聖提女 am vs. 聖保羅堂 中環 am

kkhhmmbb

如題，小女最後考慮以上兩間offer，兩間都要坐校巴，但唔遠。一間幼稚園女仔多，一間男仔多，兩間今年都係上午只有一班30人。小女可動可靜，喜歡睇書會主動答問題。希望培養自律有自信的小朋友，兩間都係券幼已經預咗要外補英文。由於兩間都係細校所以資訊唔多，請問有人可以分享下嗎？

感謝回覆

hkcecilia

回覆 kkhhmmbb 的帖子

我會prefer聖提女，有得博直升，叩門聖提女小只收聖提女幼學生。

kkhhmmbb

回覆 hkcecilia 的帖子

多謝回覆，似乎聖提就係有叩門優勢。但係聖保羅堂升小透明啲有數據，唔太知道聖提升小如何。

hkcecilia

回覆 kkhhmmbb 的帖子

考到入聖提女幼已經係best of the best，你帶住小朋友去in應該知考得幾難，好難入架。聖提女幼無公佈升小數據，但以我所知聖提女小一定收盡聖提女幼生，當然未必年年收得哂，但我相信小朋友入得去聖提女幼就算考其他好既小學應該都無問題。

聖保羅堂出名happy，講真happy既有幾學術谷?佢地考到好叻既小學應該係家長投放好多資源係小朋友身上。當然可能聖保羅堂考聖保羅男女小有少少優勢，但個優勢唔夠聖提女幼升聖提女小咁多，不過學品德聖保羅堂係好好

純粹我個人意見，兩間都好好，但有比較下就有呢啲concern。

kkhhmmbb

回覆 hkcecilia 的帖子

我睇返聖保羅堂資料中環18-19好似無人考到聖保羅男女，聖保羅堂書院就唔少有7個考到。我諗都係男仔讀著數啲

hkcecilia

回覆 kkhhmmbb 的帖子

聖保羅書院我唔熟識，不過都唔係易考入。但聖保羅堂應該同聖保羅男女小有dd關係，但要考入聖保羅男女小更加唔容易，比考入聖保羅書院更難。聖保羅堂既家長應該全力栽培小朋友

ohhycar

岩岩睇18/19校務報告
52%升返聖提女小
27個女仔去其他學校
好驚呀抽唔中又叩唔返好糾結

kkhhmmbb

回覆 ohhycar 的帖子

抽獎都係50/50，有啲可能係考咗去其他心儀學校。我聽人地講聖提女考小都ok，但詳情唔知。都聽講有人抽唔到又叩唔到。。。

maryhung138

回覆 kkhhmmbb 的帖子

雖然話兩間都係學券幼,學術水平差不多。但學校地理位置決定左兩間收取學生家庭背景的質素。所以以學券幼來講,聖保羅堂中環升小成績已經屬一屬二了,比其另一分校表現更亮麗,應該得聖心會好過佢。而聖提幼並無和小學掛勾,只在叩門時有優勢,但叩門位得五、六個,俾盡都係六位聖提幼受惠。相反舊年聖保幼中環都有三位叩入聖彼得了,所以優勢也不見得特別明顯。
當然升小除了靠彩數外,更重要靠家庭支援,學校幫唔到幾多,只係揀既話,我會揀聖保幼,貪佢多左少少虛榮感而已。

順便一提,幾間聖保羅學校系出一脈,都係聖保羅堂屬下辦學機構,但最多只係聯誼參觀有優先權,面試時都係走唔到後門的。

Diversifyedu

maryhung138 發表於 20-1-8 21:39
回覆 kkhhmmbb 的帖子

雖然話兩間都係學券幼,學術水平差不多。但學校地理位置決定左兩間收取學生家庭背景 ...

聖保羅堂每年都有人入到聖保羅男女同聖保羅小學，以券幼來講算係相當不俗，相信背後有關係分加乘。不過如果自己小朋友唔夠優秀，個幾個位都唔會落得到身上。

kkhhmmbb

回覆 maryhung138 的帖子

多謝回覆，請問為何會有虛榮感？因為聖保羅堂是老牌子學校嗎？

快樂火雞

聖提女
尼間收得你,通常是你分數夠,囡囡又醒目,好大機會升小

kkhhmmbb

多謝大家意見，已經註冊。

Poyau

ohhycar 發表於 20-1-8 14:01
岩岩睇18/19校務報告
52%升返聖提女小
27個女仔去其他學校

聖提幼係附小大戶佔25%(31/126)

附幼校務報告2019
https://www.ssgc.edu.hk/kg/report/report.pdf

附小校務報告2019
http://www.ssgps.edu.hk/notice/ssgps_schReport1819.pdf

Wallsa626

kkhhmmbb 發表於 20-1-10 15:50
多謝大家意見，已經註冊。

請問最後揀咗邊間?

kkhhmmbb

回覆 Poyau 的帖子

多謝資料

kkhhmmbb

回覆 Wallsa626 的帖子

最後都係搵唔到太多兩間學校考直私的資料，所以選了最近屋企的。