2020年到英國留學讀Year 12，入嚟傾下啦

SmileSmileSmile

呢個post超正，感謝各位家長

kct18

我想問問電話咭，係咪應該去到入學時在學校出咭呀？

kct18

入學前是否要早到學校幾日了解學校附近情況，到入學日送仔女入學校後，是否不可以留底，家長可以離開？

yuyueng

kct18 發表於 20-1-21 08:34
我想問問電話咭，係咪應該去到入學時在學校出咭呀？

起香港出定可以一去到就用到，我自己之前用giffgaff起佢地網站要左張卡，佢地寄黎香港地址，然後上網買Goody Bag 8英鎊有2GB / 10英磅有6GB，12英磅有10GB等等，每個月可以轉plan，其實唔洗用到無限，因為學校有wifi，我系見以前有人分享過giffgaff收得都唔錯，不過大家買電話卡前最好網站check下自己學校覆蓋率如何，我仔學校原來用vodafone系收唔到；EE系收得好過giffgaff多一格，EK有篇文章介紹英國電話卡話EE系英國收得最好既，尤其偏遠郊區。另外3都多人用。

3b

kct18 發表於 20-1-21 08:37
入學前是否要早到學校幾日了解學校附近情況，到入學日送仔女入學校後，是否不可以留底，家長可以離開？
...

入學前一日到學校所在的town住一晚， 看看附近環境， 入宿舍那天早上， 一齊去學校登記， 買校服， 見護士， 中午同舍監， 老師及職員食午餐， 之後由buddy和他的家長帶領參觀學校， 完成後到房unpack行李， 家長下午4點前要離開學校

yuyueng

kct18 發表於 20-1-21 08:37
入學前是否要早到學校幾日了解學校附近情況，到入學日送仔女入學校後，是否不可以留底，家長可以離開？
...

我自己系同仔早一日去到學校最近既小鎮住左一晚，順便約左監護人見面，第二朝10點前到，其實inductionday當日早少少到已經好夠，幫我仔放好行李去宿舍房，之後佢地有佢地節目，家長有家長節目，其實系介紹下學校，留左3-4個鐘，家長們就走了，家長最遲5點前要離開，我仔學校系甘。

kct18

多謝分享！
諗起到時難捨難離的場面！

cfs

kct18 發表於 20-1-21 18:31
多謝分享！
諗起到時難捨難離的場面！

放心，我仔去中二，開學日好開心跟同學去咗參觀，大家bye bye都冇，我哋自己完成自己部就離開學校了

etoile

kct18 發表於 20-1-21 18:31
多謝分享！
諗起到時難捨難離的場面！

家長就難捨難離，佢哋係頭也不回！

kct18

etoile 發表於 20-1-22 10:36
家長就難捨難離，佢哋係頭也不回！

依個場面完全符合現實

Spidermum

想知道六、七月時伸請 tier 4 visa, 學生是否要親身去做visa? 如果到時不在香港就做唔到？

3b

Spidermum 發表於 20-2-6 23:57
想知道六、七月時伸請 tier 4 visa, 學生是否要親身去做visa? 如果到時不在香港就做唔到？
...

一定要親身申請， 因為要即時影相及打手指模

Spidermum

回覆 3b 的帖子

大家都好幫忙   謝謝。

pharaoh

cfs 發表於 20-1-21 23:53
放心，我仔去中二，開學日好開心跟同學去咗參觀，大家bye bye都冇，我哋自己完成自己部就離開學校了
...

你仔仔係咪讀完中二才過去英國呀? 佢要多久才適應那邊呢?

cfs

pharaoh 發表於 20-2-29 23:59
你仔仔係咪讀完中二才過去英國呀? 佢要多久才適應那邊呢?

讀完中一過去，一個月已經習慣上課程序方式，進度亦都跟到，識到好多朋友佢好開心。呢一年絕對值得。

pharaoh

cfs 發表於 20-3-1 22:31
讀完中一過去，一個月已經習慣上課程序方式，進度亦都跟到，識到好多朋友佢好開心。呢一年絕對值得。
...

太好了, 可以放心.
去到那邊是讀Year 9 嗎? 課程輕唔輕鬆呀?

rainbowwall

我小朋友舊年12歲過去讀，一個月都吾洗已經完全適應，除咗開學時陪佢過去，之後其他假期都喺佢自己一個人來回英港，小朋友適應能力好強，所以吾洗太擔心

l_law

Hi, 我仔都係2020年9月去英國讀Year 12。上星期交了deposit 比學校。

l_law

我仔人係9月2日開學，你哋呢？大家買咗機票未？還是等做好Visa後才買機票呢？

cfs

pharaoh 發表於 20-3-1 23:29
太好了, 可以放心.
去到那邊是讀Year 9 嗎? 課程輕唔輕鬆呀?

去到只係讀year 8,好輕鬆呀因為香港人谷慣掛，所以完全冇問題。唔直接讀year 9係想比佢慢慢適應識下朋友