囡囡想讀HKIS本身讀LS中三,點樣增加被取錄機會？

Sally091

囡囡本身來自傳統名校，女拔 德望 聖保羅男女 銅鑼灣聖保祿 英華 嘉諾撒 嗰啲，邊間就唔講啦。成績唔錯排全級二十幾名，英文唔錯不過講就唔太好流利，冇乜特別興趣同運動唔太叻，如果想轉HKIS 難唔難？佢哋注重學業多啲定係會唔會因為少課外活動而唔收？有冇HKIS 家長可以幫幫手，同埋而家先轉IS會唔會好太遲同埋唔適應？

964000

Sally091 發表於 20-1-19 16:07
囡囡本身來自傳統名校，女拔 德望 聖保羅男女 銅鑼灣聖保祿 英華 嘉諾撒 嗰啲，邊間就唔講啦。成績唔錯排全 ...

我覺得IS一般高年級都多人走相信不太難（如果學校會收生，因為有些IS高年級不收）。
如果打算讀到畢業都不算太遲，你預一兩年去融入，但如果讀兩年又出國就無謂轉來轉去。

Jane1983

回覆 yaijing 的帖子

咩唔適應呢？

964000

Jane1983 發表於 20-1-19 20:01
回覆 yaijing 的帖子

咩唔適應呢？

適應好難講，因人而異，我都見過神校本身成績好，去到GSIS Y7被repeat, 不過冇re去了外國。

Jane1983

回覆 964000 的帖子

都係好奇問吓。

Sally091

咁想問如果運動唔叻，又冇乜特別興趣，得個成績會唔會好難入？因為個女就係讀傳統名校壓力太大，以前彈開琴都因為太忙就冇再學，課餘時間都用咗嚟做學術上嘅嘢，但係聽講國際學校就係睇小朋友除咗成績以外其他嘅興趣同專長，咁係唔係會好難入？

Jane1983

回覆 yaijing 的帖子

就算佢讀local，名校好多學生都係超前學咗，先過老師教的。唔通佢係舊校都夠膽同老師拗呢d嘢？ 咪仲無運行。

mondaysunday

Sally091 發表於 20-1-19 16:07
囡囡本身來自傳統名校，女拔 德望 聖保羅男女 銅鑼灣聖保祿 英華 嘉諾撒 嗰啲，邊間就唔講啦。成績唔錯排全 ...

可否問下樓主點解考慮HKIS, 其他學校唔考慮嗎？另外，我去過佢開放日，有位接待嘅同學係中學從本地學校轉過去，如你有機會可以去開放日了解下

Sally091

回覆 mondaysunday 的帖子

HKIS 喺香港國際學校入邊有提供 AP 嘅考試入邊算係最好嗰間？因為個女係傳統學校嗰啲唔係好識靈活變通，淨係識得背書嘅人......但係呢排見佢真係壓力好大，所以先諗住幫佢轉國際學校，但係好多學校都提供IB，聽人講係比較需要諗好多嘢嗰啲，所以佢咪諗住考AP囉

964000

Sally091 發表於 20-1-19 21:56
回覆 mondaysunday 的帖子

HKIS 喺香港國際學校入邊有提供 AP 嘅考試入邊算係最好嗰間？因為個女係傳統學 ...

其A level也可以，如Harrows, Kellet

Sally091

964000 發表於 20-1-19 22:01
其A level也可以，如Harrows, Kellet

都有諗過，不過最重要嘅問題都係會唔會淨靠成績好難入？你講嘅呢啲都係名牌國際學校，報得嘅人成績都應該唔會差，我就係驚佢會好重視學生嘅課外活動，如果係有冇話邊個範疇係特別重要？

b3410

yaijing 發表於 20-1-19 21:21
例如上堂時老師教一個課題， 佢以前已經學過。 佢答問題時就同老師話唔係咁樣，應該係咁樣先啱。 老師就答 ...

可能係數學科？的確如此只是答案啱取不到滿分，還要識得分析點解，同同學討論等等。

LLLT

我記得HKIS 高中學生要考 ISEE 。學校很看重這個試，請做好準備。

Jane1983

回覆 yaijing 的帖子

佢咁樣其實可惜。有一科數學或者中文大領先唔使煩，係blessing。可以騰空時間玩更多運動，學課外嘢、睇課外書，甚至做義工或者留白發夢，都對人生有得着。
我女有d科亦係超前唔少，我覺得如果可以咁輕鬆快樂地學習，在學業、體藝、情緒、社交各樣發展得到平衡，入到心儀的12大之一，我覺得賺到笑。

Jane1983

回覆 Sally091 的帖子

難唔難入真係好難講，入到的話容易，唔收的就話難lor。我女舊校有幾個同學係轉過去讀中學，佢地成績唔係top果班。但就係典型IS學生，英文fluent，體藝多少都有幾樣。
睇你講你女情況，不如試多幾間，以增加機會。

964000

Jane1983 發表於 20-1-20 10:21
回覆 yaijing 的帖子

佢咁樣其實可惜。有一科數學或者中文大領先唔使煩，係blessing。可以騰空時間玩更多 ...

聽落不止是深淺的問題，是唔適應個approach，慣了計答案快靚正，唔慣IS成日要寫論文explain your thinking.
我地以為背左乘數表就學了乘數，點知佢係要你explain why 5x3=3x5
How do you know 20/5 = 4.
如果我慣了LS操數計啱巳有分，都唔想再explain啦。

Jane1983

964000 發表於 20-1-20 11:45
聽落不止是深淺的問題，是唔適應個approach，慣了計答案快靚正，唔慣IS成日要寫論文explain your thinking ...

yaijing的表妹最終去了牛津，亦係有實力的人，CIS亦唔少去牛劍。如果當年佢留低，有機會過更快樂的校園生活，和提升佢EQ和社交智能。

同樣成績好，本地學校尤其女校，多少有d腥風血雨。國際學校友輩的比較、妒忌的麻煩嘢比較少。我女成績好，同學對佢好好，。咁多年我亦無聽過佢講過一句唔抵得人的說話。我覺得佢比我小時候心靈健康得多。