為咩讀國際學校

細佬Bebe

melobi12 發表於 20-10-15 07:55
會咁㗎？
我對LS名校啲校服敏感度好低，基本上認唔到佢地邊個打邊個
...

其他地方唔知 但至少係我近排親身體驗到大眾點樣睇IS小朋友同家長 （因為小朋友近排先K1開學）我neighbourhood已經有唔少既IS生 咩學校都有 （目測1-2成 高於香港整體比例）

我有個好好人既鄰居仲直接泥進諫 叫我快啲揀返名LS 一聽之下 原來佢大女當年係考唔到名LS 去左IS讀左幾年 考返入全九龍最勁既龍校 但最後都係唔適合要出國 所以未有好多道聽途說既人覺得IS係入唔到勁LS用錢買捷徑咁

我唔敢話咁講既所有人無知 但一定係係未真正理解IS下道聽途說label IS （同埋IS生吸毒 食煙拍拖濫交等標籤性質類同）如果有去考過IS既家長 或踏入過IS校門去過下open day 甚至放學經過IS校門 就應該唔會咁唸

咁當然有一部份係真無知 連屋苑既管理員都會覺得你小朋友不是精英個批 因為佢地只認到st cat 學之園培正既校服 好難怪既 st cat既校巴係一大車咁車啲叻叻小朋友返學

我既態度係noted with thanks 心唸有咩所謂 最好少啲人知 唔好將惡性競爭文化帶入IS 好似樓上所講 又唔係要叨學校光 間學校個名上到月球都見到對我泥講都無意思

993rs

chitchatchat 發表於 20-10-15 08:57
真係架喎！ 有個低我女一級既同學，問我地考小學有咩offer, 我講完佢聽之後，我話最後揀左國際學校。佢地 ...

EK 都充斥唔少 IS 睇唔起 PIS、傳統名校不屑新晉名校。現實生活中，H袋睇唔起 L袋，系youtube went viral 一排既 benz 佬睇唔起 貨van 佬 。

其實你有你食 Caprice、我有我食澳牛。你睇唔起澳牛係你既事姐，我只係想食我鐘意既野，何況你又唔係諗住請我食

boyzzzz

我又冇咩理人
英基仔五歲，學完琴返入去屋苑，前半分鐘流利英文同細佬又同工人姐姐有講又笑，後半分鐘同管理處叔叔廣東話打招呼講下同上次普通話朗誦拎獎。
唔理其他在場LS街坊點諗，我只笑而不語

Moonlight819

細佬Bebe 發表於 20-10-15 10:26
其他地方唔知 但至少係我近排親身體驗到大眾點樣睇IS小朋友同家長 （因為小朋友近排先K1開學）我neighbour ...

我現在實在不會理那些井底的人，什麼所謂名幼如St Cat,最後未又要考小一，不少人也考不到心儀學校，所以根本以為考到名幼就等於小朋友之後學業成功的真是太天真了！

Radiomama

睇吓這個帖，有啲越睇越好笑。
不要再介懷人哋讀邊間、自己孩子讀邊間學校啦。
已開學一段時間，係時候檢視孩子的學習進度和態度；還有上學後的社交發展。趁term break鬆一鬆、郊遊一下，多（陪）讀一點書，好好享受國際學校的空間吧。
到了國際學校的高中階段，term break會用來籌辦課外活動、做lab reports、參加活動比賽等，好忙㗎！

mandy_ng207

回覆 Radiomama 的帖子

真係覺得你嘅說話好有智慧，謝謝分享
其實讀咗IS幾年，以前考唔到LS嘅心結已逐漸解開了（我認我係考唔到心儀學校才考慮IS）
反而覺得入咗IS呢條路係幸運
雖然IS堅貴（我覺得唯一嘅壞處），但暫時佢俾到嘅教育令我好滿意
朋友個仔今年升小一，入咗九龍塘某私小，見佢阿媽開學後分享，個仔會好mean咁話佢阿媽（例如叫佢「哨牙珍」），又話喺屋企都要計平時分（學校要計），樣樣嘢都係扣亞媽分唔扣自己分。
我自己重視品格教育多於學術，我覺得學術有幾大成就係睇天賦，但品格培養就後天佔多。我好感恩我仔仍然係性格樂天，勇於認錯，唔會對父母好刻薄（口講就會，但唔會做得出），係我想要嘅type。
我唔知LS嘅小朋友係咪都可以培養到正面樂觀嘅性格，但至少在IS環境就肯定做到了。
我諗每個人揀學校嘅考慮唔同，最緊要自己諗清楚唔好後悔就得。鐘意LS嘅家長自然有佢嘅原因，無話邊個啱邊個錯～

