做錯的媽媽!!!

Danielhk

近日心境大變，逐漸頓悟明白“子女與父母關係不好的人，將來子女也無法處理與配偶的關係”。

所以衷心希望樓主能處理好與兒子的關係。這決定了孩子一世的幸福。

Jane1983

回覆 Danielhk 的帖子

頓悟係剎那間，何來逐漸？有咩大事發生令你咁大感觸，網上大家匿名，唔怕分享吓。

Jane1983

呢個世界好多唔正常的父母，仔女同佢相處唔到，唔一定係仔女的問題。不在和諧幸福的家庭成長，小孩日後亦唔一定無幸福的婚姻。前車之鑑，佢可能更願意付出都未定。

Danielhk

Jane1983 發表於 20-3-5 16:38
呢個世界好多唔正常的父母，仔女同佢相處唔到，唔一定係仔女的問題。不在和諧幸福的家庭成長，小孩日後亦唔 ...

我之前也是這個觀點。但此時此刻已經改變。
與父母關係，這是一個人的第一段親密關係。長達二十年左右。

這段關係不如意的話。再與其他人建立親密關係，幾乎是不可能的。除非未來配偶達到心靈導師的程度。

Jane1983

回覆 Danielhk 的帖子

香港可悲之處係。60、70年代生的嬰兒，多數係祖父母湊大，父母係晚飯後tag along的。80、90年代的嬰兒，多數係菲傭湊大。
你講出生與父母一段20年的關係，實情係未必你心目中咁鐵。

little_yolky

Jane1983 發表於 20-3-5 16:35
回覆 Danielhk 的帖子

頓悟係剎那間，何來逐漸？有咩大事發生令你咁大感觸，網上大家匿名，唔怕分享吓。 ...

那個叫漸悟，同頓悟唔同。

little_yolky

Jane1983 發表於 20-3-5 17:08
回覆 Danielhk 的帖子

香港可悲之處係。60、70年代生的嬰兒，多數係祖父母湊大，父母係晚飯後tag along的 ...

我以為60、70年代好多FTM，所以一般都係父母帶大呢。80年代，好多獨留子女在家，90年代後，印尼加入，就真係外藉傭工好普遍。80年代，香港得兩間大學，一個家庭你要佢全英溝通請菲傭，當時唔係咁容易。

Jane1983

little_yolky 發表於 20-3-5 23:00
我以為60、70年代好多FTM，所以一般都係父母帶大呢。80年代，好多獨留子女在家，90年代後，印尼加入，就真 ...

一個人在孩童時期能夠同主要照顧者建立到一個信任的關係，果種依戀係佢日後和異性關係發現的依歸。

Jane1983

little_yolky 發表於 20-3-5 22:54
那個叫漸悟，同頓悟唔同。

我呢幾年無頓悟，又無漸悟，精神上好乾涸。

little_yolky

Jane1983 發表於 20-3-5 23:40
我呢幾年無頓悟，又無漸悟，精神上好乾涸。

Danielhk

Jane1983 發表於 20-3-5 23:40
我呢幾年無頓悟，又無漸悟，精神上好乾涸。

我不定期會在內心詢問生命的意義。
看到橋洞下睡覺的無家可歸者；

聽聞這次疫情有人滅門；

每次都無答案。

但過段時間，又會頭腦冒出這個問題。

或許只有讓自己忙碌到無時間，才不去思考。
但這是鴕鳥，問題仍然在那兒。

Jane1983

回覆 Danielhk 的帖子

我唔係無努力，臨訓有做mindfulness果d正面思維嘢，但無乜用。
因為我有時放唔低一d小事，久唔久就會諗番起唔開心。我想自救諗通佢，但都係無乜用。

芙蓉808

多謝曬各位!小樓昨夜又東風!關係重要性!孩兒孤伶一人網絡沉溺無以自拔!為人父母僅想扶佢上岸而陪葬左10幾年建立的關係，呢2年反復發癲的我倆，往事不堪回首!10年建立起穩固關係根基呢2年毀之一旦，可悲!現在唯有由佢自食其果自醒呢，努力挽回己曾擁有過10年美好回憶!希望，驀然回首，那人卻在燈火欄柵處!

little_yolky

Danielhk 發表於 20-3-6 13:02
我不定期會在內心詢問生命的意義。
看到橋洞下睡覺的無家可歸者；

明知無答案既嘢諗嚟做乜？嘥時間嘥精神。生命既意義就係努力讓自己快樂地活著！

boboT

回覆 芙蓉808 的帖子

你首要工作係淡化仇恨, 修補關係, 這個要你先收歛, 再假以時日.最重要係親子關係, 關係差就乜都無得傾.

