小兒情況，求意見

applepie34

2Y8M，讀PN
開學兩個月老師覺得小朋友玩手，觸感過敏，唔太專心，建議我地考慮下去評估

協康評估結果為language delay (delay 9個月) with autistic tendency (自閉傾向)，整體發展遲緩 delay 5個月，社交較弱，同埋焦慮幾高。
心理學家話佢係輕微，訓練可以幫佢追返。俾左E I O我地自己選。

我地會在原校上K，今年學校新增了到校，暫時無乜人用，應該一個月就已排到O位。但聽人講O位會用左上堂時間+training時間唔足。

請問小兒情況，大家建議O定E? 謝謝

bbba05

applepie34 發表於 19-12-8 23:51
2Y8M，讀PN
開學兩個月老師覺得小朋友玩手，觸感過敏，唔太專心，建議我地考慮下去評估

O位未必一定用上課時間，可以同機構和學校傾，當然宜家唔知得唔得。我都安排咗上課以外時間(am上課， pm training).

E位你要考慮埋間centre就唔就腳。training時數我唔太清楚。

applepie34

bbba05 發表於 19-12-9 06:36
O位未必一定用上課時間，可以同機構和學校傾，當然宜家唔知得唔得。我都安排咗上課以外時間(am上課， pm t ...

E位是否自己揀centre?

bbba05

applepie34 發表於 19-12-9 08:19
E位是否自己揀centre?

我排O冇排E, 所以唔清楚，唔好意思。

happyflora

本帖最後由 happyflora 於 19-12-12 09:25 編輯

樓主都加油呀！

minimiss

回覆 applepie34 的帖子

請問你個仔係幾大既時候做協康評估架？點樣排協康評估架呢？我仔現在18M, 都有發展遲緩。

2von

applepie34 發表於 19-12-9 08:19
E位是否自己揀centre?

有張list俾你揀排邊3間，我印象中社署網頁都有

Justmichelle

我本來舊年年尾係協康做完評估後排E，9月排到CAC評估後轉排O，啱啱排到了。
如果繼續排E我諗要出年9月先至可以用到服務，CAC個醫生叫我寧願盡早接受training好過嘥時間等。

applepie34

Justmichelle 發表於 19-12-14 11:28
我本來舊年年尾係協康做完評估後排E，9月排到CAC評估後轉排O，啱啱排到了。
如果繼續排E我諗要出年9月先至 ...

咁到校真係快好多，你只用左兩三個月

曉如1312

聽返e位堂數可能較到校多，但要考慮e位要搵人接送，難改時間

crystal媽咪

applepie34 發表於 19-12-8 23:51
2Y8M，讀PN
開學兩個月老師覺得小朋友玩手，觸感過敏，唔太專心，建議我地考慮下去評估

你最後揀左O定E？
如果係全日班n班，O位就一定係用左上堂時間，半日……上堂時間可以同該機構商量
E位……去中心，器材有時會好啲、多啲
，因治療師唔需要帶嘢(相對O位)

19cheung

回覆 applepie34 的帖子

剛剛排了CAC 做評估但去到出年4月，想問下可以去協康嗎？如果去完協康check 完，可以去政府排服務嗎？（小朋友3歲6個月），因為要等15個月先評估，請指教

19cheung

回覆 applepie34 的帖子

K1開學小朋友老師也是咁講，請問應該點？

applepie34

19cheung 發表於 20-1-5 07:53
回覆 applepie34 的帖子

剛剛排了CAC 做評估但去到出年4月，想問下可以去協康嗎？如果去完協康check 完， ...

協康評估$6300，之後可以排政府服務呀。同埋可keep CAC評估，我個期2021年頭。

applepie34

19cheung 發表於 20-1-5 07:59
回覆 applepie34 的帖子

K1開學小朋友老師也是咁講，請問應該點？

「也是咁講」即邊方面？

applepie34

crystal媽咪 發表於 20-1-3 14:42
你最後揀左O定E？
如果係全日班n班，O位就一定係用左上堂時間，半日……上堂時間可以同該機構商量
E位…… ...

最終都係揀O位，上個星期社工已打來話有位，就快可以上。

反正我在出面會繼續幫佢報私人training，所以O位我當成學校既「補習班」俾佢，希望選得岩啦

王家爸爸

applepie34 發表於 19-12-8 23:51
2Y8M，讀PN
開學兩個月老師覺得小朋友玩手，觸感過敏，唔太專心，建議我地考慮下去評估

語言能力遲緩9個月，整體發展遲緩5個月，其實問題未必係想像中咁大。如果2歲幾3歲既小朋友，講到「食餅餅」、「飲水水」、「水熱熱」，其實已經唔係大問題。社交較弱、焦慮可能都係語言能力弱既引申效果，有可能等語言能力好翻啲，就自然解決到。
語言能力遲緩既原因大致有兩種，一種係小朋友本身遲，第二種係屋企人講既語言複雜，例如屋企廣東話、普通話、英文、潮州話、福建話同時有人講。而大部分情況係兩種原因都有，所以好睇個人既實際情況。
其實語言發展遲早，係3歲前唔係問題，一般小朋友既語言發展既關鍵期係3-6歲，如果到咗4歲仍然追唔上，就需要擔心，因為3-6歲係小朋友既語言高度發展期。
O定E，其實睇你自己既情況，O位，因為係On-site服務，所以比較簡單，E位需要去早期學習或訓練中心，比較花時間。另外可以考慮讀幼稚園兼收位（I位），一來可以同一般小朋友一齊讀，二來可以等幼稚園老師幫手觀察小朋友既發展。

王家爸爸

applepie34 發表於 20-1-9 23:30
最終都係揀O位，上個星期社工已打來話有位，就快可以上。

反正我在出面會繼續幫佢報私人training，所以O ...

語言能力部分，父母自己train，效果可能更好。先訓練名詞，用同佢玩既態度，揸住啲野，同小朋友重複講嗰樣野既名，直到佢發音正確為止。但係需要注意，每個人只用一種語言同小朋友講野，減少小朋友混淆既可能性。社交能力既訓練，其實多啲帶去公園玩，多啲同小朋友交流，可能已經有改善。

Isobel

其實父母自己都可以做好多"特殊訓練"架! 有好多書本教這些、網上也有海量資料。

若是語言方面，就更多野可以做。例如:

多D同佢講野 (但要注意講得"科學D" ，例如清晰D、字正腔圓D、有條理D、由淺入深、逐步將句子結構加深...等等)、講故事書、自己一邊做野一邊描述自己在做甚麼...等等...。講故事書時可以不斷問佢問題(其實每一幅圖，仔細講起來，都可以有排講的)、繼以叫佢參與講部份、年紀大D後可以叫佢講成個故事俾你聽、甚至玩"概括總結"....

努力鼓勵佢講野 (即例如當佢只是有丁點表達意慾時、可能只是"ER"一聲，父母也要立即積極回應，如果佢講不出，父母可以話"係喎! 朵花好靚呀! (如果佢當時望向花) " 等等，總之千萬不要令佢不想/不敢講野。平日佢跟你講甚麼野都要"大加讚賞"、再順便"改正/改良/修飾佢所講的句子"。相信小孩就會進步得很快了

applepie34

多謝大家咁用心回覆！Update一下，我們評估後著重多左佢言語完整表達，上星期去言語治療，言語治療師評估過話無delay 9個月咁多，最多3-6個月。