中一同學仔屢次借錢拖延不還

崔妍

啊囡今年啱升中一，認識一班新同學，相處一個零月，10月中有女同學仔向我囡借錢，一開始都係借幾蚊，話好肚餓要小食部買小食，前面嘅錢未還，後面又再借幾次，話佢冇早餐食，要買嘢食，總共借咗40蚊，應成11月中佢媽媽畀零用會還返，到咗11月中，我囡問佢要返錢，佢話冇錢，要等下個月頭，到咗12月我囡冇追佢要錢，佢竟然冇呢回事，到而家都冇任何表態，對於同學呢種行為，我甚是擔憂，咁細年級學會借錢，借完拖延唔還，家庭教養真喺好有問題，呢種情況我應該點處理？需要話畀學校老師知嗎？

kirstyau

崔妍 發表於 19-12-7 13:33
啊囡今年啱升中一，認識一班新同學，相處一個零月，10月中有女同學仔向我囡借錢，一開始都係借幾蚊，話好肚 ...

我女咪就係貪方便，叫人幫佢買又唔記得比返錢人，但阿女性格一定唔係貪錢唔還，一零用好夠，二對人唔孤寒，會買生日禮物聖誕卡比同學仔。
感覺佢唔知嚴重性， 我有提佢一定要星期一還返比人（琴日夜晚話唔記得比返錢）

崔妍

我感覺呢位同學係學校問同學借錢屋企家長唔知，借咗兩個月都未曾諗住還，如果同學真係急需用錢嘅，係真係有需要嘅，借其實冇問題，但喺呢位同學每次借來都喺買零食嘅，借咗一次又一次，話還又冇還到，琴日仲問我囡又要借，我囡話你還咗之前嘅先啦，佢冇出聲走咗去。雖然借嘅錢唔多，但喺借咗唔還又成日要借，我覺得會對同學造成困擾，影響唔好，講畀老師聽又擔心影響同學關係，唔講又好似縱容佢嘅不當行為。

Jane1983

佢只係問你女一個借？定係周圍借？

首先借呢個機會教亞女學識選朋友之道，同埋如何理財。可以叫亞女繼續追佢還錢，唔好再借比佢。除非個女仔同時問好多個同學借錢，成條街數，否則我唔會搵老師講。一來唔想整衰個女仔係學校的紀錄，二來亦驚會令小朋友在學校難做人，始終中學生生活比較複雜。

Danielhk

我知道有些家庭沒有給孩子零用錢的習慣。

如果女同學屬於這種情況，恐怕無法歸還。除非如實求助父母。如果父母嚴厲，孩子除了拖延不還，真的沒有其他好辦法。

有的是因為家庭養育習慣，有的是因為家庭經濟負擔。

40多元是小錢，不還也無所謂。
說實話，我對借錢女孩更多是同情的看法。

不追究，有點任其墮落的愧疚。

Jane1983

回覆 Danielhk 的帖子

不追究，有點任其墮落的愧疚 —- 呢d話唔埋，朋友個女初中踩着個Queen bee條尾，告發佢測驗偷睇，結果比人中學玩足5年，冷待單打杯葛不斷。有d細路你拯救唔起。

love-baby

Deleted

yaya_c

由細到大都教佢地, 借錢俾人, 自己要預左對方唔會還, 你接受到先可以借出去.  同埋有借有還, 先會再借第二次俾人.  

呀仔中一時開學無耐就有人問佢借, 佢拒絕左人話無錢.   佢話小學同學就會借, 新同學識得1個月都無就唔好喇.   呀囡話無有人會問佢借, 佢成日都話無錢, 但自己儲埋唔少.

TwinWong

崔妍 發表於 19-12-7 13:33
啊囡今年啱升中一，認識一班新同學，相處一個零月，10月中有女同學仔向我囡借錢，一開始都係借幾蚊，話好肚 ...

經一事長一智,
當跌了吧, 沒有以后,
同你熟了都不借
也不用跟老師說

1998Ruby1998

40 蚊當買個教訓，以後再問就「還錢先」。
第一日返學，已經教「唔可以借錢」，最多只係負責買零食頂多分一半。如果借錢情況繼續，不論係對女女定其他同學，女女可以同學校社工提呢件事。社工會分析事件。

Cheeselover

一句講晒，＂有借有還上等人＂。

MrBeast

人道的做法是帶一些不太吸引的食物請那位同學食

Danielhk

MrBeast 發表於 19-12-10 07:15
人道的做法是帶一些不太吸引的食物請那位同學食

這個建議好啊。
避免誤傷可能真正肚餓的同學。

如果挑三揀四，那就不是真的飢餓。

也可以避免同學之間過於生硬的拒絕。

崔妍

多謝咁多位家長參與討論！喺唔同嘅建議中的確受益良多。琴日嗰位女同學同我女講，因為今次嘅測驗成績唔好，佢媽媽取消咗佢今個月嘅零用，所以唔知幾時先有得還。雖然唔知係事實還是藉口，但佢始終都仲細，可能未明當中的嚴重性，希望佢隨著年齡增長慢慢會明白。喺呢件事中都畀亞女明白咗D做人道理，知道誠信同責任係做人基本。

b3410

Danielhk 發表於 19-12-7 21:58
我知道有些家庭沒有給孩子零用錢的習慣。

如果女同學屬於這種情況，恐怕無法歸還。除非如實求助父母。如果 ...

我都有類似感覺，唔知點解覺得好似呢位同學另有隱情咁。因為借的又唔係大數，而且每次濕濕碎碎。不過，剛剛中一，大家唔算好熟，都係小心交友，帶眼識人好D。

piyohk

還到先好借！銀碼細都係錢 ⋯⋯舊債未還，新債免問，還要借咗幾次咁多（錢銀嘅事，此終傷感情，唉⋯⋯）