dem0cracy

細佬Bebe 發表於 20-10-15 06:16
本帖最後由 細佬Bebe 於 20-10-15 10:03 編輯

仲有一部份街上既師奶/ 小朋友讀名LS既鄰居會用憐忟既眼 ...

我連大廈看更都對我報以憐憫目光呀

melobi12

真係大家講我先知原來係咁。

我女仲細，身邊雖然有朋友谷緊同齡小朋友入名校，但亦都有朋友只係揀普通學校，都算五花八門，好彩大家都冇咩話比較大家邊條路好啲。

不過最幸運係兩公婆3年前幫小朋友揀N班/幼稚園時，一個話「不如讀IS」，另一個即刻話「好喎」。諗返真係好彩，因為結婚前完全冇了解過對方呢方面嘅諗法，偏偏小朋友教育實在對一個家庭影響深遠

又好彩地4大長老對我地嘅決定好接認同，基本上一講個決定俾佢地知，公公婆婆已經舉腳贊成，爺爺嫲嫲都只係用左一兩個禮拜時間消化，然後就開始見親個孫都同佢講英文 （之後我地當然叫返佢地轉返廣東話台 haha）

最常見嘅親人都贊成、朋友又明白，我地真係算好幸運。至於樓下看更同隔離屋點睇，隨便佢地啦～

Moonlight819

dem0cracy 發表於 20-10-15 15:09
我連大廈看更都對我報以憐憫目光呀

你大廈看更那麼奇怪？好在我接觸的看更或親友皆報以艷羡的目光！

invisible2007

路過搭兩句咀
當初考n班時公公叫我地比小朋友讀國際學校，我地一意孤行地幫小朋友報so called名幼，咁好彩又比小朋友入到。頭兩年都仲好開心，但d人講話香港小朋友的童年係去到4歲就完，係真既，我地完全體會到！

小朋友讀果間“名幼”一到k1下學期已開始目標為本：考小一。上到k2情況更甚，完全無童年童真可言。即使身邊同學聚會，家長開口埋口都係傾考學校點面試！ 我地唔忍心小朋友o既童年咁就過去，的起心肝同佢報國際學校，結果好好彩，又有心儀國際學校收左，小朋友返左實體學3星期，每日放學都開籠雀咁同我地分享在學校學左咩玩左咩，睇得出佢真係好享受校園學習生活！放學後有更多空間比佢做自己想做的事，發展自己的興趣，玩得多體能好左，成個人都健康左！

睇到以前幼稚園的同學好努力地預備考小，每日放學練習寫字寫句子連點講野都要練，點玩又要練，真係好慶幸自己“懸崖勒馬”決定幫小朋友轉校轉學制，終於可以比返個正常童年佢！ 同埋原來看似不理世事既公公，一早已看透世情，薑真係越老越辣！

chitchatchat

jane__411 發表於 20-10-15 09:48
回覆 細佬Bebe 的帖子

我女係你講嘅LS轉去IS，係有好多家長問我點解呀女讀得咁好又讀到轉佢哋無試 ...

但始終LS名校既光環令他們覺得自己與眾不同既！ 佢地只有覺得讀IS既係讀唔成書，hae到爆，咩都唔識既人讀 。

你講得啱呀！佢地真係唔知IS有幾難考，成日只有覺得呢班人用錢買學位咁樣架

細佬Bebe

Radiomama 發表於 20-10-15 11:06
睇吓這個帖，有啲越睇越好笑。
不要再介懷人哋讀邊間、自己孩子讀邊間學校啦。
已開學一段時間，係時候檢視 ...

