夠兩歲就俾佢返, 所以佢今年四月就已經返學喇...當時 N1 仲好多人, 學校就先安排佢同 N2 d 小朋友一齊, 可能個班d小朋友大佢成年, 所以反而好鍚佢同就佢, 最近因有d小朋友畢業 or 升班, then N1 有位喇...佢八月就開始調番落 N1 喇....

所以佢下年都會同你囡囡一班.....

N1 d老師都唔錯架..係呂老師同陳老師, 我見呢間幼兒園d老師平均年紀係就係大d, 但就好有耐性, 都好搞得掂d小朋友架...我細仔返咗幾日就唔喊 lu, 都唔駛特別陪佢上堂嘅~~

外籍老師...我又冇留意呀...我記得依家佢地英文係由一位菲律賓男老師教嘅, 不過下學年佢會調去第二度, 所以唔知會由邊位教...而且...我係打算比細仔讀一年就轉去佢哥哥間幼稚園架喇...咁既然只係一年, 我就冇特別理有冇好多英文學囉...    我但求佢可以學多d自理 at this stage only...   

k.kay

彥彥媽咪 ,
我地既小朋友可以做同學仔啦,我交晒學費啦,等9月1日見啦,你係咪親自接囝囝返學架,我就會自己接囉..唔知到時我地會唔會見面呢..
我個囡都會只讀一年,因為我今年太遲搵學校囉,所以旺角區都full晒,只有這間仲有位,我見過個校舍,真係幾舊同幾細囉..得4個班房,一條走廊,呢點真係唔係幾好,不過都冇法啦!!!唯有下年再同佢轉校囉..

我諗我囡囡同你囝囝都幾岩玩,因為差唔多大嘛,我個囡大你個囝2個月囉..佢係03年1月出世架!!你個囝真係幾叻喎,二日就唔喊,個時佢仲咁細,真係好叻!!!
希望如你所講,真係咁易適應就好啦..真係擔心死..

彥彥媽咪

K.Kay:

No worry la..... 喊係一個必經階段...係咁架喇...我好你少少因為我大仔個時好活潑, 所以好少喊, 而到依家呢個, 可能因為係第二個嘛...咁點都會冇第一個咁緊張, 所以好似可以好輕鬆咁咋...其實初時見佢喊都肉赤架...不過好快佢地就慣架喇...到時就冇嘢 lu....

我有時都會湊佢返學, 不過我就多數湊大仔先...工人就湊細仔, 但九月開始可能會好d...因為大仔 K3 返下午, 所以"冇抵觸" (以前大仔 K2 返上午佢唔俾我湊細仔返學架, 成日要我湊咗佢先), 咁就可以多d親自帶細仔返學, 因為我住附近, 所以我好 enjoy 每日湊佢放學然後一齊拖住手行番屋企個種 feel ga...一路行一路傾偈, very sweet wa....     

k.kay

彥彥媽咪,
我而家開始認下你細仔個樣...等第時有機會同你相認嘛!!haha!!不過我地可能都好少會撞到,因為我只會湊個囡返學,放學就由佢daddy,婆婆or姨姨湊囉.

彥彥媽咪

k kay:

好呀.....你第日見到我個仔又見到我時記得叫我噃....     嚟緊個 term 反而有機會返學碰到噃...因為我大仔 K3 係返下午班, 所以我可以有多d時間去湊細彥返學喇....

    

馬媽媽

Please advise the tel no. of this nursery. Thank you.

k.kay

彥彥媽咪,
我陪左個囡返二日學啦未見到你既!?你個囝囝係咪讀幼一班呀?我個囡係小兔組架....你個囝囝係邊組呀??我好想同你相認呀!!!我個囡叫鍾穎彤呀，你囝囝叫咩名呀??唔知我地見過對方未呢??
我陪個囡返左日半學情況好混亂呀..好多小朋友喊，又多小朋友訓地...我個囡仲比同學仔打呀..黎緊星期一冇得陪...實擔心死我啦..我個囡星期一會食埋下午飯先放學呀!!你囝囝係咪會返全日呀?

彥彥媽咪

K.kay:

係呀.....細彥都係幼一班架....我個兩日都有親自帶細彥返學架, 不過都唔覺見到你噃....佢係"大象"組架, 細彥叫"邢文彥"呀.....我諗可能個兩日大家都有見過嘅, 不過人太多, 都睇唔到邊個打邊個 lu...

