iGCSE/IB/DSE 自修

WMGma

有沒有人可分享如何為資優子女準備自修公開試？
那裡有為這種資優兒越級考試的補習班？

王家爸爸

WMGma 發表於 20-1-19 17:06
有沒有人可分享如何為資優子女準備自修公開試？
那裡有為這種資優兒越級考試的補習班？
...

IB 無得自修，需要讀 IB accredited 既學校先得。

WMGma

王家爸爸 發表於 20-1-19 20:49
IB 無得自修，需要讀 IB accredited 既學校先得。

咁考完iGCSE, 如果想考一些國際性認可的試， 是否得AL 可選擇？
資優兒， 年紀小， 找搵補習班會否很困難？有何推介呢？

小曳人

DSE 都無得自修

那裡有為這種資優兒越級考試的補習班？
要私補收費，你去有做公開試補習嘅地方問問, e.g. edge, arch, cana 之類
單單火炭銀禧，已有3間，有一間仲有數/物理名師，$800/hr


資優特質：學得快過人，所以唔可以跟班，一定係私人

小曳人

或者講少少cases
https://www.puikiu.edu.hk/news.aspx?clid=134&atid=2441&lan=1
呢個係自修，不過升中5 暑假突然想考IAL，臨急同佢搞，爸爸話完全無搵補習老師

唔知你小朋友幾大，相關科見程度去到邊，細路有一個問題，就係好多時唔係睇佢能力，係睇佢自己想唔想做，想的話，幾辛苦自修都無問題

上面莊同學個case，係我响幾年前HKAGE聽講座得知嘅，佢有讀科大DP，同班志同道合嘅DP同學一齊自修考IAL

另一方面，要諗諗考嚟做乜，特時升學有乜計劃

http://www.####.com/216652/primaryschool/%E5%96%87%E6%B2%99%E5%B0%8F%E5%AD%B8%E5%8D%81%E6%AD%B2%E7%A5%9E%E7%AB%A5%E8%8B%B1%E9%AB%98%E8%80%83%E6%95%B8%E5%AD%B8%E9%AB%98%E6%95%B8%E5%A5%AA%E9%9B%99a/

好似佢咁，咁細考，唔駛考慮太多，但如果中學考，又唔係一定考到A*的話，有機會影響到第時入英國大學，因為top uni 有機會只睇第一次所考嘅成績，而你唔係1 take 過考哂3-4 科，佢會懷疑你刻苦能力

小曳人

如果唔介意，可以講一講小朋友幾大，係邊個範疇
因為，可以相應諗辦法

如果小朋友係玩學術的話，又係數理，強烈建議上科大Dual Program, 雖然教授話唔好當佢地係補習班，但絕對係加速同較高程度嘅學術課程，仲有機會認識到志趣相近嘅朋友仔 (唔係必然，我仔就因為太細，雖然全班得6個同學，但佢地無乜溝通)

DP仲有一個好處，就係可以讀到大學程度，同大學生一齊上堂 (Level 3)，而Level 2 已經係credit bearing，相信對報大學亦有少少幫助，不過唔少學生會傾向打橫讀(唔同課程嘅level 1 or 2)，而唔選擇讀level 3，當然，成績亦有要求，先讀到level 3

王家爸爸

小曳人 發表於 20-1-20 07:22
DSE 都無得自修

那裡有為這種資優兒越級考試的補習班？

根據考試局規則，曾考相等於DSE考試既學生都可以用自修生身份報 DSE，所以考完 IGCSE 之後既第二年應該可以自修考 DSE。

小曳人

王家爸爸 發表於 20-1-20 10:06
根據考試局規則，曾考相等於DSE考試既學生都可以用自修生身份報 DSE，所以考完 IGCSE 之後既第二年應該可以 ...

其實我都聽過個case，係自修考到DSE，但case by case去等佢批，唔一定俾
另，唔知DSE 會點安排學校老師俾分嘅 部份.... (我聽教history 嘅朋友講，係有part係coursework，老師評分)
但IAL，有paper practical，起碼知道係點玩

王家爸爸

WMGma 發表於 20-1-20 01:25
咁考完iGCSE, 如果想考一些國際性認可的試， 是否得AL 可選擇？
資優兒， 年紀小， 找搵補習班會否很困難 ...

如果只係想考一啲國際性認受性高既考試，可以試下劍橋英文考試，我仔當年都係小五考 FCE，小六考 CAE。數學可以試下 WCT（大約係三月報，四月考）。至於補習班，其實我唔明點解需要搵。

cafeva

小曳人 發表於 20-1-20 10:11
其實我都聽過個case，係自修考到DSE，但case by case去等佢批，唔一定俾
另，唔知DSE 會點安排學校老師俾分 ...