Danielhk

芙蓉808 發表於 20-3-6 15:02
多謝曬各位!小樓昨夜又東風!關係重要性!孩兒孤伶一人網絡沉溺無以自拔!為人父母僅想扶佢上岸而陪葬左10幾年 ...

我給不出很好的建議。是我能力不夠。
我知道並深信，一定有辦法。

請不要輕言放棄。

暫時疲憊，就好好休息調整。

調整後，還是要精神百倍去積極面對和處理。

如果換做我，無數次嘗試失敗後，無辦法，最後我會選擇一起沉迷網絡。（僅僅是假設，風險很大，請勿照抄。）

真希望此時能有人出現，能給你提供一些好的建議。

PS：“驀然回首，那人卻在燈火闌珊處”,“柳暗花明又一村”
這些詩詞，都有個共同道理：遇到難題，讚且放一放，或許突然就有了轉機，有了破解之道。

minimami

我都做人阿媽，雖然小朋友仲細，但或多或少可以體會樓主心情。
我細個家境唔好，同阿媽響初中時都好似你同個仔咁，好多衝突，有時會出手添，不過冇你地程度咁嚴重。我想同你分享一下我當時既心態，希望對你了解你仔仔既想法有幫助。

我試過因為阿媽偷睇我D信而同佢開片，出埋摺櫈。果時唔興報警，如果唔係已經上左報紙。結果我冇同佢講野大半個月，佢整D飯我都唔食，寧願用零用錢買包填肚，到後來痴同學飯，就係唔肯同阿媽講野同食飯。後尾阿媽自己自言自語，話從來冇講過唔比你食飯架、點會同人鬥氣鬥到自己餓壞，我先食返佢D飯。作為一個初中生，邊識體諒人，只會自我中心。我覺得主動同阿媽講野係冇面，「輸左」。為啖氣，要證明自己無錯，以受害者自居，覺得一開口同佢講野我就等於認底威，呢D就係我當時既感覺。我覺得你仔仔可能都一樣。同佢硬碰硬？你最多口硬，點敵得過佢心硬？

做阿媽係大人黎，邊有得同個細路仔講平等，明知係個仔唔岩，都一定要「認底威」、行出一步先。其實佢心內面未必唔知你對佢好，但佢唔認同你做法，覺得係你錯一定錯晒。尤其你地屋企得兩個人，冇左其他人做和事佬幫口，原本關係唔好，好容易有乜事都一點就著。我阿媽果時同我講野我唔理佢，佢就自言自語，其實講比我聽，態度都好平和，扮冇事發生；我唔食飯，佢都餐餐煮埋我果份，放響度，食就食唔食就收。人心肉做，日子有功，我自問細個好倔強都比佢感動到。

你仔仔將會搬出一段日子，都唔係唔好，大家分開冷靜下、等件事沈澱都係好事。但佢搬出去之前唔好再有衝突，平淡地過，唔好令佢臨走之前仲係覺得家嘈屋閉走係正確決定。如果可以，留返D空間，甚至佢離開之前你整個三文治比佢，一兩句提佢唔洗多，「唔好餓親，要食飯」，比D溫暖感覺，有時勝過千言萬語。

有時唔係唔想做，而係不得其法。又或者，好似要讓晒步，唔公平喎，條氣落唔到。但係，做人阿媽目標得一個，想個仔好丫嘛。如果少少讓步可以開返溝通之門，乜都值。

順帶一提，過左青春期，上左大學，好似所有野變返正常。同阿媽打交傷佢心，係我呢世人其中一樣最最後悔既事，無論當時有幾嬲佢。

MrBeast

芙蓉808 發表於 20-3-6 15:02
多謝曬各位!小樓昨夜又東風!關係重要性!孩兒孤伶一人網絡沉溺無以自拔!為人父母僅想扶佢上岸而陪葬左10幾年 ...

唔好諗返以前la, 咁好快變老人家架，向前望，子女好與壞，都是在乎溝通與關懷，無人天生識教子女，有空去聽下親子講座。

https://www.hk01.com/親子/319120/親子關係-老生常談萬年金句-子女好與壞-在乎溝通與關懷

MrBeast

例如，instead of 做哂功課未，可以問多唔多功課，如果太累就休息十分鐘食個tea 先

Danielhk

minimami 發表於 20-3-6 16:40
我都做人阿媽，雖然小朋友仲細，但或多或少可以體會樓主心情。
我細個家境唔好，同阿媽響初中時都好似你同 ...

對你的故事有點感動，你阿媽處理的好好。給我很大啟發。
謝謝你的分享。