因為我細彥本身都已經返開呢間幼兒園, 所以個兩日你地就返兩個鐘, 但佢就係全日架喇...同佢一齊仲有兩個"lum 班"之同學仔, 不過可能因為個日 (Sep 1) 佢以前d同學仔都升哂班, 再加上個日好多家長同小朋友返學, 間房就變得好細好迫, 我細彥見到咁就嚇親, 仲喊到豬頭丙咁, 其實佢本來就冇事架喇...不過個兩日真係好混亂, 所以佢應該比當時咁 hui hum 嘅情況嚇親, 所以兩日都有喊呀....

俾人打就預咗架喇...細路仔郁手郁腳就實有嘅..不過d老師都會睇住, 唔駛太擔心, 你得閒就可以教吓你囡囡叫佢若俾人打就要出聲, 同老師講, 咁老師就會做嘢架喇...

你地下星期返半日咋.....?? 我細彥佢照舊全日架喇... 你會唔會湊小朋友返學丫..? 會嘅話就睇我地見唔見到喇?? 我地多數九點度先返到學校架..我多數都會親自帶佢嘅....睇吓我地可唔可以相認到..???     

k.kay

彥彥媽咪,
我明天係會親自帶佢返學架...希望我地到時會相認到啦..講真個2日真係好hui hum ，好彩我個囡冇喊囉，希望佢會快d適應啦。星期一其他小朋友都係返二個鐘唔使家長陪，但係我就比個囡返三個鐘，食咪下午飯先走囉!!都好彩，照咁睇個情況，其他小朋友走晒，都仲有你囝囝陪。haha!!

k.kay

彥彥媽咪,
好野呀你..一認就認得出個囡,我認唔到你囝囝呀,佢同張相個唔同既,真人大個仔D同精靈好多!!
我今日帶個囡返學,唔知做乜會同佢掉左位,係咪成日會同佢地掉下位架?為乜呢,你知唔知呀?唔知我個囡下次掉位會唔會掉去同你囝囝一張枱呢....

5354

hi k.kay,
how's tung tung?? is she happy in nursery??

彥彥媽咪

k.kay

Hee....我認得你囡囡係先認個名嘅, 再睇個樣架咋...

呢樹張相係 last christmas 影架, 所以可能佢又高咗d就唔同喇...

掉位..會有架...間唔中就又分過組, 等佢地同唔同小朋友 get along ar ma....依家你囡囡仲有冇一返學就      呀....??

細路仔d適應能力真係叻到你唔信, 呢頭    完個頭又   ......哈哈~~

幾時可以湊完女晏d先上班呀....or 我地早d返丫....約埋食早餐傾吓偈丫...       

k.kay

5354,彥彥媽咪,
唔計今日,彤彤己經係第四日自己返學,前二日就返3個鐘..呢二日就訓一陣覺,到2:30接佢..佢喊得好勁呀入到班房同埋同我分開個一下..朝頭早起身又唔肯返學,但就冇喊出黎囉.
老師話我走左之後,隔一陣佢就冇喊架啦..但唔知佢幾時先可以適應到呢..佢個班D小朋友好多個都喊架!!佢所以一入到班房,一見小朋友喊,佢就好大聲跟住喊架啦......./.\

彥彥媽咪,
你平時咪晏過我入班房既,你有冇留意我個囡仲有冇喊架??
送左佢地返學可以傾一陣架..我9:30走都得,因為我返9:30-10:00雅蘭中心個邊嘛!!不過我1-6都要返工囉.我呢二日送彤彤返學都見到你朋友,今日仲同佢傾左一陣添,我請佢幫我"莊"下我個囡嘛..haha^^

咁遲d可能會同你囝囝一組喎!!!

彥彥媽咪

kay:

禽日 (Friday) 我去湊細彥放學見到有位男士湊你囡囡放學呀...佢係咪爸爸呀~~~     

k.kay

係呀!!!   

彥彥媽咪 寫道:
kay:

禽日 (Friday) 我去湊細彥放學見到有位男士湊你囡囡放學呀...佢係咪爸爸呀~~~