文章分享

Jane1983

因為原文太長，cut咗d枝節。

@@@

生存環境從來都是苛刻，只是我們沒有察覺而已。猶記得我還是在念幼稚園的時候，媽媽經常對我說：「你唔勤力，實會乞食！」她還用粉筆在地上寫上「乞食」兩個字，在我小小的腦袋，留下深刻的印象。鏡頭一轉，來到今天。今天的父母已變得完全兩樣，很少父母會跟子女說「你唔勤力，實會乞食」，還會換上另外兩句：「咁辛苦，就不要做了。」以下有個真實例子。

有一對夫婦是會計師，年青時在八大會計師行（現實是四大）之一做核數工作。每到年頭是核數高峰，他們都要趕工，每晚做到凌晨兩、三點才回家，也很普遍。三十年後，他們的兒子也讀會計，也加入了四大會計師行工作，在核數旺季，也是要在凌晨一、兩點才回家。媽媽見到很心疼，便對兒子說：「這樣辛苦，不要做了。」兒子本來也怕辛苦，便辭去了工作，之後幾年流離浪蕩，一年轉一份工，找不到工作便出外旅行。我看這個孩子的事業前途已經廢了，心想為什麼這對父母親身挨過的事情，卻輕鬆一句「這麼辛苦便不要做了」，便毀了自己孩子的前途呢？挨一挨便可以挨過的事情，不願意挨，當然挨不過了。

Jane1983

50、60年代的父母是艱苦的一代，他們會教導子女要勤力挨苦。而70、80年代的父母，是奮鬥的一代，他們自己奮鬥， 但自己上岸後，對子女卻相當縱容。因為他們比較富裕， 覺得子女就算不工作，養他們過世也沒問題。現在的年青人， 變成享受生活的一代，對工作的態度自然不一樣了。 但香港不是一個孤島，香港和新加坡、 深圳以至世界各大城市都在競爭，要成功的環境仍然苛刻，抱著「 這麼辛苦便不要做了」的態度，香港變成了一個富二代社會， 總會坐吃山崩的。

Jane1983

70年代成長的父母，自己捱過、努力過，成就唔錯的人生。為何唔少人，但到佢地教仔女，就會放棄自己成長時恪守的刻苦奮鬥果套？

little_yolky

Jane1983 發表於 20-2-22 10:14
因為原文太長，cut咗d枝節。

@@@

我唔止話乞食，仲外加句附註：你哋唔駛旨意可以做啃老族，我唔會心軟了，死咗條心吧啦！

Jane1983

回覆 little_yolky 的帖子

我都唔係d會比人「啃老」的人，無咁大愛

little_yolky

Jane1983 發表於 20-2-22 10:57
回覆 little_yolky 的帖子

我都唔係d會比人「啃老」的人，無咁大愛

我唔係咁諗，我因為大愛，所以唔會俾佢啃老

Jane1983

回覆 little_yolky 的帖子

真係無理由大好青年，滿腹經綸，由得佢「唔做就算lor」。如果都係打散工，旅行high tea，父母當年使乜帶佢考名校、谷佢成績？

洋蔥頭媽咪

又唔係個個父母都咁嘅，不過現今世代相對富裕，通常只生1-2個孩子，百般寵愛，小朋友生话安定未捱過苦啫。

個人從小有教兒子要學懂靠自己，唔用功讀書唔好旨意我會供佢去海外讀，我亦唔會買定樓比佢，積極裝備好自己，唔好怕辛苦，學懂居安思危，遇大風浪都可以唔駛怕。

妹妹頭

回覆 洋蔥頭媽咪 的帖子

我女自細，我已經有同佢講，唔係訓話形式，只係傾計咁講，講番我細個時，生活係點樣差，食都冇得食，讀書環境又唔好，邊度有自己房溫習，要學懂珍惜。我自己讀書唔多，但自問中學5年，我係盡力去讀，成績雖然唔好，但我有毅力，每份工我都會比別用雙倍時間去學，人地放工係6：00，我會做到晚上11～12點，用多左既時間都學多d。所以我女從細都學會2個字，就係「毅力」。佢明白到，今日未必有他人既卓越成績，但只要有毅力，必定成功。升中選學校已經係一個好好既經歷。

little_yolky

IloveJJ 發表於 20-2-22 11:22
本帖最後由 IloveJJ 於 20-2-22 11:23 編輯

呢個亦係我同老公有既諗法。

咁國際學校又有國際學校既優點既，我無錢咋，唔係細個一定俾佢讀英普幼稚園。

little_yolky

IloveJJ 發表於 20-2-22 11:36
我唔係話國際學校唔好，亦唔係話讀國際學校只為了呢個原因。

不過事實上，我認識既呢類人（自己捱過，但 ...

我肯定阿細比較適合讀國際學校，不過我無錢咋。

MrBeast

MrBeast

最重要是有能力可以揀

Jane1983

回覆 IloveJJ 的帖子

讀國際學校有好多原因。咁多間國際學校，咁多學生，個個都有自己的故事。
我比小朋友讀國際，唔係怕佢辛苦，我女本身好讀得書。而係我睇番自己，當年讀書咁勤力，都叫做公開考好多A，但投入咁多，得到的遠不如其他讀國際學校、海外留學的同事。人地行出來英文native，自信洋溢，同上司傾外國政治、運動、旅遊，講笑話，樣樣都咁自然隨意。我希望如果我女夠勤力夠叻，佢可以敲到Ivy League、Stanford、牛劍的門。

洋蔥頭媽咪

妹妹頭 發表於 20-2-22 11:25
回覆 洋蔥頭媽咪 的帖子

我女自細，我已經有同佢講，唔係訓話形式，只係傾計咁講，講番我細個時，生活係點 ...

時代唔同又好難用上一代同佢哋比，我仔會話現今時代進步，佢哋有嘅只係好基本嘅嘢，呢點我都同意。我又唔係李十X冇咁多資源，只能盡我所能養佢教佢，提供基本需要，指引佢行條明路，人貴自知，比佢知道現實社會，將來條路點行就要睇佢自己啦。態度決定高度，肯學肯付出將來得益嘅最終都會係佢自己。

Jane1983

回覆 IloveJJ 的帖子

你呢種鐵腕做法，好似我外婆。老一派，但真係有佢好的地方。