老師直接講 呢成績升唔到小學

yingzi2017

今日開完家長會之後，唔開心。
我大女4歲..仔仔3歲 同間幼稚園 讀全日。 離屋企要搭車10~15分鐘

大家應該會好奇讀全日好難得 (其實走後門 要有關係介紹)
大女講野同各方面評估成績都幾好 大部分4-5粒星完全掌握 可能女仔成熟容易學，最關鍵主要我仔仔語言比較遲緩，講野唔叻 只識好簡單詞語 未識句子.自理能力較弱要包片 經常要老師黎幫手 .有時要求叫我接走返屋企 乜奇怪理由都有


平時屋企都幾鐘意咋咋跳.有小脾氣 例如見到朱古力 跑過來同我講媽媽，朱古力   我話:唔食得！聽到之後 佢就扭計。     大部分我都轉移佢注意力，或者要求佢做好件事我就比，當獎勵。畢竟性格有D貪心 食完又想返轉頭要，朱古力食太多都唔好  比一粒我快D收好睇唔到 咁佢唔會要求。

其實仔智力同聽力都正常，識聽我說話，但專注力唔夠 好多時候我要不停重複，又會覺得煩 坐唔定。仲有廁所小便 日日睇住爸爸廁所  尿兜一早買好佢仲系唔識廁(呢方面我都唔知點教好 請大家指教)

上K1之前有帶佢上學前班 $2900 十堂 一個禮拜只上兩堂，每堂兩個鐘。幼兒畫班都報埋上過  貴都要值得 真系洗唔少錢放入去 1來適應環境 要知道守規矩 同小朋友合群  2來幫助開口，
學前班何老師都幾好，知道我仔仔乜問題 會好詳細同我傾下 句句講出重點叫我照做.
話仔仔其實系好聰明 好可愛亦都好正常，雖然上課會起身行咗一邊 小朋友有好奇心周圍睇下好正常 呢D好小事好多個入新環境都會咁 過一陣會好返， 仔仔仲會偷偷底匿埋望住 老師有冇睇到，只系同老師玩下，
話千祈無好將仔送入特殊教育學校 驚唔傻都變傻。一定要去有到校服務幫助，建議讀全日能夠幫佢追返語言。
唉！因做阿媽希望比最好嘅野比佢    但我心好攰...
宜家讀緊k1已經上學期完，幼稚園老師可能嫌麻煩 打分有幾低就比幾低 9成全幾乎0分，咁樣可以踢走我仔 最好唔讀 打分成績黎講 我覺得有問題..例如顏色 形狀 數字平時簡單都識辨別 都講得出，點解全部打不合格.讓我非常唔理解
去完家長會 臨走時候 老師講一句:呢個成績升唔到小學！！  
  好刺激我心

呢個情況其實應唔應該轉校好 一方面我都知道老師唔鐘意 .少少針對 肯定k2k3 升上小學冇望 ，另方面間學校收學生確實比較多，人手不足 老師都會辛苦

如果轉邊種幼稚園好，我都好迷茫。拎住呢份成績表我都好驚其他幼稚園唔會收. 會唔會以後都上唔到小學.... 我好擔心，為呢事喊咗一日都未訓

Liuvyn

就咁聽落去，呢間幼稚園只想收本身係叻的小朋友，如果你仔本身不是天資聰穎，之後又不能突飛猛進，未來K2K3都應該唔會好受。我覺得轉去普通同關愛的幼稚園可能會好D，又或者真係尋求專業人士睇下小朋友有冇需要特別訓練。男仔係比較麻煩，語言和發展遲緩，專注力不足等，又或者其實係本身幼稚園要求高。

yingzi2017

Liuvyn 發表於 20-1-20 11:54
就咁聽落去，呢間幼稚園只想收本身係叻的小朋友，如果你仔本身不是天資聰穎，之後又不能突飛猛進，未來K2K3 ...

比我感覺確實呢間幼稚園要求真系幾高 ，我有D放鬆唔到，好驚做漏咗嘢 好驚老師日日都打電話黎  
小朋友有做過發展測試，就語言方面較弱 都有排緊但要好耐，先keep住學校可以做到校服務支援 有語言治療師一個禮拜一堂。但效果不大

wingrio

你覺得老師TAKE CARE唔到佢 咪轉去一間HAPPY SCHOOL人生路咁長 幼稚園真係好少事
同埋 你有疑問不如出去比錢做次評估 起碼知道仔仔乜事 唔好估估下

yingzi2017

wingrio 發表於 20-1-20 16:53
你覺得老師TAKE CARE唔到佢 咪轉去一間HAPPY SCHOOL人生路咁長 幼稚園真係好少事
同埋 你有疑問不如出去比 ...