知唔知有無人係考SAT 有關既試, 同iAL 比較邊個有用D? Thanks.

小曳人

cafeva 發表於 20-1-20 10:43
知唔知有無人係考SAT 有關既試, 同iAL 比較邊個有用D? Thanks.

IAL 貴精不貴多
美國試就係廣，科目多，分得細

想揀邊個試，睇你目標係乜，但SAT係中六，想自修入本地大學，就要考AP
總之，香港嘅大學睇中六+公開試成績，OR 一個中七嘅公開試成績 (即唔駛中六畢業)

Anniemun

WMGma 發表於 20-1-19 17:06
有沒有人可分享如何為資優子女準備自修公開試？
那裡有為這種資優兒越級考試的補習班？
...

考嘅昨用是什麼?  同學幾大?  

cafeva

小曳人 發表於 20-1-20 11:40
IAL 貴精不貴多
美國試就係廣，科目多，分得細

Thanks.

現在明白多了

王家爸爸

Anniemun 發表於 20-1-20 13:12
考嘅昨用是什麼?  同學幾大?

我估係高小（不過唔清楚），都見過啲資優高小生，自己睇書都識做中學既題目。

Anniemun

王家爸爸 發表於 20-1-20 16:51
我估係高小（不過唔清楚），都見過啲資優高小生，自己睇書都識做中學既題目。 ...

ic, 不過又見到樓主是找補習班，所以想問，同學幾大和為什麼要考，想證自學明能力高的話又應該不用找補習班，如果想越級挑戰後拿成績報考心儀大學又另計。

WMGma

小朋友初小， 點解要考？
我都有同樣疑問？
佢有能力， 便讓他一試吧。
考到又點？之後又可以點？
佢年紀仲小， 日後再算吧！
打算下年或後年考iGCSE,
之後睇下成績如何，
再作打算。
點解要找補習？
我自己又唔識個 syllabus,   
總要有人教他吧？
總不可能自學至可以考試，一點也不用其他人幫手吧？
至少我家小朋友不能吧， 要找個補習老師幫他一把呢

WMGma

不過， 只打算考2-3科左右

WMGma

由於實在負擔不起私人補習， 所以便想問一問大家， 有沒有補習班會適合年紀較小的小朋友呢

planetearth

小曳人 發表於 20-1-20 09:30
如果唔介意，可以講一講小朋友幾大，係邊個範疇
因為，可以相應諗辦法

謝謝分享!我會繼續報DP呀. 我仔上DP Level 1, 終於有野唔明, 發忟憎, 話好憎有野唔明, 我話有野唔明這才正常, 有野唔明回家自己好好找資料讀書搞到明明白白為止. 我話學校的你明晒即是話學校課程對你來說比較淺. 我其實好怕他唔習慣面對困難, 過份自信.
暫時佢放在家都好比心機把唔明的搞到明白, 有唔明的自己上網找資料學返搞返清楚. (D野我都唔記得晒, 我都教唔到佢)
但就話個課程無朋友. 希望佢識到志同道合的朋友仔.

小曳人

WMGma 發表於 20-1-21 20:57
由於實在負擔不起私人補習， 所以便想問一問大家， 有沒有補習班會適合年紀較小的小朋友呢
...

絕對無補習班幫到學習能力強嘅小朋友，補習班係凡人上嘅，就好似平時學校課堂一樣，如果孩子响老師講3分鐘已明白，但你俾錢佢坐足一個鐘，到底邊樣抵d?? $200 三分鐘 (俾你乘多兩次喇！)，定係$400-800 學足一個鐘？
沈老先生講過，幾窮都要搵人私補，學生先自修課程，然後响補習時提問，咁每分每毫都買到智識
如果你係為咗改變生活，或孩子亦有呢個想法，可以試試揾沈先生(email佢)，佢會幫你

其實，家人朋友當中，會唔會有人大學程度幫到手？又或者搵福利機構幫手？我相信搵個大學生免費(或好平) 幫你唔會太難，總有人樂意幫有智慧嘅生物，我朋友(教開公開試/大學生)就收我半價補數喇
其實私補真係好貴，但如果要一擊即中 (英國頂尖大學只睇第一次成績)，到考前最好都搵人跟一跟 (所以我地請人教，執漏也~)  上面share 個小學生考到AL係有d唔同，佢家人好似係大學教授，所以自己教嘅


我估我明白你想點，試試P4報科大DP啦！雖然收小學生嘅位好少，但以數學為例，你能力到，講到點解要讀，有d數學比賽獎，應該唔難，第一年唔得，第二年都應該收，每星期3個鐘，20堂，5-6千左右，好抵讀

仲有，網上有好多免費教學video，睇咗未？！