黙書明明有温

Clarkie

你哋有無試過, 明明係屋企温咗黙書, 明明同佢試黙時係識晒。黙之前個日都重有再温, 係識既。但到返到學校黙, 就重會錯。究竟係點解?
囝囝小一, 幼稚園時K2開始已有黙書。當然, K時唔會黙太多野, 通常幾個詞語加一句句字。K時黙書, 無論中定ENG, 10次都有9次100分。但到咗呢家小一, 當然黙既句字會多咗, 所以用來温黙書既時間都有多到。但我就係唔明, 點解係屋企温時係識, 返到去就係另一回事?

若係careless mistake個啲, 我明, 我唔係要100分, 但都應該有會8/90分, 究然得6/70分。有沒其他人遇過, 究竟係點解? 我想知點可以幫到小朋友。

Yanamami

派默書番黎，錯既地方係因乜事？筆劃不清楚、完全唔識寫个字、聽錯老師讀乜野、漏標点……定寫得太慢？係学校老師讀同俾学生寫既时间、速度未必同你－样，佢或者紧張得滞腦闭塞諗唔到？开学兩个月啫，俾d时间揾个问題出黎对症下葯｡

MrBeast

k2 開始有默書？ 人類又進化了

kiukiu1016

太緊張嗎？

haihaimom

回覆 Clarkie 的帖子

才小一，還在適應中，唔好咁緊張，有6/70分已經寫啱好多喇。默書冇乜大不了，讀書十幾二十年，小一算什麼！多鼓勵，讚下小朋友認真準備，保持學習興趣才重要。

1998Ruby1998

若非讀障、聽障、過度活躍、專注力失調等問題，咁通常有四種原因：
1. 寫字慢，老師唔等人
2. 突然失憶唔記得個字點寫，不斷糾結，老師講下一句佢都未回魂。
3. 筆劃，你冇嚴格執，但老師穿少少都圈。
4. 老師讀默，但會跳過部份字詞，小朋友懶醒/緊張寫曬落去，每個字扣分。

望下小朋友失分位係乜，1、2、4 好明顯係漏/多左，但 1 就啲字體貫徹但擦痕可能少（都趕唔切擦），2 就同一個地方好多擦痕，甚至擦到黑曬，4 就字體貫徹/多一條直線擦痕，3 就好多圈圈，

sunnymama2

Clarkie 發表於 19-11-6 17:44
你哋有無試過, 明明係屋企温咗黙書, 明明同佢試黙時係識晒。黙之前個日都重有再温, 係識既。但到返到學校黙 ...

樓主，我曾經都有呢個疑惑。

我仔小一時都係明明有温，番學前明明都識，但次次番黎都冇100分，搞到我以為佢學障。

但升到小二，呢排默書唔駛温好耐，都連續幾次有滿分，就算唔記得温默書都有70分。

樓主，我冇咩心得，或者不負責任咁講句，時間係最好的良藥 （***其實孩子亦要適應期的***）

Cheeselover

不要給他太大壓力，我時常跟女兒說付出過，盡了力就可以，重要是過程，分數只是結果，我們拿高分，目的是少改正，省下時間來玩才是最大的誘因。

力神1

我仔小三都仲有呢個情況出現，溫好晒岩晒，但結果事與願違

tantanmama

我地大人寫字都會寫錯字啦, 細路寫錯真係一D都唔出奇. 而且, 而家好多中文字同我地寫法唔一樣, 可能你以為温啱晒的, 老師都仍認為錯.
問下你仔係咪太過緊張定係其他原因再幫佢諗辦法.

CMPL

回覆 tantanmama 的帖子

小朋友好多時在家媽媽會慢慢讀他慢慢寫, 但在學校老師不會等全部學生, 一緊張可能就會有錯漏.  在家溫默書時媽媽嘗試讀一句或半句叫小朋友記著然後默出來, 不可逐個字讀等他

逐個字寫, 因為老師都是一句句咁讀.  另外叫小朋友讀下默書內容加深下句子印象, 因為好多時深的字不會錯, 反而忘記了淺的字.  

加油!  默書只佔好少分, 只要找對方法打好個底, 高小默書可以好輕鬆, 因已經累積了很多詞彙了.

gisselle.ho

回覆 Clarkie 的帖子

以前我都好火滾,點解我同囝囝既付出同收穫吾成正比,不過見到迫死佢都吾系辦法,依家反而睇開左,仲有最緊要系佢學校默書只系當練習,吾計落成績表

gokinjo

回覆 Clarkie 的帖子

錯字扣幾分?
錯標點扣幾分?
有無UNSEEN?
中英文默書安排喺同一星期?  
默書成績差果次，會否除了默書仲有測驗?
默書時老師讀幾多次?

默書成績高低，除咗溫習，還有好多原因。