已經評估過確實語言方面較弱 ，都要排緊治療。話呢方面醫生太少 排隊太多。多謝你提議我去了解happyschool先，我睇資料話都幾好 放鬆，比小盆友自由發展 應該會適合佢。我仔比較好動，最好有多D以遊戲方式來學習。

宜家讀緊實在嚴格 我女一上緊K2就要開始語文功課執筆，雖然寫字唔係好正 一筆一畫差多少長短位 老師都會紅筆描出來 仲要默寫考下試。我霖如果我仔到咗上k2咁嚴佢一定好辛苦唔開心。

ChattyST

回覆 yingzi2017 的帖子

再自費言語治療又真係好貴!會唔會上吓小組, 等佢可以多D言語刺激?

crystal媽咪

yingzi2017 發表於 20-1-19 01:27
今日開完家長會之後，唔開心。
我大女4歲..仔仔3歲 同間幼稚園 讀全日。 離屋企要搭車10~15分鐘

間學校咁快講定？
宜家只係三歲，仲有好多進步空間

yingzi2017

crystal媽咪 發表於 20-1-21 16:15
間學校咁快講定？
宜家只係三歲，仲有好多進步空間

沒錯！而且好嫌棄我仔，轉位置坐角落！好擺明針對。

kkgai

你嗰間幼稚園睇嚟都係重學術多d, 我仔n 班時讀的幼兒園又係咁，仲暗示叫我轉校，後來k1終於轉左去一間好有愛心的學校，阿仔又返得開心，又無人覺得我仔有問題，所以如果間幼稚園唔啱讀，就要轉校啦

小菜豆

間幼稚園好冇愛心, 轉另一間吧。
我比較相信: 學前班何老師話仔仔其實系好聰明 好可愛亦都好正常。
我仔都有呢D情況, 已經評估是自閉症傾向,
他在主流幼稚園讀K1, 並已安排到校服務。
現時到校服務好快, 幾乎零等候。

kkgai

是的，三年前n 班班主任講到我仔好有問題，後來，展展轉轉我去見精神科醫生，醫生說問題很輕微，當佢係普通小朋友就得，而且很聰明，而家係一線津小讀小一，成績都唔錯，所以都唔洗太担心，喺入小學前把握時間做治療，一定會好快追上。

crystal媽咪

yingzi2017 發表於 20-1-21 19:26
沒錯！而且好嫌棄我仔，轉位置坐角落！好擺明針對。

間學校好差
可以既話搵學校轉

yingzi2017

kkgai 發表於 20-1-22 11:17
你嗰間幼稚園睇嚟都係重學術多d, 我仔n 班時讀的幼兒園又係咁，仲暗示叫我轉校，後來k1終於轉左去一間好有 ...

聽你咁講我寧願轉，反正我個間學校的老師好想要我仔仔快D走，老師幾乎只系為咗賺錢 唔系真心鐘意教小朋友。
請教下點樣睇邊種比較有愛心的學校，我分唔清 驚又是重學術。

yingzi2017

crystal媽咪 發表於 20-1-22 15:20
間學校好差
可以既話搵學校轉

我想轉，但我唔知邊種學校比較有愛心。

yingzi2017

kkgai 發表於 20-1-22 11:55
是的，三年前n 班班主任講到我仔好有問題，後來，展展轉轉我去見精神科醫生，醫生說問題很輕微，當佢係普通 ...

我今日帶仔仔去訓練中心，其實佢呢個問題都系好輕微 只比較遲講野，算比以前進步好多。

crystal媽咪

yingzi2017 發表於 20-1-22 19:25
我想轉，但我唔知邊種學校比較有愛心。

你兩個是否同一間？係方便接送，但係佢咁快就斷定小朋友，睇唔到佢會再擺心機去幫
唔係期望佢，但起碼多啲關顧或包容會好啲。
選校睇佢有無兼收服務/機構

yingzi2017

crystal媽咪 發表於 20-1-22 19:37
你兩個是否同一間？係方便接送，但係佢咁快就斷定小朋友，睇唔到佢會再擺心機去幫
唔係期望佢，但起碼多啲 ...

是的 兩個同一間學校,姐姐上緊k2.
老師邊會包容，經常打電話黎投訴。 次次接老師電話，我都莫名恐懼緊張....