用戶登入
用戶名稱:
密      碼:
搜索
教育王國 討論區 小學雜談 新年流流俾女激親
查看: 2496|回覆: 24
go

新年流流俾女激親

Rank: 5Rank: 5


1473
發表於 20-1-26 13:56 |顯示全部帖子
日日一起身就要玩手機遊戲,限時間佢玩,够鍾又唔肯俾,最後我警告佢及不情願被沒收。昨日我要沒收手機,唔俾我總總向我吐口水,激死我,打佢又打番我,最後打到佢哭。
4年級女仔已經咁,我老公又係衰做壞榜樣,除左返工外,就係打遊戲機,所以個女學埋。
昨日應承今日溫默書,今日是旦抄d詞語課本叫做溫左。
一日要玩幾次電話,唔俾就話我唔俾佢自由,係到吵
只生一個都另我頭痛。

Rank: 7Rank: 7Rank: 7


14843
發表於 20-1-26 15:01 |顯示全部帖子
sweetapplebb 發表於 20-1-26 13:56
日日一起身就要玩手機遊戲,限時間佢玩,够鍾又唔肯俾,最後我警告佢及不情願被沒收。昨日我要沒收手機,唔 ...

仲未到青春期都咁,過多兩年仲麻煩

Rank: 5Rank: 5


1473
發表於 20-1-26 15:05 |顯示全部帖子
回覆 Soundervolt 的帖子

係呀激到我嘔血,我已刪除佢所有遊戲,哭到我虐待佢咁

Rank: 7Rank: 7Rank: 7


14843
發表於 20-1-26 15:18 |顯示全部帖子
sweetapplebb 發表於 20-1-26 15:05
回覆 Soundervolt 的帖子

係呀激到我嘔血,我已刪除佢所有遊戲,哭到我虐待佢咁 ...

四年級已經大個女,好好傾下就快要面對升中學嘅問題....用對抗心態唔可以根治問題,如果對抗閙罵可以解決問題,教仔女就變得容易。試吓搵一啲空間可以讚下佢,去令佢續步對學業建立信心。

Rank: 11Rank: 11Rank: 11Rank: 11


43348
發表於 20-1-26 15:40 |顯示全部帖子
趁佢仲細,仲聽你講,及早教佢。唔係到升中,青春期就好難教。

你同佢感情一定要好,呢個係所有管教的根本。親子關係好,就算打罵和約束,佢知你愛佢為佢好,佢會接受。同一件事、同一個做法,感情唔好,佢覺得你無理管佢,會叛逆,會有憎恨父母的心。

Rank: 8Rank: 8


17206
發表於 20-1-26 19:45 |顯示全部帖子

回覆樓主:

本帖最後由 1998Ruby1998 於 20-1-26 19:53 編輯

唔係要沒收,係要佢自動上繳。要保持語氣同耐性。邊個出手,邊個輸,所以你一出手打佢,已經係輸左。

鏟 game 當然喊到七彩,因為你睇唔出個遊戲對佢嘅價值。對你而言係一個遊戲,對佢而言係一個好朋友。

但睇你描述,唔覺你有事前事後“講道理”呢一環節,你只有警告、情緒失控、懲罰。女女會學你先惡、情緒失控呢兩樣野,再大啲有報仇之心就學足你呢套。何必呢!

冷靜啲,做家長一定要冷靜,一定唔可以打人,仔女會學你去打其他人,變得往後唔識用言語同人交涉,只識得暴力解決。一習慣左就好難改。

Rank: 6Rank: 6


7638
發表於 20-1-27 13:14 |顯示全部帖子

回覆樓主:

打機真係好頭痛

阿仔學校的社工講過,家長有咩問題可以揾佢幫忙,佢好有信心解決。

唯獨是沉迷打機,係佢最冇信心,係好難搞掂的。

Rank: 11Rank: 11Rank: 11Rank: 11


39042
發表於 20-1-27 14:32 |顯示全部帖子
打佢做乜,打(爛)部機仲好
y ma 教路:有交帶有自由。

同女講:要用自己手機用就要show 到比你睇有自控能力。

e加就約法三章訂一些計分制,如做完功課可玩15mins

Rank: 6Rank: 6


6986
發表於 20-1-27 17:20 |顯示全部帖子
S網友:四年級已經大個女,好好傾下就快要面對升中學嘅問題。


J網友:趁佢仲細,仲聽你講,及早教佢。
咁到底係’大個女’,還是’佢仲細’? 我個人既理解,其實就冇分細個好教還是大個冇得教,教仔女只有係時機。先講體罰既問題,我講既體罰係包括埋鬧。我係一個唔反對體罰既人,例如只有兩三歲既小朋友,佢走去玩水玩火,體罰就係最有效率,最直接既教育,因為我唔識點用BB話去同佢講道理。然後到慢慢長大,體罰就應該減少,或者唔應該再用呢個方法。