講開多陪讀一點書 我頗滿意學校係呢斷期間既努力

1）學校圖書館 因衛生問題但有添新書 同每本書還返去會消毒

2）提供epic!呢個Online library
係肺期間真係好有用

我平時都係書局同網購買書 再加成日同佢去圖書館 但肺炎後買書係少左（始終心裡有壓力） 圖書館都只係一星期去一次 而epic!可補足返 keep到小朋友有新書睇 對睇書既勢情

相信唔少IS學費包左epic!

覺得學校係鼓勵閱讀方面真係身體力行

就泥term break真係又要陪太子玩 無得去旅行好可惜

Osiana

mandy_ng207 發表於 20-10-15 14:18
回覆 Radiomama 的帖子

真係覺得你嘅說話好有智慧，謝謝分享

真係唔知點解讀LS 嘅細路一般比較吋嘴，鐘意窒人，可能佢地覺得咁樣係醒目。有朋友個細路，經常話俾我聽佢地學校教快半年，其實我都好想講佢知，讀IS英文比你快幾年

我同意品德教育好重要，但唔係只係得個講字。 IS老師寬容好多，有禮貌及EQ 高。起碼咁多年我地及朋友遇見嘅IS老師都係好好，我女鐘意所有老師。 反之，經常有聽LS 家長講地獄教師。 老師對人對事都唔可以以身作則，咁點樣可以教好小朋友。

1992英语baby

mindfulmom 發表於 19-11-21 20:33
究竟各位前輩係因為咩原因，決定比小朋友讀國際學校（而唔揀本地小學）？

我估好多家長都會有掙扎，畢竟學 ...

https://youtu.be/eAils3Zc8eA
YouTube 有這段由國際學校和本地學校學生拍攝的紀錄片（片長40分鐘）可以作參考

Topic: One Education Two Systems

penp0319

poonseelai 發表於 20-10-10 12:34
你好有心機找資料  。你指那些是缺陷？其實之前我有提個不要IS定 LS，衹分課程便可
...

完全同意！看課程是否自己喜歡和適合小朋友便可！

siuta

細佬Bebe 發表於 20-10-15 10:26
其他地方唔知 但至少係我近排親身體驗到大眾點樣睇IS小朋友同家長 （因為小朋友近排先K1開學）我neighbour ...

deleted

siuta

Osiana 發表於 20-10-15 22:45
真係唔知點解讀LS 嘅細路一般比較吋嘴，鐘意窒人，可能佢地覺得咁樣係醒目。有朋友個細路，經常話俾我聽佢 ...

deleted

Osiana

siuta 發表於 20-10-18 23:43
教快半年有咩用呢？對考小學考中學有幫助，對小朋友長遠教育幫助好有限。小三學生讀一年嘅嘢俾一個中三生 ...

無錯，好多 LS家長衡量一間學校好唔好用教花半年或一年做指標，又成日講邊間小學學術高D。 小學教育係基本教育，應著重同人相處社交，溝通，語文基礎，情緒管理，最重要係發掘自己長處及優點。

好多學生係香港教育讀完咁多年，都唔知自己究竟有乜優點。成績係一方面，唔係人人要讀大學，讀大學又唔一定要讀醫生律師會計師。 只要知道自己長處，發揮出來，一樣可以成功。 例如，Jamie Oliver 去讀廚藝，一樣好成功。

但香港，好多人去讀工商管理，讀完出嚟根本唔知自己想做乜嘢，好多都係讀完先算。


不過，對於好多 LS 家長嚟講，呢D 好唔實際

小寶貝兒

Osiana 發表於 20-10-19 07:01
無錯，好多 LS家長衡量一間學校好唔好用教花半年或一年做指標，又成日講邊間小學學術高D。 小學教育係基本 ...

冇數據冇野揸手會好冇安全感丫嘛  

timzoeydon

回覆 小寶貝兒 的帖子

岩，正如放咗學有書要溫，有功課要做仲要做你幾粒鐘，家長先至覺得小朋友今日係有嘢學過，見小朋友返到屋企不停做做做就覺得非常實在。
相反讀國際學校嘅小朋友放學可能自己睇下圖書，畫下野或者做下手作仔(可能係tast), 比本地d家長見到就會即刻認為呢啲小朋友hea, 會好表面咁認為呢啲小朋友一定係乜嘢都唔識。