請問wkf校內是否要求全英交談?

Nomos

老師會唔會嚴謹要求小朋友一定要講?

小朋友的品行如何, 學校是否都著重德育?

Nomos

請問有身邊朋友讀緊嗎?

amidreamer

聽朋友講
學校冇要求全英交談
但只係英小，多時間講英文，小朋友相對都係英文強，所以好多時都用英文溝通

taidou

Nomos 發表於 20-4-20 17:10
請問有身邊朋友讀緊嗎?

學校係鼓勵小朋友多用英語溝通的。我見到女兒與同學在校外活動、講電話或在live classes中都係英文交談。

taidou

Nomos 發表於 20-4-20 12:50
老師會唔會嚴謹要求小朋友一定要講?

小朋友的品行如何, 學校是否都著重德育?

德育我覺得做得好好，老師好鼓勵小朋要學會show appreciation。由家庭至社會的層面裡，教小朋友要懂得感恩，例如教幫父母按摩並學會感謝對醫護人員抗疫的付出。

最近港台有個節目訪問學校助理校長及發展主任，有興趣可以睇睇。尤其停課期間，班主任要小朋友有比賽做到指定時間瞓覺、保持閱讀習慣等、幫手做家務等。

可能仲係低年班的關係，老師說話方式比較循循善誘，小朋友比較受落。

大部分老師都有教學熱誠，有部分老師上完online 堂仲有whatsapp跟家長follow up一下。

我曾經在選校時在此都得到過有關其他家長分享有WKF的資訊，希望以上的回覆解答到你及其他家長的問題。

Nomos

回覆 taidou 的帖子

請問是小一家長嗎?

請問你覺得普遍wkf的學生是咩style呢? 係咪個個小朋友都喜歡自學呢?
我怕為小朋友選錯, 如果要說對wkf有咩唔滿意, 你有嗎?
家長要付出很多嗎, 要多參與他們的功課及活動嗎?
謝

taidou

WKF學生的style - 比較活潑、開朗、好奇，我唔太肯定是否每個都喜歡自學，但我認識嘅都算係的。我覺得某部分的同學對自己要求都幾高，這是在小一學期尾時的project presentation裡感覺到的。

我大致對學校滿意，特別係在這個停課期間，學校處理得好好，小朋友每日都有live classes，睇得到老師及校方的努力安排。要說唔滿意的地方，我會話功課submission的安排，因為有好多唔同的links及folders, 都有點混亂，可以檢視一下吧。

至於家長參與度，我覺得現階段都幾高的，始終係初小，佢哋仲細未能獨立處理到presentation及某d projects，這些都是一個過程，慢慢地由經驗累積。

我個人認為假如家長係比較著重想知道小朋友的考試名次，WKF就未必合適，因為成績上只系每科成績的等級。但假如你系比較著重小朋友的思考、與人溝通及表達能力等，WKF會適合你的。

annie133

Nomos 發表於 20-4-20 12:50
老師會唔會嚴謹要求小朋友一定要講?

小朋友的品行如何, 學校是否都著重德育?

校內說全英語相信只有國際學校才會。
本地學校就算DGS同MSS話會講英文，聽過都係又中又英港式英語。

Nomos

回覆 taidou 的帖子

多謝你詳細的回覆啊!!!

請問你說的家長參與度, 是指功課吧, 這些在職家長放工後才幫小朋友會否很困難?

另外,
多唔多要出席學校活動呢?

如果小朋友本身不是熱愛科學, 對生活知識追求不算熱衷, 看的書都是故事類型, 較學術一點, 是否不太適合wkf呢?

taidou

Nomos 發表於 20-4-27 11:39
回覆 taidou 的帖子

多謝你詳細的回覆啊!!!

家長參與度方面 - 功課的家長參與度現階段係高的，需要時間但唔係非常困難。我相信要等佢哋去到G3後情況會改善。

學校活動 - 大部份的學校活動都係optional，可以有選擇參加與否。我地都係雙職父母，可以參與的機會亦唔多。

我覺得本身不是熱愛科學, 對生活知識追求不算熱衷應該唔會有衝突，但性格開朗活潑喜歡探索的小朋友我相信會較適合。