打機本身有冇問題?係冇,只係一種娛樂。假設打機係等同吸毒咁嚴重,應該是禁,而不是是酬勞方式作交換條件。打機所衍生既問題主要有兩個,沉迷和場景問題。我地每日要食飯,要學習,要訓覺,一樣要娛樂。喜歡閱讀,不妨閱讀;喜歡打機,亦無不可。關鍵便在於時間分配既問題:先用客觀方式,記錄低每日在各方面的時間分配,小朋友係好難有一個具體既時間觀念,佢地唔會認為自己係花左太多時間係打機身上,故此在陳述上係需要更客觀,更具體去比小朋友去了解自己所做既事。

另一個是場景問題,樓主提到新年流流一大早既場景描述,好可能就係呢個情況下打機真係唔是幾好。我有朋友,佢有一次帶埋個女同我食飯,個小朋友成餐飯冇望過任何人一眼,就一味塞野入口同埋睇書。拿,閱讀似乎係呢個場合就唔係太合適勒,此刻就冇話睇書係好過打機呢種講法。其實小朋友都未必太明白咩時候可以打,咩時候唔應該打,但如果將打機包裝成娛樂,試試從呢個角度再同小朋友討論下,效果可能會比即時責備為佳。

PS:打機問題係需要以年計既時間去解決,請保持耐性。

Rank: 13Rank: 13Rank: 13Rank: 13


78479
發表於 20-1-29 10:57 |顯示全部帖子
ar_mak 發表於 20-1-27 17:20
S網友:四年級已經大個女,好好傾下就快要面對升中學嘅問題。
屋企有个爸爸做榜样,呢个case係绝症。从來同-个家庭出唔同既教育方向、理念(有时係四大長老),就好难搞。甚至点搞都無用。

唔知楼主係女細个时係点对待电子產品?会唔会細細个已用电子奶咀?佢要自己番学所以小四已有自己有机?用咩plan?


我係觉得到四年班已好难搞,連學校校工都話,初小既你兇下佢,佢仲会驚。高小既,啋你都傻,你大唔到佢。

Rank: 5Rank: 5


1620
發表於 20-1-29 11:22 |顯示全部帖子
sweetapplebb 發表於 20-1-26 13:56
日日一起身就要玩手機遊戲,限時間佢玩,够鍾又唔肯俾,最後我警告佢及不情願被沒收。昨日我要沒收手機,唔 ...
現今年代唔可能完全唔畀打機。但你可以限制每日用手機時間 30-45分鍾, 學校放假可以打多少少, (包括打機,上網,whatsapp etc)。 囡囡可以選擇玩完先做功課都得。 爸爸當然要做好榜樣。你也不能刪除遊戲同打佢。 同囡囡講如果佢表現良好,可以將打機時間加十五分鐘。試試呢個方法。

Rank: 3Rank: 3


218
發表於 20-1-29 11:24 |顯示全部帖子
爸爸想個女好, 首先要以身作則, 唔係阿女只會覺得唔公平, 攪唔掂爸爸, 阿女唔會攪得掂

Rank: 11Rank: 11Rank: 11Rank: 11


43348
發表於 20-1-29 12:32 |顯示全部帖子
回覆 ar_mak 的帖子

麥哥,梗係細好教,你無見過青春期唔大唔細,藐嘴藐舌,同佢講咩都好炆憎的衰樣?同佢傾計都難,仲想撥亂返正,祝你好運
至於罰,打同鬧,做幾多,點樣有效,真係睇每一段親子關係。朋友個女讀名女校,佢話佢老婆係佢女升中後,做得唔對仍然會兜把星,然後兩母女抱頭痛哭。今時今日,佢女讀大學了,兩母女關係好好。





Rank: 6Rank: 6


6986
發表於 20-1-29 21:58 |顯示全部帖子
Yanamami 發表於 20-1-29 10:57
屋企有个爸爸做榜样,呢个case係绝症。从來同-个家庭出唔同既教育方向、理念(有时係四大長老),就好难搞。 ...
絕對同意爸爸對教育既定重要性。

拿,我地而家成為日講既就係DAY1就要封關,封左就一了百了,但問題就係冇封,冇封就係冇封,冇得講番轉頭。所以我地目前係用現在式去講緊,點去解決今日既問題。我都同意係難攪,但難攪不是冇得攪,而且仲要以雙倍時間去奉還,以年計咁去解決呢個問題,所以真係好難攪。

PS:戒煙,戒酒,戒賭,戒打機,色字頭上一把刀。連環中齊五樣我先認為係冇得救。

點評

Yanamami    發表於 20-1-30 03:32

Rank: 6Rank: 6


6986
發表於 20-1-29 22:02 |顯示全部帖子
Jane1983 發表於 20-1-29 12:32
回覆 ar_mak 的帖子

麥哥,梗係細好教,你無見過青春期唔大唔細,藐嘴藐舌,同佢講咩都好炆憎的衰樣?同佢 ...
如果我個女真係好似你咁樣講,咁樣對我,我會選擇離開屋企,一個人去旅行,或者會禪修幾年都唔定,所以我都唔係話太過擔心。

