香港現時情況有無唸過提前出國留學

mondaysunday

首先說明一下呢個唔係關於政治的討論，只係目前情況看，擔心小朋友唔知幾時可能又要停課翻唔到學，好無安全感，國際學校學費又唔便，所以開始考慮不如早D出去讀，孩子現在初小，擔心太細，同時也擔心出左去中文更加唔使有任何期望。有無家長有類似考慮呀？

964000

mondaysunday 發表於 19-11-20 23:31
首先說明一下呢個唔係關於政治的討論，只係目前情況看，擔心小朋友唔知幾時可能又要停課翻唔到學，好無安全 ...

國際學校不會貴過出國呀，在香港始終有語境學好中文，除非全家一起走，否則不宜太細送，關係會很疏離。

jellomama

回覆 mondaysunday 的帖子

你嘅小朋友只係初小咁細，除非一家人走，否則你冇嘢可以做。
至於初中生，今年因為香港局勢不穩，有大量學生申請去英國同美國。另外，而家係香港讀緊大學嘅學生，又有好多家長臨急臨忙安排仔女去外國讀書。

Jane1983

初小太細，就算棄中文都唔放心。我小朋友初中，我都唔捨得送走，日日希望情況好轉。

始終一家人在佢出國讀大學，齊齊整整幸幸福福咁一起生活就得那麼十幾年，唔想再縮短。太少相處，親子感情唔深厚。

heihei33

Jane1983 發表於 19-11-21 08:52
初小太細，就算棄中文都唔放心。我小朋友初中，我都唔捨得送走，日日希望情況好轉。

始終一家人在佢出國讀 ...

我小朋友都係初小,我哋絕對唔會而家送佢走，佢冇可能自己一個人去外國能夠 獨立照顧自己

如果係中學就唔同諗法

amuroo

我計劃十幾年後先全家走，現實問題 要搵食要生活。要時間準備。

的確國際學校會比送外國留學平。因為父母有人工。而且外國Private school 好多比香港普通IS更貴。

我係去英國....真係好貴

964000

amuroo 發表於 19-11-21 13:42
我計劃十幾年後先全家走，現實問題 要搵食要生活。要時間準備。

的確國際學校會比送外國留學平。因為父母 ...

讀著IS先啦，要出國都不怕適應問題，less cultural shock, IS不會搞政治，也不會被搞乜乜，不用細細個趕著走，可按自己家庭計劃。始終在香港叫有語境學中文，同香港始終低稅有效率，儲多個錢先，在外國生活交完稅同醫療跟本儲唔到錢。

Jane1983

heihei33 發表於 19-11-21 12:21
我小朋友都係初小,我哋絕對唔會而家送佢走，佢冇可能自己一個人去外國能夠 獨立照顧自己

如果係中學就唔 ...

初中都緊要，佢踏入青春期，好多嘢係好需要父母係身邊陪伴和關懷，係重要時候比意見佢和扶佢一把。

keep-calm

964000 發表於 19-11-21 14:19
讀著IS先啦，要出國都不怕適應問題，less cultural shock, IS不會搞政治，也不會被搞乜乜，不用細細個趕著 ...

感覺上，今次社會事件對國際學校影響較少。但因為我自己小朋友不是讀國際學校，所以想請教大家普遍國際學校對現時社會事件的處理手法及同學之間對事件的睇法如何？（不討論政治，純粹想了解一下，謝謝）

Jane1983

回覆 keep-calm 的帖子

咁大件事，學校點都會有傾吓，但係無企邊和鼓勵理性非暴力。一定唔會好似BK講，有些本地學校老師係堂上鬧警察係狗，又或者副校公開講「黑警死全家」

mandy_ng207

keep-calm 發表於 19-11-21 15:53
感覺上，今次社會事件對國際學校影響較少。但因為我自己小朋友不是讀國際學校，所以想請教大家普遍國際學 ...

我仔學校係一間英制小學，裏面嘅學生基本上係跟英國日曆去生活，佢哋連節日都係跟英國嘅慶祝，堂上唔會傾香港政治但學校係冇中學嘅

keep-calm

多謝各位分享。請問國際學校學生睇報紙/新聞是否傾向睇外地傳媒多？期待更多家長分享， 尤其想知道國際中學的情況,thanks (emoji)(emoji)

Jane1983

回覆 keep-calm 的帖子

吃早餐和晚飯時，是長開廣東話新聞台。但佢地自己睇新聞就會睇外國媒體。
我地始終唔係旅居香港的外國人，香港發生咁大件事，10+歲的小朋友好難唔知，亦一定有感受。我係幾appreciate學校和advisory的導師同學生傾吓。我女朋友仔中有父母係大學教授，居住在大學宿舍的。身處風眼中，我聽我女講又無乜嘢，大家都好平靜，努力學習、快樂運動。

細佬Bebe

提早出國係現時環境下有咩好處？令小朋友唔駛見到暴力場面？定想佢完全唔知？

OLAF1023

964000 發表於 19-11-21 14:19
讀著IS先啦，要出國都不怕適應問題，less cultural shock, IS不會搞政治，也不會被搞乜乜，不用細細個趕著 ...

想插口講句，因為IS不搞政治，但就有LS學生好似好不滿IS學生不參與政治，想借條路行下啫（唯一通道），講咗唔該借借，都畀人刻意推撞。

OLAF1023

回覆 keep-calm 的帖子

我囡學校有祈禱

OLAF1023

keep-calm 發表於 19-11-21 17:41
多謝各位分享。請問國際學校學生睇報紙/新聞是否傾向睇外地傳媒多？期待更多家長分享， 尤其想知道國際中學 ...

LS 中學生，好喜歡睇名校SECRETS同新名校SECRETS！同埋蘋果！（不過好似又話罷睇了）以我所知，亦有IS學生有睇但冇留言出聲嗰隻！
FB，TWITTER入面啲PAGE好多政治，佢哋當新聞咁睇。
因為IS學生入面都有LOCAL人，所以都會睇㗎！同你講完全冇睇就冇可能！
不過以我女為例，我會控制佢上網，尤其關於政治。
我會開收音機畀佢聽！

964000

OLAF1023 發表於 19-11-22 21:35
LS 中學生，好喜歡睇名校SECRETS同新名校SECRETS！同埋蘋果！（不過好似又話罷睇了）以我所知，亦有IS學生 ...

中文屎的個D咪唔會睇，仲有連登呢D咁有深度嘅野，應該睇唔明