急！Keep My Passport service Tier4 Visa 有冇人用過

auntbb

好徬徨！臨急臨忙送小朋友去英國插班Year9. 11月先開始搞啱啱有學校收仲可以二月尾去插班適應半年先正式開始GCSE。學校應該一月中前有CAS,其他照肺等文件已經差唔多準備好一齊就比agent申請Tier4 (child) Visa. 但係1月尾農曆新年要離港去一星期旅行，agent建議預約旅行之後二月頭先再申請快證，但係咁樣Visa未confirm我都唔敢買機票，因為兩個人送小朋友去條數好大多數買特價冇得改嗰啲，visa出咗先買又剩返嗰幾日機票實貴到爆。我見有人提過有「keep my passport」service $620好似好啱我地但冇乜人分享過經驗，網上又寫得唔清楚，淨係知用咗呢個就唔可以做快證唔知Tier4 用唔用得。
好似有人提過收到通知有結果後四星期內要去交Passport貼Visa，但冇講如果旅行完先返嚟交咗Passport之後其實要等幾多日先攞得返。如果幾日攞得返我地就啱啱好又好穩陣啦，旅行前網上申請預約交文件，旅行後返嚟交Passport貼簽證。
呢度咁多家長專家希望大家比到我意見我搵勻全個網絡世界都搵唔到答案，agent都唔知有呢個service，淨係叫我做快證。
新手家長請幫忙幫忙！🙇🏻‍♀️🙇🏻‍♀️🙇🏻‍♀️

auntbb

就係呢個service, 但得嗰幾句唔係好清楚https://www.vfsglobal.co.uk/hk/e ... sport-when-applying

Sincelia

回覆 auntbb 的帖子

呢個比做正常時間的 visa, 不適合快證,其實交齊文件,快證只是真的五個工作日內可以出

auntbb

回覆 Sincelia 的帖子

我都見到用’keep my passport service $620’ 就唔可以用’快證 service$2xxx’其實19Feb出發，我一月中前去到北角交齊文件，好似係應該夠時間做正常時間的Visa。
只不過因為中途25Jan-1Feb 要出國旅行要passport,所以覺得’keep my passport’ service仲啱我地。
就係唔知visa decide咗之後，等去完旅行返來，係有幾多時間去再交passport同埋貼上visa要幾多日先得？
搵來搵去都冇人知，而家好徬徨唔知點好⋯⋯

Sincelia

回覆 auntbb 的帖子

明白，照時間應該足夠的

auntbb

Update 一下:我們6/1攞到CAS 即時上UKVI online apply 比埋visa 加priority service快証錢, 比IHS fee，就direct 咗去vfs global個site book appointment & upload 已有的文件，save 住先7/1 攞TB report upload 埋，一蚊vfs extra service都冇加就直接8/1去北角啦。
去到職員見我哋冇買附加費淨係講話唔使簽checklist, 等叫，埋窗口，職員係咁㩒個電腦，可能check我地upload咗乜但一句都冇提過齊唔齊，淨問我哋加唔加錢郵寄passport。完全冇問或要睇我哋帶咗一大疊的文件正本及副本。跟住去第二間房影相吸手指模就叫我地等email.
最後10/1收email, 11/1收到passport 及信。

auntbb

去到櫃檯嘗試問咗職員keep my passport service 交回咗Passport之後幾時先整到簽證，她說約一星期。不過就講唔實收通知批咗之後幾時之內要交簽證。

auntbb

今次作為初哥第一次申請學生簽證好大感受，發覺英國簽證網站申請文件需求好模糊，外判公司vfs global似乎只擔任中介角色，如果唔俾錢附加檢查掃描費完全唔會無條件幫手提示去到約見的申請者。 vfs global免費網上upload文件個位設計得好差又好慢，如果多人用一定load唔到，有啲文件都唔知放喺邊個分類位，同一類放幾個File要睇返啱唔啱好耐好麻煩，㩒一下要等幾十秒先開始有反應絕不能再㩒多一下會hang。申請過程冇講明要upload乜嘢文件我今次唯有大包圍乜都upload上去。但係去完北角後發覺完全冇睇正本或收任何副本，諗諗下又好似冇upload CAS列印版，收到封email又完全冇提成唔成功，驚左幾日會俾人reject。希望大家預鬆啲時間就唔會好似我咁急慢慢搞唔使比咁多冤枉錢！