ST Cath. vs 學之園 (凱帆校) K1

pepperlunch

本帖最後由 pepperlunch 於 20-4-23 00:23 編輯

SC及LH都收了我小朋友K1，但下個月初就要決定讀邊一間了，希望大家可以俾啲意見我。

我知呢類嘅post有唔少，我都睇了唔少，叫做有些概念。但其實要決定選擇邊一間，都好視乎每個家庭背景、小朋友性格、同想要啲乜野。

我小朋友係12月B，上年1月夠兩歲做細B喺其他幼稚園讀咗半年N班，同年9月於同校升讀K1，有學卷。但疫情問題，只係返咗4個月K1。因為想仔仔將來升讀直資/私小，所以今年決定重讀K1做大B。

我都爬了唔少文，嘗試綜合網上家長對呢兩間幼稚園嘅睇法，就係SC (相比LH) 比較happy school，教出嚟啲學生比較presentable (呢個都好多人提過)，但學術就無LH咁深，無LH咁谷，而課程亦無好似LH咁有systematic，有自己一套教材，所以有啲家長就話SC學生需要出面惡補 (但個人認為LH都應該有唔少惡補例子，唔少家長都因為有人補我補心態，唔好輸在起跑線)。

另外，亦有家長提及過小朋友在SC學習自理能力相比LH比較遜色。而大家相同或類似嘅地方就係語境好，升上小一成績亮麗。但其實無話邊間升小成績比另一間好啲，個人認為跟本無得比較，有些家長話LH好些，但可能只係因為LH比較公開升小數據，並唔代表SC升小成績相比無咁好，只係無實質數據。

小朋友性格好動，我地目標係一二線直私，並唔係神校，想小朋友可以愉快學習。所以希望大家可以俾啲意見，感激不盡

(補充) 我們都是全職上班，日間主要都由工人姐姐及外婆照顧。

Chubu

邊間比較就腳？ 升小成績應該2間都唔使擔心，係睇你鍾意邊間教學模式。前輩讀曬兩間，LHd家長比較平民，懶媽媽可以讀LH，全部野學校搞掂曬。st cat 家長social status 相對比較高，社會圈子高D，但放學要外補自己跟。睇你鍾意邊類。
以上是以入一二線直私為目標，要入神校我建議讀st cat然後補全科再加興趣班面試班乜都上齊。因為st cat 個名始終好聽小小

popofat

咁樓主有冇考慮自己作為家長可以付出幾多時間。如果不是full time mum. LH 有教材，透明度高，可能比較適合。兩間都係好學校，看看那一間比較配合自己屋企資源吧！

Dollys

pepperlunch 發表於 20-4-23 00:14
本帖最後由 pepperlunch 於 20-4-23 00:23 編輯

SC及LH都收了我小朋友K1，但下個月初就要決定讀邊一間了， ...

SC k好容易入，LH尤其係凱帆，好難入。
如果比較升小數據，
無論神校，一二線，
凱帆校都比sc整體更好！

Kitty_gigi

如果唔係ftm, 又想happy d, 就sc la.... LH要父母投入好多時間

wg_ann

兩間都係好學校，基本上入邊個都唔覺有大分別。
既然係雙職家庭又target直私，可考慮下自己需唔需要考小支援，另外LH都多活動俾家長自由參與（如聖誕表演，運動會等），雖然不是強制，家長願唔願意請假參與下學校活動。

hariet909

pepperlunch 發表於 20-4-23 00:14
本帖最後由 pepperlunch 於 20-4-23 00:23 編輯

SC及LH都收了我小朋友K1，但下個月初就要決定讀邊一間了， ...

你的情況來說，SC較合適。

estherpang

性格好動，希望愉快學習；呢兩個條件覺得SC 會比較適合

另外，雙職家長有機會覺得LH 會辛苦，因為expect 家長投入度高，同埋課程方面都expect 家長自己要跟多d

再另另外，外唔外補同讀邊間幼稚無關，其實純粹取決於定長自己心態。邊間幼稚園都有人補到顛；正如SC 一樣有人零外補考入神校。所以切勿道聽途說

pepperlunch

好多謝大家嘅意見！ 大家講嘅都係好有道理

pepperlunch

hariet909 發表於 20-4-24 00:47
你的情況來說，SC較合適。

點解你覺得SC比較合適既？係咪因為我地全職工作，可能無咁多時間參與學校活動呀？

pepperlunch

popofat 發表於 20-4-23 02:07
咁樓主有冇考慮自己作為家長可以付出幾多時間。如果不是full time mum. LH 有教材，透明度高，可能比較適合 ...

我都聽過LH要家長參與學校活動相對比較多，以為唔係full time mum反而跟得吃力添。

popofat

pepperlunch 發表於 20-4-25 00:23
我都聽過LH要家長參與學校活動相對比較多，以為唔係full time mum反而跟得吃力添。
...

我好朋友兩個小朋友都係LH, 佢話大部份同學都係雙職家長。因為LH 配套好，只要跟住學校進度，升小成績都不俗，不一定要外補。

NNbaby

比較過兩間教材，覺得LH深啲，有啟迪班，升小支援多啲。

hariet909

pepperlunch 發表於 20-4-25 00:15
點解你覺得SC比較合適既？係咪因為我地全職工作，可能無咁多時間參與學校活動呀？
...

是的。LH老師需要家長跟得好貼，而且每月都有活動（上學時間）需要出席，多時一個月會有兩次，大部分家長都是兩個一起去的，如果兩公婆都不方便經常請假，並不建議讀LH。

另外，LH需要做很多親子功課，如經常會有親子手勞作，對勞作的要求亦高，必需按時交回。不用說課餘溫習了，學校需要家長付出很多。如果父母工作繁忙，很難兼顧。

ggyan

hariet909 發表於 20-4-25 13:00
是的。LH老師需要家長跟得好貼，而且每月都有活動（上學時間）需要出席，多時一個月會有兩次，大部分家長 ...

LH 用家，雙職家長，我覺得學校課程有系統，家長好輕鬆冇乜野跟。親子功課其實全年只有開放日果一份，而且是optional交的。家長同小朋友都好喜歡學校。供參考～

50267612

有SC一定揀SC! 傳統名幼、升神小冇得輸！

wg_ann

hariet909 發表於 20-4-25 13:00
是的。LH老師需要家長跟得好貼，而且每月都有活動（上學時間）需要出席，多時一個月會有兩次，大部分家長 ...

不知你是否LH用家，但LH其實非常非常少親子勞作，一年只有一份，用作開放日展示，而且亦是optional, 家長hea做或者唔交都無所謂，但確實有好多家長（包括我）好俾心機去做，因為LH家長好多都好投入。日常功課小朋友自己完成，老師上堂講一次，小朋友有留心在家一定可自己完成，而且唔係親子功課，基本上唔洗點跟。

JN1999

兩間風格唔同，一樣係好學校

要名氣，有background就SC

LH 就一般裝備到小朋友考到不錯的直私

Carolnmtsui

回覆 pepperlunch 的帖子

如果想升神校，兩間一樣要有特别技能或者是學術超班。如目標係一，二線直私，兩間一樣要父母肯花時間去跟。 相對LH支援好d但SC壓力小，英語口語好，相對Happy過LH.