崇真VS聖母VS德望

ok3

Melody99 發表於 19-11-12 11:08
驚GH太谷，想住其他兩間是否會輕鬆些

唔好成日俾啲路人甲乙丙誤導。谷定happy school, 好多時其實只是人云亦云嘅刻板印象。GH如果妳英文ok, 有正常學習能力, 其實唔係想象中辛苦。初小唔計改正, 基本上唔會多過5樣功課。除咗英文, 其它亦冇特別教深。

ok3

yukielf_barbie 發表於 19-11-16 17:35
回覆 ok3 的帖子

想請教下其實點解經常傳出德望好谷，谷在課程深？功課多？老師要求高？因為囡囡細b今年都 ...

聽講前校長時比現在多功課&考測, 啲人可能仲停留喺當年嘅印象啩! 唔係有小朋友讀緊嘅, 有幾多人真係會深入了解?!

除咗英文 (啲worksheet應該比一般深外), 其餘課程冇特別教深, 都係用返嗰個年級嘅書. 功課亦唔見特別多, 初小唔計改正, 基本上都係幾樣咁, 我見亞女好多時喺學校已做完(一星期有3日有功課堂). 不過要留意GH係英小, 如果英文唔好, 真係可能會比較辛苦.


細B辛唔辛苦我諗係睇人(我成日覺得我屋企個件細B好得閒). 不過GH多數係大B就真. 至於老師多唔多support, 正正常常我諗老師唔會特別點理你 (GH一班40幾人). 你有嘢要幫手, 主動搵老師, 老師都幫你嘅.

ok3

liencheng 發表於 19-11-17 08:28
我囡都考到德望但個個都話好谷，一年班要留班，有D擔心

一年班要留班, 相信邊間小學都會有. 但我估有都係零星個案. 起碼當年圍內冇聽人話小一要repeat. 轉校就有

ok3

liencheng 發表於 19-11-18 14:53
多謝你呀，想問老師嚴格麻？

如果你問紀律上, 相信老師有嚴厲亦有比較鬆嘅. 不過GH啲女仔一般都ok嘅. 小學生, 仲要係女仔, 相信唔會太曳啩. 我反而覺得老師對字體(無論中英)比較嚴格, 亞女好多時因此要改正或考測時被扣分

ok3

liencheng 發表於 19-11-20 10:50
謝謝你令我放心，囡囡考到令我好意外但擔心咗好耐身邊朋友都話學校好嚴好谷，沒有正能量俾我
...

囡囡英文程度如何? 如果英文ok, 我覺得GH真係唔算辛苦的 (最辛苦可能係冬天要6點幾起身). 我見亞女比起有啲讀官津嘅朋友仔已經輕鬆好多. 好多地區一線或博上位嗰啲官津, 先真係谷呀! 聽街外人講, 不如聽下在校家長意見仲好啦. 俾啲信心亞女啦