點評

Jane1983    發表於 20-1-30 00:01

Rank: 6Rank: 6


6986
發表於 20-1-29 22:17 |顯示全部帖子
yaijing 發表於 20-1-29 11:22
現今年代唔可能完全唔畀打機。但你可以限制每日用手機時間 30-45分鍾, 學校放假可以打多少少, (包括打機, ...
我其實係反對你既建議,第一,無啦啦走去訂立一份對方係好大機會違約既合約,如果呢份合約係有效,社會就唔會出現呢個問題,以限制方式最大既問題就係管理成本,而家D家長正正就係煩緊管理既問題。拿,要有效’限制’用手機30分鐘,唯有就係跟住可以打任天堂,咁完成合約既機會就可以大大提升。

第二係仲用打機黎做獎勵手段?你真係諗清楚好喎。獎罰手段,係一種行為更易法,副作用係要不斷將獎罰提升,否則去到某人個位置就會失效。你又願意付出幾大既代價去作出獎勵?

Rank: 5Rank: 5


1620
發表於 20-1-29 23:33 |顯示全部帖子
ar_mak 發表於 20-1-29 22:17
我其實係反對你既建議,第一,無啦啦走去訂立一份對方係好大機會違約既合約,如果呢份合約係有效,社會就唔 ...
其實小朋友沉迷打機問題好多父母都經歷緊。 明知禁止打機係冇可能, 但比小孩自由地打更加唔可以。 唯一可以做就係講條件同定立限制。 每日打三十分鐘其實對樓主個女嚟講可能只係一個頭盤。

如果小朋友表現良好,畀心機讀書或者默書測驗成績好 ,加十五分鐘打机作為獎勵其實都係一個鼓勵。 當然以打機作獎勵絕對唔係一個最好嘅獎勵。 所以45分鐘打機已經係一個極限。 如果成績唔好或者其他方面唔乖就要減時間或無得打。 我之前都好擔心個仔沉迷打機, 所以決定制定方法同獎勵。 佢最鍾意就係買 google play 禮品卡。 我同佢講買都可以,不過要應承我做呢樣嗰樣。 買完之後佢好合作,亦都會自動夠鐘就收機。

當然每個小朋友性格唔同。可能我呢個方法對我嚟講係work, 既然冇更好嘅方法試下都無妨。

Rank: 6Rank: 6


6986
發表於 20-1-30 00:09 |顯示全部帖子
本帖最後由 ar_mak 於 20-1-30 00:10 編輯
yaijing 發表於 20-1-29 23:33
其實小朋友沉迷打機問題好多父母都經歷緊。 明知禁止打機係冇可能, 但比小孩自由地打更加唔可以。 唯一可 ...

1 如果拎走左禮品咭之後,仍然能夠維持夠鐘熄機,從有償工作變成無償工作,就算係WORK。

2 如果暫時未有方法,我既建議仍然係努力去搵有效方法,搵唔到係可以暫時唔好處理。當然,確認方法係有效,便放心去做,但千萬不要有不妨一試既想法。

PS:你誤會左我,我知道用呢個方法短期係得,而且好多人都得,但長期係幾乎冇咩可能會得。而且每日打30分鐘,更可能係由你去幫佢建立呢個習慣。再講,讀書成績真係未必同打機有關,你咁樣去將兩樣野去打包似乎有D係拉豬陪狗。考試成績差左就冇得打,咁到底係份卷深左還是人地考得叻左?未必真係佢差左架喎。

Rank: 6Rank: 6


6986
發表於 20-1-30 00:16 |顯示全部帖子
yaijing 發表於 20-1-29 23:33
其實小朋友沉迷打機問題好多父母都經歷緊。 明知禁止打機係冇可能, 但比小孩自由地打更加唔可以。 唯一可 ...
咁勒喂,而家你身上縛有炸彈,有16條線,我猶豫緊剪藍先定剪紅先。。。。。。

’其實唔係藍就係紅架啦~不妨一試~’
’喂大佬你咪郁呀,研究清楚你先好剪呀!’

Rank: 11Rank: 11Rank: 11Rank: 11


43348
發表於 20-1-30 19:54 |顯示全部帖子

回覆樓主:

本帖最後由 Jane1983 於 20-1-30 23:02 編輯

會唔會打機成癮,其實好睇一個人的性情。有d人就係比較容易斷捨離,係沉迷一段時間後,會停落黎抽身而出,out grow佢,或者唔想比一樣嘢束縛住。我識唔少呢種人,呢d係個人性情,唔係父母特別管教有方。

而好沉迷的情況,有可能佢本身對讀書的興趣已經不大,或者讀得麻麻,成就感有限。你比樣咁好玩的嘢distract 佢,佢當然會揀打機,唔會揀溫習或睇課外書。

另外,亦可能小朋友生活單調,除咗返學,就係補習,咁打機係生活中唯一有趣味性的活動,點可能唔沉迷!?

要打破個局面,就要從根本出發。
你需要登錄後才可以回帖 登錄 | 註冊